طلّي يـ غيم المدينه واستبشر يـالغيّث

البارت الرابع والثلاثون

الساعه 8:30PM فـ بيت الجده
كانوا جالسين فالحوش ب انتظار صلاة العشاء وكعادتهم يشربون حليب وكل واحد يقول سالفه
هدى : ودي اروح لغيث
عبدالله : وين تروحين الله يهداش م في وقت زياره الحين
هدى : متى وقت الزياره
عبدالله : من الساعه 3 العصر لساعه 5
الجده : ان شاء الله اني قد اروح ازوره واتطمن عليه انا وانتي ومنور
منيره : ان شاء الله يا يمه
نجد : ليكون انا بنت البطه السوداء
الجده رمت الفنجال عليها بضحكه : قد رحتي اليوم الصبح
نجد : صح اني رحت بس م شفت غيث
الجده : خلاص وانتي معنا بعد
نجد : اي كذا تعجبيني
سمعوا صوت الاذان
عبدالله : يلا يعيال مشينا نصلي
خالد يحب يناقر عبدالله : يا عم ودي ارقد
عبدالله ضربه بالعصا بخفه : صلاة العشاء والفجر اثقل صلاه ع المنافقين قم لا تكون منهم
خالد : يا قوو حجتك يا عم ابشر الحين اوضي والحقك
عبدالله : تمام لا اوصل المسجد الا قدكم وراي
الهنوف : خالو
عبدالله : لبيه
الهنوف : خل العيال يروحون البقاله يشترون لنا مفرحات
سلطان : م فيه م فيه م فيه
عايض : اقول قدامي انت وياه بعد الصلاه روحوا البقاله جيبوا لهم اللي يبون وان كان م جابوا لكم والله م يمسون الا برا
فارس : انا مالي شغل
عبدالله : انت اولهم
فارس : شدعوه عليكم
ليث : خالو انا ابي ايسكريم وكمان لي و لعزوز وفهد وترف
عبدالله : كل اللي ودك به قول للسملق اللي وراك يجيبونه
سعيد : قدنا سملق ذلحين
منيف : عشانك قلت سملق م بروح
عبدالله تقدم بعصاه وبدا يضربهم بعشوائيه
خالد ب الم : مالك داعي ياعم تضربني م سويت شي انا
عبدالله : هيا امشوا تاخرنا ع الصلاه
الجده : بشويش عليهم لا تضربهم المساكين
عايض : سكاكين قصدش
العيال : يلا رحنا نصلي
تقدموا العيال متوجهين للمسجد واما البنات والحريم والجده دخلوا يصلون ويجهزون العشاء

فالمستشفى
دخلت غيم للحمام (يُكرم القارئ) تغسل وجهها وتوضي طلعت وبيدها منديل تمسح وجهها ابتسمت من شافت غيث يصلي ع الكرسي
غيم ضبطت طرحتها وغطت شعرها وابتدت تصلي

عند كافتيريا المستشفى
جواهر : عبود اجيب لهم سنيكرز ولا تويكس
عبدالرحمن : لا يروحي وين بنجيب لهم شي صحي خصوصا غيث لازم تزين صحته
جواهر : اوكي بناخذ لهم وجبة عشاء خفيفه
عبدالرحمن : بنعطي الاكل غيم ونروح لان لازم بس مرافق واحد
جواهر : زين
اشتروا الكافتيريا وتوجهوا للدور اللي فيه غرفة غيث
عبدالرحمن دق الباب وطلعت له غيم
غيم : هلا عبود م قد رحتوا؟
عبدالرحمن : جبنا لكم عشاء وبنرجع الحين
غيم تقدمت تاخذ الاكل حطته ع طاولة غيث ورجعت لهم تودعهم
غيم : انتبهوا لنفسكم ولطريق
عبدالرحمن : ابد ازهلي
عبدالرحمن بصوت شبه عالي : مع السلامه يا غيث
غيث : ودعتك ربي وانتبه لك وللي معك
عبدالرحمن : ابشر يالعشير
اكتفى غيث ب ابتسامه استاذنوا عبدالرحمن وجواهر ورجعوا متوجهين للديره عند الجده
تقدمت غيم للكرسي اللي بجانب سرير غيث جلست وهي تفك الاكل
غيم : تحب السلطه؟
غيث : مو مشتهيها
غيم : طيب تشرب عصير؟
غيث : م ودي به
غيم تقدمت تشربه العصير : م اسمح لك تكون كذا بدون اكل
غيث شرب مرا وحده ولا عجبه : وين جوالي
غيم التفت تدوره : هنا ليش؟
غيث : بطلب لنا اكل وش بسوي يعني
غيم : لا تتعب نفسك م بسمح لك لانو تاكل شي صحي
غيث : خلصتي كلامش؟
غيم : ايوا
غيث : ها جيبي جوالي اطلب
غيم بغيض : مستفززززز
غيث ب ابتسامه وبيده جواله : توني ادري اني مستفز
غيم رفعت طرحتها لشعرها وتقدمت للباب : ننن
غيث : ع وين
غيم : بروح اتمشى بحديقة المستشفى
غيث : خليش معي
غيم : م بدي اياك
غيث ب الم : اخ ايدي تعورني
اسرعت غيم تشوف يده : بسم الله شفيك وش تحس به انادي الدكتور
غيث بضحك هستري : مشت عليش
غيم رفعت نظرها له بغيض : اكرهك يالسامج
غيث رفع يده اليسرى ليدها : الا ذي الكلمه ماني بدانيها
غيم : بطلع امشي طفشت هنا
غيث : بروح معش م ابيش تروحين لحالش
غيم بدموع: وين تروح ياروحي وباقي يدك مصابه و م تقدر تحركها
غيث رفع يده يمسح دموعها : بتهون يا روّح غيث
كمل ب ابتسامه : بعدين وش فيش هالفتره صايره ام دميعه كلشي يبكيش م خبرتش كذا
غيم لفت و مسحت دموعها : من قال اني بكيت
غيث : ابد محد بكى
غيم بضحكه : الحين انت زعلان مني ولا م عاد عرفت لك
غيث : ماش للحين زعلان عليش جدّى
غيم تقدمت له : زعلان علي ليش
غيث بعتاب : انش كذبتي علي طول هالفتره
غيم : اضطريت يا غيث اخبي عليك و ع الكل عشان اقدر انفذ خطتي انا لو قلت لك بتتسرع وبتذبحه ع طول وربي حاولت اقولك بس خايفه عليك غيث خايفه تسوي له شي او تذبحه وتروح فيها وقتها بكون جسد بلا روح رضيت اني اعيش هالعذاب ولا اعيش العذاب ببعدك
غيث : تدرين شصار بذيك الفتره حاولت اكرهش عشان اقدر اعيش حياتي بلا وجع كنت اتوجع يا غيم كان قلبي يوجعنيي خيبتي املي قدامهم
غيم مسكت يده بحزن : انا اعرف والله اعرف اني خيبت املك بس صدقني اضطريت كنت اكذب ع الكل واقول ابيه وانا من داخلي م ابي غيرك كنت كل م اشوفك اتوجعع اكثررر و م كان بيدي شي م اقدر اشوفك متضايق بس صدقني اني كنت متضايقه اكثرر منك م كنت ابي يصير بينا هالشي ونفترق م كنت بخير ببعدك عني اتوقع اني اصبت ب اكتئاب كان كل وقتييي دموع كنت موجوعه من داخلي تعببببببت نفسيا ذيك الفتره
سكت غيم تحاول م تدمع كملت بضيق : غيث انا بدونك مو بخير
غيث شد ع يدها : وغيث بدونش مو بخير يعلم الله اني احبش بكل م فيني ولا بغيت هالشي يصير بيننا خصوصا يوم شفتكم مع بعض وانتوا تختارون فستان زواجش اوجعني قلبي بالحيلللل كان ودي ادفنه بالارض بس وقفني سلطان وقال انه زوجش كانوا يقولون انه زوجش و محد كان يفكررر بقلبييي اللي يتوجع كل ثانيييه
غيم : اسفه غيث اسفه اني عيشتك كل هذا
غيث ب ابتسامه : لا تتأسفيين م سويتي شي بيدش لا اسمع اسفه منش ودش غلطانه ولا مو غلطانه خطاش بعيوني صواب
غيم : احبك
غيث : واللي خلقني اني أهيم بش
اكتفت غيم بابتسامه
غيث مسك جواله من دق عليه المندوب
غيث : هلا
المندوب : سلام سديق انا وصلت الموقع
غيم بهمس : بنزل اجيب الطلب
غيث : وصل غرفه رقم ** الدور الثاني
المندوب : تمام
غيم : شفيك كان نزلت اخذته وطلعت ع طول
غيث : م ودي تروحين لحالش وخصوصا انه ليل يمكن يخطفش
غيم : ابشر بعيد الشر وين يخطفني م بسمح له
غيث : اخخ يا غيم احبب برائـتش وشو اللي م بتسمحين له بيخطفش غصب رضيتي ولا م رضيتي
غيم : م حبيت جوه المفروض يسألني قبلها ولا؟
غيث بضحكه : ايي ماله داعي لو م قال لش بخطفش هل تسمحين لي؟ ههههههههههه قسم منتي طبيعيه
غيم : وتطقطق كمان
دق الباب وتقدمت غيم تفتح واخذت الطلب قفلت الباب وتقدمت تاخذ ايبادها
غيم : بصراحه سوالفك طفشتني ف بنتابع فلم وناكل
غيث : عاد انا اللي ميت ع سوالفي معش يلا يلا شغلي لنا فلم رعب
غيم : شدعوه غيث ليش فلم رعب
غيث : يخوافه
غيم بمكابره : اصلا انا جويي افلام الرعب
غيث : عطيني انا بختار
اخذ الايباد يختار الفلم واما غيم جهزت الاكل وفتحت الأكياس
غيم : غيث طلبت برقر لحم او دجاج؟
غيث : تحسبين اني نسيت انش م تحبين اللحم؟
قدم يشوف وين برقر الدجاج : شوفي ذا حقش
غيم : شكرا
غيث اكتفى ب ابتسامه وبدوا يشوفون الفلم وياكلون والمكان مُظلم م في الا نور الابجوراه وعمّ الصمت بينهم
جت لقطه تخوف بالفلم غطت غيم وجهها بخوف : غيثثثثث تكفى غيرهه
غيث قفل الايباد ورفع يده اليسرى لها يبعد يدها عن وجهها : قفلته هذي هي اللي م تخاف من افلام الرعب
غيم : انت حطيت فلم يخوف مرا
غيث : اشغله ولا سوالفي احسن؟
غيم : لا لا سوالفك تجنن
غيث بدا يضحك من قلب : اييه كذاا ياخي
غيم تقدمت للايباد : اسكت شوي
فتحت اليوتيوب وشغلت ماشا حطته قدامهم
غيث : لا لا تمزحين شجوش
غيم : احب ماشا اتابعها بالليل عشان يجيني نوم
غيث : وين ديك انتي تنامين الساعه تسع الليل
غيم : ننن اصلا صارلي يوم م نمت بسببك
غيث : اوف قويه بحقش خلاص تابعي ونامي
غيث رفع جواله يفرفر فيه
دق ع منيف
منيف : ياااااكلببببب وينكك وحشتنيي وربي الديره مو حلوه بدونك
غيث : اي اي ادري
منيف : وينك
غيث : بالمستشفى وانت
منيف : جالس مع العيال والبنات معنا تو وصلوا لنا عبود وجواهر
غيث : حلوو وكيف الاجواء عندكم
منيف : والله حلوه وشبينا نار عشان البرد
غيث : عاد تدري اشتقت لذي الفقره وربي
منيف : كيف صرت
غيث رفع نظره لـغيم اللي نامت ضحك بهدوء : بخيير وبخير جدا الحمدلله
نجد بصوت عالي : غيث يروحي كيفك
غيث : يالله حيها وحي هالصوت بخير لش الخير
نجد : عساه دوم وين غيم
غيث : موجوده
نجد : ابي اكلمها
غيث : نايمه والله
فارس : امحق مرافق هههههههه نايمه و المصاب للحين صاحي احلام العصر وربي
غيث : راضي بالمرافق وراضي باللي يسويه بعدين سد حلقك مالك شغل
فارس : شف شف كيف يدافع عنها
غيث : وربي لو م بيني وبينك شاشه كان كسرت وجهك يالسلوقي
منيف : معليك منه متى بتطلع
غيث : والله ودي اني طالع اليوم قبل بكره لكن م بيدي حيله
خالد : بزر انت وش صوت افلام الكرتون اللي عندك
غيث ضحك من تذكر غيم : جاني الثاني وش تبي شعليك
عبدالرحمن : انتبه لنفسك ولغيم
غيث : لا توصي حريص
منيف : يلا توصي شي ودك بشي؟
غيث : لا سلامتك
منيف : اجل م ودي ازعجك اكثر من كذا وتصبح ع خير
غيث : تلاقي الخير و قل لـ ليث اني بجيه ان شاء الله بهدايا علمت انه يبكي يوم غبت عنه
منيف : والله انه كل يومه يبكي يقول وين غيث واحنا نقول مسافر الله يعينك جبله هدايا عشان يصدق
غيث : يبشر عيون اخوه بالهدايا
قفل غيث من منيف ورفع نظره لغيم اللي جالسه بالكرسيو منزله راسها ع سرير غيث
قام من سريره ب ألم وهو يبعد طاولة الاكل و ينفض المفرش تقدم لـ غيم ب الم : غيم يا روحي تعالي هنا نامي
غيم بتثاوب : ابي انام
غيث مسك يدها و ساعدها تنام ع السرير ارتمت ع السرير بتعب تقدم غيث وهو يلحفها ب المفرش جلس ب الم ع الكنبه وهو يرجع جسمه لوراء وماهي الا دقايق ونام مباشره من التعب ..