"အီဆော့မင် ရန်ဖြစ်နေတယ်"
စာကြည့်တိုက်ထဲမှာ စာဖတ်နေတဲ့ ဟုန်းဂျီဆူးဆီ ယွန်းဂျောင်ဟန်က လက်တို့ကာ လာပြောတာကြောင့်ရုတ်တရက် ဝုန်းခနဲထရပ်လိုက်မိတော့ တစ်ခန်းလုံးရဲ့အကြည့်တွေကသူ့ဆီရောက်လာတာမို့ ပြုံးပြကာ စာကြည့်တိုက်ထဲကအမြန်ထွက်လာပြီး
"ဘာကြီး အီဆော့မင်က ရန်ဖြစ်နေတာ ဟုတ်လား
ဘယ်လိုလုပ်ဖြစ်နိုင်မှာလဲ"
"အေး ဟုတ်ပါတယ်ဆို
ရိုးရိုးမတော်တဆဖြစ်တာတောင်မဟုတ်ဘူး ချိန်းထိုးတာတဲ့"
ဂျီဆူး တစ်ကိုယ်လုံးမှာ ရှိသမျှသွေးတွေအကုန် ဆောင့်တက်လာသလို ခံစားလိုက်ရပြီး
"ဘယ်နားမှာဖြစ်နေကြတာလဲ
ဟိုဘက်ကရော ဘယ်သူတွေလဲ"
ယွန်းဂျောင်ဟန်မှာ ဟုန်းဂျီဆူးရဲ့ ခြေလှမ်းအကျယ်ကြီးတွေနောက်ကို မီအောင်လိုက်နေရပြီး သူမေးသမျှ ဖြေနေရလေသည်။
"အားကစားခန်းမနဲ့ CCA အဆောင်ရဲ့ ခေါင်မိုးထပ်မှာ
တစ်ကျောင်းလုံးမှာ CCTV လွတ်တာ အဲ့ဒီတစ်နေရာပဲရှိတာလေကွာ၊ ဘယ်သူတွေနဲ့လဲဆိုတော့ ဒုတိယနှစ်က ကောင်တွေလို့တော့ပြောတာပဲ"
"ပြောတာပဲဆိုတော့ မင်းကိုဘယ်သူပြောတာတုန်း
တခြားသူတွေရောသိကုန်ကြပြီလား"
"ငါ canteen ကနေ ဆွန်းချောဆီသွားနေတုန်း လမ်းမှာ မင်းအမွှေစိန်ရဲ့သူငယ်ချင်း ဆောမြောင်ဟိုနဲ့တွေ့ခဲ့တာပဲ ငါနဲ့တွေ့တုန်းကတော့ ရန်ဖြစ်တဲ့အထဲသူမပါသေးဘူး သူက မင်းဟာလေးနဲ့သူ့ဟာလေးကို ပတ်ရှာနေတာ၊ သူခေါင်မိုးထပ်တက်သွားခါနီး ငါနဲ့တွေ့တော့ ဆော့မင်တို့ဒုတိယနှစ်ကသူတွေနဲ့ရန်ဖြစ်နေတဲ့အကြောင်းရယ် ဂျီဆူးဟျောင်းကို အမြန်ဆုံးခေါ်ပေးဖို့ရယ်ကို မှာလိုက်တာပဲ အခုတော့ သူပါ ဝင်ချ
နေလောက်ရောပေါ့"
စာကြည့်တိုက်နဲ့ အားကစားခန်းမက ကျောင်းရဲ့အစွန်ဖက်တွေမှာရှိနေတာမို့ ဇောနဲ့ဟုန်းဂျီဆူးအတွက်တော့ မသိသာပေမယ့် နောက်ကလိုက်နေရတဲ့ ဂျောင်ဟန်ကတော့ အတော်မောနေလေပြီ။
ခန်းမထဲမှာ ဆွန်းချောနဲ့တွေ့တာမို့ ယွန်းဂျောင်ဟန်ကို ဆရာမတွေဆီသွားကာ ဆော့မင်တို့အနိုင်ကျင့်ခံနေရတဲ့အကြောင်းတိုင်ဖို့ကို တာဝန်ပေးလိုက်ပြီး ဆွန်းချောကို ဆွဲခေါ်ကာ အပေါ်ကိုတက်ခဲ့လိုက်တော့သည်။
