و جا نهار العقد كانت في ابهى حلة بحجابها و خيمارها راحت مع باباها و خوها و عمها و خالها و جارهم صاحب ايوب و متربي معاهم ملي كانو صغار ختاروه يكون شاهد لي من جيهتهم و توجهو للبلدية و داو معاهم الفال كيما العادات والتقاليد و نفس الشي بالنسبة لاحمد و عيلتو لي حتى هوما كانو في كل اناقتهم راحو 2 طونوبيلات وحدة فيها محمد و منصور و أحمد مع بنتو إسراء
ولخرا تاع الزهو 😂😂😂فيها نسيم و نزيم و أسامة لي ڨلبو الدنيا داخل الطونوبيل المهم وصلو للبلدية و غير تلاقو العايلتين حبطو الرجال من الطنوبيل سلمو على بعضاهم وقدو يسناو في دلاهم باش تلحق اما ياسمين قعدة داخل الطنوبيل حشمة تحبط حتى جاها خوها قالها راه لحق الوقت راهم يعيطونا حبطت من الطنوبيل وجها حمر شافها ايوب بلي حشمانة وتلفتلها اي باش يخفف عليها الضغط حتظنها من ظهرها ودخلها معاه كي وصلت لقاعة الانتضار القات السلام على الحاضرين حتى جاء شيخها وكان رافد إسراء القى السلام وسلم عليها وتفقد حوالها إسراء غير شافتها صوطات من حظن جدها وراحت لعندها حتى هي ستقبلتها و سلمت عليها و عنقتها حتى سمعت اسمها واسم احمد يعيطولهم باش يعقدولهم هنا حست بخوف كبير ودقات قلبها خزرت في باباها لي طمنها بعينيه اما خوها فظحك معاها دخلو لمكتب تاع لي يعقدو فيه (منيش عارفة واش اسمو) المهم دخلو قعدت ياسمين مقابلة احمد قدامها باباها سي علي وقدام احمد كان قاعد باباه اما الباقي ايوب و عم وخال ياسمين و جارهم و حتى اسامة ومنصور وولادو في زوج فكانو قاعدين مقابلين موظف لي يعقد اما إسراء فكانت في حجر ياسمين
بعد ما تحقق الموظف من الورق وصحتها وسقسا العرسان على الموافقة تاعهم و اولياء الامور حاضرين والشهود لي كانو جار سي علي من طرف ياسمين و منصور من طرف احمد تم العقد و امضاو على الورق و كملو الاجراءات و وزعو الفال لي جبوه معاهم
جاو مولين لدار في هدي الاثناء أحمد ستأذن من سي علي باش يخرج مع ياسمين و سي علي مرفضش وقالو هي شرعا و قانون مرتك معنديش الحق نرفض نطق أحمد قالو مدام مزال مدرناش العرس فمزالها تحت أمرك و انا باش نحترمك و ناخذ رايك هكا العادات المهم ياسمين كانت راح تركب في طونوبيلت خوها حتى عيطلها باباها و قاللها بلي أحمد راه حاب يخرج معاك واش رايك تساعدك ضك و لا تخليها نهار أخر معرفتش ياسمين واش تجاوب وحشمة خزرت في خوها طمنها بعينيه نطقت نتا واش رايك قالها انا قتلو كي جا يشاورني راهي مرتك خلاص درك نطق ايوب : غير روحي معاه وشوفي واش يسحق بلاك حب يتفاهم معاك على حاجة بلا متتدخل العائلة خرجت من الطنوبيل لقات أحمد وإسراء يسناو فيها راحت لعندهم ومن الحشمة معرفتش كيفاش تمشي تقالو رجليها هههه وصلت لعند احمد خزرت فيه من بعد نطقت
ياسمين :السلام عليكم
أحمد:وعليكم السلام ضحك معاها من بعد قال مبروك علينا ان شاء الله ربي يباركلنا في حياتنا
ياسمين : امين ربي يطيب عشرتنا
أحمد: نتوكلو على ربي اي اطلعي
حط إسراء من اللور و أحمد مع ياسمين من القدام غير قعدت ياسمين جات إسراء قعدت في حجرها نطق أحمد : إسراء ولي لبلاصتك خلي طاطاك تقعد مرتاحة ياسمين خلايها مهيش مقلقتني حتى نطقت إسراء : بابا قاتلي عمتو بلي ليوم طاطا ياسمين راح تولي ماما
أحمد : خزر فيها هدي الخزرة 🤨
دارت عند ياسمين : قاتلي غير يكتيو في وحد الورقة نقدر نعيطلك ماما ياك معليش نعيطلك ماما
ياسمين : بقات مشوكية متوقعتش إسراء تتقبلها بهدي السرعة
أحمد بعد مشاف ملامح ياسمين ومعرفش يفسرهم : ايه صح هي ولات ماماك بصح مزال باش تعيطلها ما
ياسمين قاطعاتو و عينيها حمورة اما محبتش تبكي : ايه يابنتي عطيلي ماما كيما تحبي و خزرت في أحمد بنظر تاع معندكش إعتراض كي تعيطلي هكا هو طمنها بعينيه بلي لا عادي بلعكس هدا الشيء فرحو انو مرتو و بنتو متفاهمين مع بعضاهم
نطقت ياسمين : وين رانا رايحين علاش حبيتنا نخرجو
أحمد : أصبري كي نوصلو ونحكو
عم سكوت
اغتنماتو ياسمين في انها تبعث ميساج ليماها وكوثر تطمنهم ان جاز كلش بخير و ميقلقوش وانو دك خرجت مع احمد بعد شوار باباها
بعد مدة نطقت إسراء تحكي مع ياسمين وتلعب معاها و خطرة دغدغها و خطرة تسقسيها شكون لي مشطلك شعرك إسراء نطقت : ماني عاسيسة هنا ياسمين ضحكت بصوت و أحمد قاعد يخزر فيها كان جو العائلة السعيدة داخل الطونونبيل ياسمين : قولي : حشيش إسراء : حسيس ... ياسمين قولي نور الهدى ،إسراء نور الدودة و هنا حتى أحمد ضحك من قلبو بعد مكان شاد السيريو و غاسة فية ياسمين في فمو في عينيه لي يتغمضوو كي يضحك في لحيتو لي مطراسيا في تفاصيل وجهو حتى صونا عليها التلفون وكانت نور : مبروك عليكم دك نجم نقول وليتي مرت خويا بالفم و الملا
ياسمين : يبارك فيك يسلمك
نور : ايه سمعت بلي خرجتي مع خويا ترندفي مصبرتيش عليه 😂😂😂
ياسمين مقدرتش تجاوبها قدام أحمد : ربي يخليك ان شاء الله نرجعهالك في الافراح
نور راهو قدامك علبيها راكي مربية قلع هكا
أحمد نطق شكون ؟
ياسمين : نور
أحمد غير جاوبيها متحشميش مني ولا نقلك حلي لبارلول فتحاتو اما قبل متفتحو ياسمين : نور راح نفتح البارلون بالاكي تبهدليني ولا والله تشوفي ولش ندير فيك
احمد فتحتيه
ياسمين ايه
نور : خير واش تسحق
أحمد : انا متقوليليش مبروك معليش المهم إسراء قولي نور الهدى
ياسمين شدة ضحكتها إسراء نور الدودة أحمد : راكي ديتي جوابك
ياسمين ميتة بالضحك
نور : يا خسارة تربيتي فيك يا إسراء
ونتا يا أحمد زعما زوجتك صحبتي و لا نتي ياياسمين راني نسمع فيك تضحكي عاجبك الحال درتو عليا يا الرخاس معليش هدا لي يقلك درت لخير ولالي شر درت حلف ماعليش و كوبات فرحنا لصحبتها اما فرحانا لفرحت خوها وبنتو أكثر
وصلو لمقهى ڨارا طونبيل و هبطو كل واحد شاد إسراء من يد دخلو قعدو على طاولة مقابلة لبحر و كل واحد طلب واش يحب أحمد قهوة و ياسمين قهوة حليب و إسراء خذاولها عصير طبيعي و عموالسكوت لي كسرو أحمد
متحبيش القهوة ؟
خزرت فيه اهه ؟ ايه يعني نحبها اما مزال مكليت والو و محبيتش نشربها على الفراغ
أحمد : مفطرتيش صباح ؟
ياسمين : ايه كنت مقلقة و خايفة عليها مقدرتش ناكل
جابولهم طلباتهم
أحمد : جبتك اليوم باش نتعرفو و نفهمو بعضانا ميولات بعضانا حتى الخطط و الاحلام لي رانا راسمينهم هك بشوية بشوية نقدرو نوالفو على بعض منا لنهار العرس
ياسمين : معليش نسقسيك حاجة قبل (حرك راسو دليل على الوافقة) نهار رؤية الشرعية كنت راح تسقسيني من بعد حبست واش كنت حاب تعرف
أحمد : ايه و خزر في إسراء لقاها لاتية في جو تاعها كنت حاب نعرف واش السبب لي خلاك تبدلي رايك يعني انا كنت متوقع انو نسبة 90% راح ترفضيني اما كي سمعت أسئلتك حسيتك بلي راكي قابلة وبقالك بعض نقاط تستفسري عليهم
ياسمين : انا أصلا مكنتش رافضة الفكرة و من لول مغيرتش رأيي برك خذيت مدة وانا نخمم يعني خممت في العرض تاعك كأي عرض زواج جاني و كي لقيت بلي شروط متوفرة فيك كيما قلت نتا كانو بقاو بعض النقط وضحتهم
أحمد : اما انا سمعت نور تحكي و قالت بلي سقساتك أما مكنتش تهدر عليا كشخص كنت تحكي بصفا عامة انك مستحيل تقبلي بشخص عندو ولادو
ياسمين : ايه ذكرت هديك نور قبل ماتخطبني نتا جات زعما لعبت معايا اكسيو فريتي و هي في الصح كانت تاستي في الحمة ادا نقبل بيك ولا لالا عليها كاين اجوبة جوبت من نيتي وكاين لي تيريت برك و كيما سوال سقساتني على تقبلي تتزوجي بواحد عندو ولادو فصراحة كان جوابي لا
أحمد : واش تبدل علاش غيرتي هدا الجواب
ياسمين : معنديش جواب منطقي اما تامن كاينا حاجة حسيتها تقلي بلي غير اقبلي مكيش راح تندمي
ياسمين هدا واش كنت حاب تسقسي ؟
أحمد : اه هدا مكان
سكتت ياسمين نطق أحمد واش تحبي تحكي على روحك ؟
ياسمين : حاسة روحي في مقابلة عمل ههه المهم مدامنا زوج و زوجة فنحب نعرف بروحي بطريقة شفافة :انا ياسمين نحب خدمتي و كانت هي وظيفة أحلامي لحمد لله لي وفقني ربي ليها و نحب الخرجات سوغتو مع الصحبات (يعني طلاعات بنات) اما خصارا ملي كنت في الجامعة مزدتش خرجت هدا النوع من الخرجات نحب الرقاد هنا أحمد ضحك ياو متضحكش عندي الرقاد من الاشياء المقدسة وكاين صوالح وحدخرين مع الوقت نقلهملك
أحمد : انا أحمد قريت تجارة و إدارة أعمال خدام في الشركة تاع بابا كي كنت في عمري 29 تزوجت بإسراء عن حب اما كي نقولو عن حب يعني عجبتني خطبتها و تزوجتها مشي كيما تاع ضك المهم بعد عامين من زواج قررنا نجيبو اولاد حملة بإسراء ببنتي و نهار لولادة متحملتش و ماتت عليها سميت بنتي عليها قعدة مدة هديك نخدم و نتجاوز في موت مرتي و نربي في بنتي اما على حسب نور انو إسراء تحتاج عايلة و حب الام و حتى رحت ستشرت طبيبة نفسية على حالة بنتي وأكدتلي هدا الشيء من تصرفات بنتي فقررت نتزوج كيما قتلك من قبل بلي كنت مقرر نعاود اما على الاقل بعد متكبر إسراء اما كي شفت نفسيتها فقررت نعجل في القرار
ياسمين كانت تسمع فيه بكل إنتباه و كل خطرة ملامحها تتبدل حتى وصلت لمشكلة إسراء ركزت أكثر و سألتوو : إسراء دك حالتها النفسية مليحة
أحمد : على حساب راي الطبيبة فراهي في تحسن كيما قاتلي علاجها الاهتمام و فقط كشما راكي حابة تسقسي سقسي
ياسمين : هو سؤال خاص وادا حبيت متجوبش عادي
دار جدها تاع ماماها محوسوش عليها يعني يقدر يجي نهار و ينحونا الحظانة (احمد نتبه بلي راهي تهدر بضمير الملكية على بنتو عجبو الحال وبتسم ) لالا هوما اصلا محوسوش عليها لانو جدودها ميتين و خوالها و خلاتها كل واحد لاتي في حياتو قاع عايشين برا البلاد و نهار ماتت ختهم تنازلو على حقهم في الحظانة و من هداك النهار واحد محوس عليها
أحمد : شاف في بنتو لي خسرت وجها بالجو والحلوة و حتى هوما كانو كملو قهوتهم نطق : نروح نغسللها و نجي باش نروحو لبلاصة خلاف
ياسمين : خلي انا نغسللها
احمد ملا انا نروح نخلص
داتها لتواات جيهت النساء غسلتلها و سڨمتها و حتى هي غسلت و سڨمت و جات خارجة و تڨصر مع إسراء يا درا باباك وين راح يدينا مقالكش وين إسراء تخزر فيها وتضحك خرجو برا لقاوه يسنا فيهم طلعو و كي لعادة إسراء في حجر ياسمين خزر في ساعتو لقاها ل 11:30 راحو فطرو هدي لمرة في ثلاثة تفاهمو على بيتزا إسراء قعدة قريب لياسمين باش تجيها ساهلة توكلها و متوسخش روحها كملو فطرو و أحمد دا ياسمين عند مول ذهب و خيرلها خاتم شباب اما ياسمين عترضت و هو ركب راصو وشراه طلعو في الطنوبيل نطق احمد : اسمعي الحاجة اللولة هدا هديت زواجنا وتاني حاجة يبقى ذكرة على خرجتنا اول مرة و ثالث حاجة تتفكري نهار الشوفة كاين وحد العادة نسيناها لي هي حق الشوفة لي انا معطيتهولكش و رابع حاجة الهدية لا ترد و خامسة حاجة هدا امر من راجلك و سادس حاجة ولا سكت ملقاش واش يقول
ياسمين : ماتت بالضحك نتوما كامل هكا كي تتقلقو متسكتوش حتى تقولو كلش على دربة كملت في الهدرة حتى نور فيها هدي الحاجة
أحمد : المهم هدا الخاتم سميه واش حبيتي وشديه و ديجا قليل في حقك
ياسمين : راجلي رومنسي و انا معلباليش
أحمد : شديه و سكتي
شداتو ولبساتوو وقاعدة تشوف فيه في يدها كملو طريق حتى بدا الجو يتبدل و الشتاء طيح خيط من السماء وطرقات تقطعوو وسيركيلاصيو فطريق شافو في الساعة كانت 2:15 قاعدو ساكتين و إسراء لي ناضت من رقادها على صوت الرعد لقات روحها في حضن ياسمين
ياسمين : واش ماما نضتي
إسؤاء : ماما اني بردانة
احمد لي كان يتابع في صمت
ياسمين : فتحت مونتوهاو و دخلت اسراء داخل حضنها اكثر وغلقت عليها المونتو و رفدتلها راسها وهكا اكي بردانة
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
