ضالمه ومضلومه🎭

بارت1

الكاتبه شهد عبدالله..
.
.
.
.
.
.
.
صباح يوم جديد..

چنت نايمه وفجاة صار صوت صياح ومشاده كلاميه عرفت هم تعاركو نفس كليوم ف مهتميت ورجعت نمت گعدت الضهر  ونزلت جوا علمود اكل لان صار يومين مماكله نزلت وچان تطلع گدامي صبيحه (مرت ابويه)

صبيحه:: صح النوم خاتون نايمه للضهاري ومخليه الكرف عليه خلي يجي ابوچ اذا مااخلي يموتچ مااطلع انه صبيحه

شفاء:: تره هستوها الساعه ب11ونص

صبيحه::اييي عيني ماگايله شي تررهه ب11ضهررر ضهرر مو غـبشـه بس شترجه من وحده امها گح....ه وجابتها بالحرام

شفاء::عاد كلشي اله امي الگح...ه مااقبل احد يحچي عليها

صبيحه::عشتو لو شريفه شتسوين اشو تتراگص بالملاهي

شفاء::أي بس بيني وبينچ صاكه وبعدها شباب

صبيحه::منينلها شو چنها قرد ومعصعصه وصايره عجوز

شفاء::ها وين شفتيها بالملهى مو

وغمزتلها شو هاي شمرت عليه بطل المي وراحت وگالت اني اعلمچ يالمسودنه والله يالله عايزني مخابيل

كملت اكلي وغسلت مواعيني ورجعت لغرفتي وگعدت اقرا لحد العصر وچان يندفر باب الغرفه ويچفت عليه أبويه اجه بدون مقدمات عتني من شعري وضرب راسي بالحايط وگعني بالگاع وگام يدفر برجله عله بطني وضربني بضهر ايده عله حلگي گام يذب دم من حلگي ومن خشمي ونوب عت شعري وضرب راسي عله تاج الجربايه وچان ينكسر راسي والدم صار عله طول وجهي وصل لحد رگبتي يضربني ويسب بيه وبأمي ماخله غلطه ماغلطها وانه مثل الجثه بيده شلون ميسويني اصير حته مصيحت ولابچيت ولا حاولت افك روحي منه لحد ماتعب ماضل بي حيل وگف يلهث وانه واگفه گباله يجبل ميهزك ريح وهوا شافني وگفت وكأنُ كلشي مبيه عافني وراح وانه البالي خلص بعد ميرجع وصبيحه واگفه يم الباب ومبتسمه بشماته وانه هم رجعت شعري وره وابتسمت الها صارت نار من العصبيه گامت تريد تموتني طلعت ورگعت الباب وراها وانه گعدت أكمل قراءا لان متعوده دمي يجري وانه اقرا چني مخبله مرت ساعه تقريباً وچان هم يندفر الباب فات ابويه بيده صوط حرارته وصلتني گد ماحامي وصاير احمر....