قاعدين في مطعم عصري يتعشاو في صمت لي كصرو احمد : من صباح وانا نقول دك تنطق واحدة فيكم تقولولي واش درتو ليوم كيفاش الحفلة ونتوما ساكتين
ياسمين: عيانة والله سينو جازة شابة خلي إسراء تحكيلك من بعد انا
ياسمين: احكي لبابا واش درنا اليوم
إسراء : شفت زاكي ورفدني
أحمد: بسم الله شكون زاكي هدا
ياسمين: اهه يا ربي خرجتي لعمتك تاع مشاكل 🤣
قرت ياسمين تلعبلو على مخو شوية
ياسمين: هدا زاكي واحد الشباب جاي اكتيف شوية كي شاف إسراء عجباتو رفدها وباسها هدا مكان
إسراء: تصورنا كيفكيف يضحكني بابا
احمد: جبي تلفون تشوفي
ياسمين: علاه ☺️
أحمد: رانا برا متخلنيش نعيط جبي تلفون
ياسمين: هوليك
فتح تصاور من بعد معرفش وين راه زاكي (كان يحوس على كاش راجل)
أحمد: اروحي بنتي وريلي شكونو
إسراء: هوليك بابا
أحمد: تنهد كان علبالو استاد ولا لقاه غير تلميذ احمد من لول قولي بلي طفل صغير
ياسمين: شوف وجهك كي راه حمر 🤣🤣🤣
ياسمين: متتقلقش حبيبي بصح عدنا مشكل صغير
احمد: خير
ياسمين: إسراء عجبك زاكي
إسراء: ايه ماما شباب
أحمد: ربحت هدا شحال في عمرها بدات تجيبلي في المصايب
ياسمين: شوف طفل مربي وعاقل وقاري جا هو اللول في القسم وزيد ڨصايري انا نقول صلي إستخارة وتكل على ربي
أحمد: ياسمين
ياسمين: ايه كي ليوم ان شاء الله تجيني بنتي وتقلي ماما عجبني فلان قوليلي واش ندير
أحمد: نطرطڨلها الراس تاعها
ياسمين: حلال عليك وحرام عليها
أحمد: هدي بنتي
ياسمين: وكي بنتك معندهاش قلب كيما نتا حبيت وقصدت لحلال تأكد حتى لي يحب بنتي راح يجي ويقصد لحلال
أحمد: بدلي السوجي يرحم والديك
ياسمين: نحبك
أحمد: نعشق فيك
إسراء: حتى انا نحبك بابا
أحمد: نموت عليكم بنتي
قضاو الوقت مع بعض توريلو في التصاور وتحكيلو على كيفاش جوزو نهارهم كيفكيف كي دخلو لدار لقاو لحالة كامل طافية كامل راقدين (طولو برا) حطو إسراء في بلاصتها بعدما بدلتلها دخلت لدوش توضات هي واحمد وقضاو الصلاة كيفكيف بدلو حوايجهم ودخلو لسرير كانت حاطة راسها على سدرو وهو متحظنها
ياسمين: أحمد
أحمد: مم
ياسمين: واش هما احلامك
أحمد: كي كنت في 20 كنت حاب ندير دار طنوبيل نتزوج نجيب دراي كنت حاب نزور البلدان الحمد لله قدرني ربي وقدرت نحقق أغلبيتها ونتي
ياسمين: كنت حابة نخدم من بعد نروح عمرة مع بابا وماما وايوب قبل ميتزوج و كنت حابة مرها نشري طنوبيل نحوس بيها دزاير كامل في الشتاء نروح لصحرا و الصيف البحورات كنت منعرفش فرنسية وانجليزية كنت حابة نتعلم لغات عندي مشكل معاهم
ايه كنت حابة ندخل ندير صبور وسباحة منعرفش نعوم
احمد: هدو هما احلامك
ياسمين: ايه
احمد: مكنتيش حابة تزوجي وديري دار ودراري
ياسمين: لا كنت حابة بصح قلت كي نشبع من الحياة باش نزوج حتى ربي رسملي طريق وحدخرا
أحمد: ايه يا دنيا شتي ديري حساب يخرجلك وحداخر
ياسمين: راك تشوف كنت حابة نروح للعمرة مع ولديا عشية رايحة معاك ومع بنتي
أحمد: ايه الحاجة لي مفهمتهاش كيفاش المات تجيك ساهلة واللغات واعرة
ياسمين: كنت نكرهم منيش عارفة علاه بصح كي طلعت للجامعة تعلمت شوية فرونسي اما انڨلي منعرفش
أحمد: وعلاش مدخلتيش سونطر تتعلمي
ياسمين: ياك على يدك انا قعت بسلامتك غير بديت نخدم جيت نتا خطفتني بصح راني ناوية ندخل نقرا لغات نطور لغة الفرنسية ونتعلم من انڨلي من زيرو
ياسمين: نت تعرف
أحمد: نعرف فرنسي وانڨلي و كي دخلت نخدم مع بابا زدت درت سبنيول
ياسمين: الله يبارك
ياسمين: على بالك مشي غير نتا تعرف لغات حتى انا نعرف تركية
أحمد: مقريتيش فرونسي وانڨلي وقريتي تركية؟ واش ديري بيها ؟
ياسمين: لالا مقريتهاش بصح كي نضل نتفرج مسلسلات تعلمتها بلا منحس
أحمد: ايه عليها كي عرفتي روحك تتعلمي من افلام علاش متفرجتيهمش بلونڨلي ولا فرونسي
ياسمين: منيتك 🤨
أحمد: علاه
ياسمين: نكرهم لغات هدو
أحمد: دبر راسك
احمد: ياسمين جاتني فكرة
ياسمين : لي هي
أحمد : ياك قتلك نعلمك تسوقي علاش منوليش نديك صباح ونجيبك وفي الطريق نخليك تسوقي هكا حاجة وحويجة منها نوصلك ومنها ترفدي اليد واش رايك
ياسمين: هي تساعدني انا بصح مشي دايما ندخل على 8 عندي نهار على 9 و لعشية كيما لربعا نخرج على 2.30
أحمد: نورمال مشي مشكل نلقاولها حل
ياسمين: تمام ملا
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
