طلّي يـ غيم المدينه واستبشر يـالغيّث

البارت السادس عشر

بعد 3 ايام من عزاء الجد ابتدوا أهل الجد يرتاحون ويحاولون يسوون كلشي بيونس قبر جدهم من صدقات جاريه ودعاء ..

الساعه 2:33AM
صحت غيم تتوجه للمغسله توضي وتصلي الوتر واللي تعتبر ان صلاة الوتر شي روتيني ولا ترتاح الا اذا صلتها
توجهت للحوش وهي تصلي وتخلص وطلعت مصحفها تقرا بهدوء

عند العيال بالمجلس
صحى غيث وتوجه للمطبخ يشرب مويه وشاف غيم جالسه بالحوش اخذ كوبين شاهي وطلع متوجه لها
غيث جلس قدامها : تقبل الله
غيم اللي انخرشت : بسم الله خرشتني
غيث بدا يصب لها شاهي : معليش بالغلط ليش طالعه تصلين بالحوش بذا البرد
غيم : ابد والله جا ببالي اصلي برا وصليت
غيث : ايي وعلومش اخبارش
غيم اللي تذكرت ام عوض وتربعت بحماس : ايي تخيل فاتك ام عوض بنص العزاء قالت مين انتي قلت غيم قالت مين امك قلت منيره قالت ما شاء الله يحلوش ودي اخطبش لعوض
غيث اللي فتح عيونه بصدمه و ازدات نبضات قلبه : يا نعنباها يا ناه كمني اشنا ذي المره ووش قلتي
غيم : قلت معليش يالخاله ماهب بوقته ذي السوالف وان كان بتزوج م باخذ الا غيث
غيث اللي بدا يصفق : تعجبيينيي
غيم وهي تضحك : علمتني نجد انها تزوج العرب غصب وقلت لها اني بتزوجك عشان لا تقرب منا وانت وش تعرف عنها
غيث : ذي العجوز مسببه عقده لعيال الديره تبي تزوجهم وهم ينفرون من الديره
غيم وهي تضحك : اخخ يا غيث وانا اقول ليه الديره م فيها ناس واجد
غيث : وذا الشي افضللل شي بالديره
غيم : وانا بعد احبب الديره مرا عشان بيت جدو وكمان عشان مزرعة بابا
غيم اللي انتبهت لـ بسه بيضاء تقدمت لها : تعال غيث شفف كيف تجنن
غيث اللي قرب من البسه ومسح ع راسها : ضني ان قد ودها بماء ولا حليب
غيم اللي قامت بتتوجه للبيت : غيث خلك هنا بروح اجيب لها حليب وبجي
غيث جلس يمسح ع راس البسه بحنيه بـ انتطار غيم تجي تتطيها حليب
وماهي الا دقايق ورجعت غيم بالحليب : خذ صب لها
غيث اخذ الحليب وهو يصب لها ب علبه : تبينها؟
غيم : ودي بس يبي لها اهتمامات وانا مو فاضيه بصراحه لها
غيث : اذكر يوم كنتي صغيره تلحقين البسس تبين تربين لش وحده
غيم بضحكه وهي تلعب مع البسه : كنت احبها تصدق اني كنت ابكي اذا شفت بسه بالشارع احس حرام تموت من البرد
غيث اللي تكى ع المركى ويده الثنتين ورا رقبته : بخصوص بسة ميري اللي كنتي تلعبين معاها
غيم بحزن : لمن رجعت من الخميس م لقيتها مدري وين راحت
غيث : للأسف ماتت
غيم :كذابب
غيث : والله
غيم : تحزنن
غيث : تراها حيوان ليش تبكين عليها
غيم : لا تسوي طالع منها وانت كنت تبكي لمن ماتت ناقة جدو ذيك
غيث بتنهيده : ذيك الناقه غيرر اخ والله اني احبهاا
غيم وهي ترمي عليه الحليب : اوكي قلنا تحبها بس مو كذا
غيث اللي حس بغيرة غيم : لو باقي حيه والله ان اذبحها لعيونش مدامها مضايقتش
غيم ابتسمت وحمّر وجهها والتفت للبسه اللي راحت : حسبي الله راحت بسببك
غيث : فدا خليها تروح لأهلها
غيم رجعت تجلس بالجلسه : غيث احس ودي بشي
غيث : ودش بشي؟ امري بس و انا البي طلبش
غيم : ودي انضف انا والبنات مسجد جدو احس انه صار فيه غبار ويمكن في احد عنده حساسيه من الغبار وكذا م ودي احد يجيه شي
غيث : ليت العرب كلبوهم غيم
كمل وقال : ابشري ان شاء الله اليوم بالليل اوديش انتي والبنات تنظفونه وبعدها بفكر بشي
غيم : ترا انت اللي بتكنس مو احنا بس
غيث : معرف لها
غيم : وش بتسوي اذا تزوجت يعني ترضى يكون الشغل كله عليها؟ وجع عليكم يالعيال اكرهكم
غيث بضحكه : لما صارت حرّمي حرّمي وقتها والله م تلمس شي وانا عندها
غيم : ايي كلنا نعرف كلامكم
كملت وهي تقلد العيال : والله لا اعيشك ملكه
غيث : طيب انا شدخلني تفصلين علي
غيم : انت برضوا ولد يعني مع العيال
طلع سلطان وهو يرمي نعاله (يُكرم القارئ) ع غيث : يالكلب خوفتني احسبنك صرت تمشي وانت راقد
غيم : اي تخيل لو م مسكته كان الحين قدهو بالرياض
غيث وهو يضحك : واو يا غيم م توصلل
سلطان : كلتراب ورح اذن عقاب لك
غيث بنرفره : انكتم
سلطان : سمّ
غيم اللي انصدمت من شافت الساعه 4:28 : مو طبيعي كيف م حسيت بالوقت كلها بسببك
غيث : هيا خذلك كلشي براسي
غيم دخلت للبيت تصحي جدتها وخالاتها والبنات
وغيث توجهه للمسجد قبل العيال عشان ياذن الفجر وماهي الا دقايق ووصلوا العيال للمجسد واهل الديره بشكل عام
ابتدا غيث يصلي بهم
خلصوا الصلاه وطلعوا اهل الديره م بقى بالمسجد الا العيال
غيث : يلا ياولد خلصوا عشان نطلع ونقفل باب المسجد
طلعوا العيال متوجهين لبيت الجد وغيث يقفل الباب وماهي الا دقايق ووصلوا للبيت وجلسوا بالحوش زي عادتهم ينتظرون الفطور
غيث : يا جده ودش اطلع الغنم وادخلها الحوش تاكل المرعى(العشب) اللي معبي الحوش
الجده : اي والله انه ودي وابي اشوف غنمي قدلي منها اربع ايام
غيث : ابشري بسعدش ياجده افطر واطلعها
الجده : عساك ع القوه وخل معك واحد من العيال يساعدونك
غيث : ابد ياجده ازهليني
سلطان اللي كان يقول نكت عشان الجده تضحك وهي فعلا كانت تضحك من سوالف سلطان
وماهي الا دقايق وطلعوا البنات بالفطور ميري اسرعت تفرش السفره وابتدوا البنات يحضرون الفطور
عبدالله : عساكم ع القوه يا بناتي
غيم ابتسمت له : بالعافيه يا خال
اجتمعوا كلهم ع السفره واللي كان ينقصهم الجد كان ينقصهم روح الجلسه لكن كل واحد مخبي جرحه وشوقه لجده عشان يقوي الثاني ولا فيه احد قاوي فراق الجد حتى الغنم وهي غنم فقدت اللي دايم يعطيها اكل فقدت اللي كان يرعاها  :(
خلصوا من الفطور وشلت ميري والبنات الفطور ودخلوا البيت
غيث : ولد منيف قم الحقني بنروح نطلع الغنم
منيف : العب يا الغنمات البطله يلا بلبس شوزي وبجيك
عبدالله اللي رمى منيف بعقاله : غنمات اجل تكفى يا غيث استلمه واكرله خله يتعلم مع الرجال
غيث : ابشر بي
توجه غيث ومنيف للغنم
منيف : تدري انيي مشتاقق لجدي احس يليته م راح يجيب اللحم لانو اصلا بالثلاجه كان في لحم
غيث : الحمدلله ع م عطى والحمدلله م منع وراضين بقضاء الله وقدره وكلشي مقّدر ومكتوب
منيف : اي والله انك صادق طيب اي غنمه بنطلع يع بتخرب الحوش
غيث اللي لحق منيف بالعصا : ورع وش اللي غنمه انا اوريك يالكلب والله محد يرعاها الا انت
منيف وهو يركض : ابد ابد جويي
منيف رجع للشبك الغنم ومن شافها كلها تطلع شرد : غيث تكفى ابعدها والله مقدر ارعاها
غيث وهو فاطس ضحك : اخخ يا منيف ب تجلطني
تقدم غيث وهو يرعى الغنم لين دخلها بالحوش وبدت تاكل والجده كانت مبسوطه من شافت الغنم
غيم اللي تكت ع رجل جدتها : جده شرايك تعطيني خروف صغير واربيه
الجده : واذا كبر وش بتسوين فيه
غيم : ممكن ابيعه
الجده : شوفي الغنم قدامش اختاري اللي تبين
غيم اللي قامت بحماس توجهت لغيث : امم اسمع جب ذاك الحروف الصغير
غيث : وجع يوجع العدو وش فيش تحاكيني كذا
غيم : جدتي عطتني خروف صغير وابيك تجيبه لي استاذ غيث
غيث بصدمه : امانه
غيم : والله
غيث : وانا اطلبها لي شهرين م عطتني
غيم بضحكه : طبعا حبيبي انا غييير عند جدتي
غيث اللي ارتفعت نبضات قلبه من كلمتها : اها زيين وش تبين فيه الحين خليه يرعى مع امه
غيم : ابي اسوي له شور واحط له فيونكه ب اذنه يعني ابي اضبطه
غيث : الله يخلف عليش بس وش اللي تروشينه
غيم : لو سمحت لا تتكلم معاي هذا خروفي
غيث : بيموت من البرد يا الغبيه
غيم : خلاص كنسلت خله معاك ياكل و خله ياكل زين
غيث : اي اوامر ثانيه استاذه غيم؟
غيم : لا خلاص شكرا
غيم رجعت للبيت وغيث جالس عند الغنم يرعاها : نعنباشش ياغيم لعبتيي فيني لعب
توجه للجده يجلس عندها عبال م ترعى الغنم : ياجده ها شرايش ف الغنم ما شاء الله م خلت شي م كلته
الجده : اي والله زينه
غيث بغيره من غيم : ما شاء الله وش طرا عليش تعطين غيم خروف
الجده : طلبتني
غيث : وانا شقومش م هبيتي لي
الجده بضحكه : انت الغنم كلبوها فداك
غيث : فداش اللي يشناش وجعني م خلا