" thanks bro " ဟုပြောလာသည့်ကောင်ငယ်လေးအားစကားအနည်းငယ်ပြောရန်လိုအပ်နေပြီဖြစ်ကြောင်း ထွန်းထက်အောင်သိလိုက်သည်။ သို့သော် စားသောက်နေရာက အနှောက်ယှက်မပြုချင်သောကြောင့် blue စားပြီးသည့် အချိန်ထိစောင့်သည်။
ခေါက်ဆွဲတစ်ပန်းကန်ကို အားရပါးရစားပြီးသည့်နောက် ရေတစ်ခွက်ချပေးကာ သောက်ခိုင်းရသေးသည်။
" တိမ်ပြာမောင် ကိုယ်ပြောတာသေချာနားထောင် "
" ပြောလေ "
" ကိုယ်တို့ မြန်မာလူမျိုးတွေမှာ ယဉ်ကျေးမှု့တွေ ဓလေ့တွေ ရိုးရာတွေ ရှိတယ်။ အသက်ကြီးသူကို ကြီးသူ အလျှောက်၊ငယ်သူကို ငယ်အလျှောက် ပြောဆို ဆက်ဆံရတာတွေရှိတယ် "
" တိုင်းတစ်ပါးမှာ Thanks bro/ sis ဆိုပြီး ပြောလိုက်ရင် ပြီးသွားပေမဲ့ ကိုယ်တို့ယဉ်ကျေးမှု့မှာ ကျေးဇူးတင်ပါတယ်ခဗျာ့ / ရှင့် စသည်ဖြင့် အသုံးပြုတယ် "
" What do you mean? I'm not sure I understand. "
" အင်း ကိုယ်တို့ဖြည်းဖြည်းခြင်းသွားကြတာပေါ့ "
ထိုကောင်လေးအား မြန်မစာသင်ပေးဖို့ ထွန်းထက်အောင် ဆန္ဒရှိနေသည်။
Blue ထွန်းထက်အောင်အိမ်ရောက်သည်နှင့်အရင်ဆုံးသတိထားမိသည်မှာနှင်းဆီခင်းကြီးပင်ဖြစ်သည်။ အလုပ်များဟန်ရှိသည့် ထိုလူကြီးမှာ ဘယ်လိုမျိုးများ ဒီပင်တွေကိုပြုစုသလဲဆိုပြီးလဲ တွေးနေသည်။
" ကိုယ့် နှင်းဆီခင်းကို ကြည့်ချင်လို့လား "
ခေါင်းတမော့မော့နှင့်ပန်းခင်းကိုသဘောကျဟန်ရှိတာကြောင့်မေးလိုက်ခြင်းပင်ဖြစ်သည်။
" I want to see "
" ဗမာလို ခွင့်တောင်း "
" ကြည့်ချင်တယ် "
" ဦး ကျွန်တော်ပန်းခင်း ကြည့်ချင်လို့ပါ အဲ့လိုပြော "
" ဦး ကျွန်တော် ပန်းခင်း ကြည့်...လို့ပါ "
သေချာပြောပြတာတောင် မှားဖြစ်အောင်မှားသေးသည့် ကလေးငယ်အား ကြံဖန်မရစ်လိုတော့ပါ။ အချိန်တွေရှိသေးတာမို့ သေချာသင်ပြပေးဖို့သာလိုကြောင်းတွေးထားလိုက်သည်။
