طلّي يـ غيم المدينه واستبشر يـالغيّث

البارت التاسع

وصلوا غيث والبنات لستاربكس
غيم وهي تعانده نزلت دريشتها : سلام عليكم
النادل : اهلا وعليكم السلام
غيم : ابي V60 لو سمحت
غيث بحده : كلمني انا تراني موجود
النادل : معليش بس المدام هي قاعده تتكلم
غيم وهي تكلم النادل : ابي اربعه V60
النادل : زين
غيث بحده : طيب يا غيم طيب
غيم : غيث ترا م طلبت لك لانو م اعرف قهوتك
غيث : بطلب لي
النادل وصل
غيث : جيب واحد V60
النادل : طيب ثواني

عند منيف اللي كان معاه جده وجدته
نزل منيف : ياجد بخلي الخيمه عبال م يجون العيال ويساعدوني فيها
الجد : لاهنت يا وليدي
راح الجد لنيّاقه بصحبة حفيده منيف
منيف : يا جد ايش اسم ذي الناقه
الجد : النايفه
منيف : وش سبب تسميتك لها هالاسم
الجد : هذي طال عمرك سميتها ع امي الله يرحمها كنت احب امي بالحيل وقريب منها وبيوم تركتني وراحت للي ارحم مني ومنك وسميتها النايفه عشان اتذكر امي وهذي الناقه اودّها مره
منيف وهو يمسح دموعه بدون لا يشوفه الجد : الله يرحمها يارب ويجمعنا بها فالجنه
الجد : امين
وماهي الا دقايق ووصل سلمان والحريم
نزلوا الحريم وهم يسوون خيمتهم وينزلون اغراضهم ويجهزون القهوه والشاهي
سلمى : وين العيال والبنات تاخروا
منيره : راحوا البقاله اما العيال مدري عنهم
هدى : الله يحفظهم يارب خلونا نجهز الجلسه عبال م يجون
توجهوا الحريم يجهزون كلشي معادا سلمى كانت عند الجده تقيس سكرها
سلمى : يا خاله ما يصلح تكثرين فالسكر
الجده وهي تمسح ع راسها : وايش اسوي يابنتي احب الحالي
سلمى : دامني هالاربع الايام معاك انا بسوي اكلك بيدي
الجده : الله يرزقس يبنيتي
سلمى وهي منكسره امام الجده : يا خاله امس ناديه تقول م فيه شي ع الطريق يعلم الله انها ضايقتني مرا
الجده : يا امي انتي الحمدلله ع م عطى و ع م منع ربي بيرزقس ولا تهتمين ل هالكلام
سلمى اللي تعتبر الجده امها تكت ع رجول الجده والجده تمسح ع شعرها وتواسيها

عند العيال ف البقاله
عبدالرحمن : ولد والله لو اننا بنقعد بالبر طول حياتنا بسكم من الاغراض
سلطان : انا جبت كل المشروبات اللي يحبها قلبكم
خالد : وانا جبت الشبسات
فارس : وانا جبت الاندومي
سعيد : بجيب لبن لجداني واجيب لهم مشروبات واشياء م فيها سكر
ليث : ابي كوره
عزوز : جبت انا معليك
سلطان اللي جاي من قسم الحلويات : م خليت شي بخاطري الا واشتريته
عبدالرحمن : حسبي الله عليكم ي الكلاب والله ان تدفعون
خالد : بنقط
راحوا عند الكاشير
الكاشير : حسابكم 200‪
سعيد اللي تقدم وهو يدفع
سلطان : كنت بدفع بس كفو عليك
سعيد وهو يضحك : ايي ايي كنت بتدفع
ركبوا العيال وتوجهوا للبر

عند غيث والبنات فالبقاله
غيث اللي معصب صار له ساعه من سوبر ماركت لـ سوبر ماركت ثاني
اشتروا كلشي بس معاد ينقصهم الا فرواله وتوت وشوي فواكه
غيم : بنات كيف نصارحه
نجد : انا مالي دخل من البدايه وانا اكلمه
لمار ونوف : بيفصل علينا مالنا دخل
الهنوف : وانا بعد مالي دخل خلاص مو لازم
غيم : الا لازم انا ابيها
نجد : روحي كلميه يمكن يوافق واذا رفض خلاص عادي
غيم وهي متوتره توجهت لغيث
غيم : غيثي
فز غيث ب ابتسامه من سمع هالاسم منها : عيون غيثش
غيم ب توتر وهي تهديه : عادي لو بس مرينا سوق الفواكه ينقصنا بس اشياء منه
غيث : كنت برفض لكن عشان قلتي غيثي والله م اخليها بخاطرش
غيم : شكراا بنادي البنات وبجي
تقدمت غيم وهي تحضن البنات : وافق وافق
البنات تقدموا وركبوا
غيم وهي تضحك : غيث شفيك مقفل دريشتي ابي اشوف الجو كل ذا عشان معد اكلم النادل
غيث : سمي طال عمرش
غيم وهي تطلع راسها من الدريشه وطرحتها نزلت من الهواء وبدا شعرها يتطاير ب الهواء
غيث اللي يناظرها ويضحك من تذكر ان هذي حركتها من صغرها : غيم تذكرين يوم كنت اخذش و اوديش للبقاله وتطلعين راسش من الدريشه للحين هذي عادتش م تغيرت
غيم وهي تضحك : ايي اذكر شلون انسى
كملت وقالت : كنت تسرع عشان انبسط بالهواء
غيث بضحكه : كنت ارضي طفلش الداخلي بقد م اقدر
غيم : اخ يا غيث ودي ذيك الايام ترجع
تنهد وهو يمسك الدركسون وهو بخاطره ترجع ذيك الايام
نجد : هي الوو ترانا موجودين
لمار : م عرفتك غيث وانت تسولف كذا
غيث : اعوذ بالله شتبون
غيم : والله يا بنات هذيك الايام واحشتني مرا
وصلوا لسوق الفواكه
غيث : مين بينزل؟
نجد : حسبي الله م كاني خالتكم تراني تعبت
لمار ونوف والهنوف : ايي والله كلنا
غيم : انا بنزل معاك
غيث : زين قبل تنزلين عدلي طرحتش السوق مليان رجال
عدلت طرحتها غيم ونزلت
تقدموا وهم يدخلون
راحت تركض عند الفرواله وهي تضحك : غيث تذكر لمن سرقنا من مزرعة جار جدي فرواله وشردنا
غيث وهو يضحك : صح اننا تعاقبنا لكن اهم شي م خليتها بخاطرش
غيم وهي تمسح حبتين فرواله وهي تعطي غيث وتاكل : ذيك كان لها طعم خاص
غيث بغرور : طبعا لاني جبتها
غيم وهي تضحك : اهم شي واثق انك السبب
خلصوا واشتروا وتوجهوا للبر