يوم جديد كان وقت الظهر أحمد خرج صباح ومزال مرجعش قال عندو شغل اليوم راح يطول استغربت ياسمين من الامر لانو ليوم 3 ايام زواج واش من شغل يكون عندو اما معطاتش الموضوع اهمية دارت روتينها اليومي مع اسراء لعبو وفطرو وكل شيء عادي حطت لاسراء تتفرج ميكي و عيطت لماماها تطمن عليها
ياسمين: سلام ماما واش راكم لباس
مريم : لباس لحمد لله ونتي واش حوالك احمد إسراء واش راهم ملاح؟
ياسمين: لباس لحمد لله بابا واش راهو ايوب كوثر علي؟
مريم : كامل بخير سوال عليكم واش بنتي ولفتي شوية مع احمد وعايلتو وبنتو راكي مهنية
ياسمين: والله الحمد لله على هدي الساعة رانا ملاح
مريم : الحمد لله
ياسمين: واش راكي ديري رحت انا خليت الدار فارغة توحشتوني ؟ اه قولي قولي
مريم : ايه صح توحشناك وبلاصتك مكاش لي يديها بصح كاين شكون راح يجي يونسني
ياسمين: شكون
كوثر : تاراااا ههههه
ياسمين: واش الزينة واش راكي لباس وعليلو واش راه
كوثر : اسمعي متكرفصيليش اسم وليدي وسمو علي
والله لباس لحمد لله ونتي واش راكي
ياسمين: حمد لله واش وين راه علي
مريم : راه راقد مع جدو في البيت وحنا رانا نتفرجو في المسلسل
ياسمين: ايه ديرين ڨصرة بلا بيا معليش ديجا نتي (على كوثر ) واش مجيبك لدارنا اطلعي لدارك تشوفي
كوثر : اسمعي حبيبتي من ليوم ورايح هدي داري ولي عجبو عجبو ولي ما عجبو الباب يفوت جمل 😎😎
ياسمين: مين ولات دارك
مريم : ايه محكيتلكش صباح ايوب قال كون يهبط هو وكوثر يسكنو في بيتك باش يعمرو عليا الدار خير مكوثر ثقعد وحدها وانا وحدي هكا نتوانسو
ياسمين: ايه مليح ربي يدوم لمحبة تسمى لي شاف صحابو نسى حبابو وانا نقول واشبيهم وحدا فيهم متفكرتني اليوم بميساج ونتما مصباح مع بعضاكم
اصبري اصبري : قلتي يدو البيت تاعي اه وحوايجي لي خليتهم و صوالحي راكو صح تحاوزو فيا وقيل 😭😭😭🤣🤣
مريم : متخفيش نطلعهم للفوق ونخبوهم وادا حتجتي حاجة ارواحي اديها
ياسمين: اسمعو كوثر علاش متكروش لفوق والله تجيبلكم مصيرفا شابة
كوثر : سكتت
مريم : والله فكرة دك نقول لبباك وايوب ادا حبو هكا اموا يلايمو شوية دراهم للعقوبة علي راه يكبر والدنيا متعرفي واش فيها
ياسمين: شوفو واحد ثقة واكرولو
كملو يقصرو على العرس وقالي قالك حتى فات الحال وقعدت تتفرج مع إسراء الميكيات
جاء احمد لقاهم يتفرجو
احمد: سلام عليكم حبيباتي واش راكم ديرو
إسراء : بابا حبيبي جاء وراحت تجري عنقاتو
ياسمين: وعليكم السلام
احمد : هكا ناشفة تعلمي من بنتك غير جيت جات تجري عندي وعنقتني
ياسمين: سكتت تخلطتلها بين الحشمة و بين عندو الحق، اسمحلي مشي بلعاني مي والله صح مزال موالف..جاء لعندها وعنقها وسلم على راسها وعلاه نسمحلك يا بنتي ربي يهديك دخلت في حضن تاعو حس بيها تبكي طلعلها راسها واش بيك كشما قلتلك باش تبكي راني نڨصر معاك
ياسمين : عودت دخلت راسها في حضن تاعو
احمد : ياربي طفلة صغيرة انا 🤣🤣🤣 وزير على الحظن تاعها
ياسمين: متوحشة دارنا
أحمد: ولي يتوحش دارهم يبكي امشي نروحو
ياسمين: لالا عيب مشي دك لزم حتى تجوز سمانة هكا العادات باش نروح ليهم ونديرو السبوع تاع العروسة
احمد: واشمن سبوع يابنتي غير روحي وجدي فليستك غير غدوة رانا رايحين عمرة
ياسمين: جبدت روحها من الحظن تاعو وطلعت راسها لعندو ونطقت بدهشة عمرة شكون حنا !!!
احمد : ايه نروحو شهر العسل نديرو عمرة انا وياك وإسراء
ياسمين: قول ولله يا ربي ورجعة عنقاتو بقوة بدات تصوطي يا شكرا يعطيك الصحة
إسراء لي كانت تتفرج غير شافت يماها تصوطي ناضت تصوطي معاها راحت ليها ياسمين رفدتها وقاعدة تصوطي بيها
احمد : هيا حبي معدناش بزاف الوقت قيس منوجدو حويجنا ونودعو مالينا عدنا نهار ونص في يدنا
ياسمين: بصح علاه مقتليش من قبل
احمد : يسموها مفاجئة جبلي ربي
ياسمين : واحلا مفاجئة
عودت ولات ليه عنقاتو وزيرت عليه وقالت يعطيك الصحة حبي حققتلي واحد من احلامي ربي يفرحك كيما فرحاني
باسها في راسها واخيرا سمعتها 3 شهور وانا نسنى
ياسمين: عنا غير 3 ايام زواج
احمد : 3 شهور وحنا مفتحين ونتي مرتي
ياسمين: نروح نقول لماما و مرت خويا ونشوف واش خصنا باش نبدا نوجد في الفليزات
احمد : اهربي اهربي
فرحو العيلتين بخبر العمرة تاع احمد ومرتو اما بالنسبة ليهم فكتبو قوائم لحوايج لي ناقصينهم كيما ملابس الاحرام وما الى ذلك .... وقرو بلي غدوة يخرجو يشروهم صباح ولعشية يروحو يودعو عايلاتهم
في هديك الليلة ياسمين مقدرتش ترقد
ياسمين: احمد رقدت
احمد : اممم
ياسمين: نسقسيك
احمد: سقسي
ياسمين: تعرف المناسك تاع العمرة
احمد : ايه داير زوج من قبل
ياسمين: الله يبارك بصح انا منعرفش
احمد : نعلمك متخافيش
ياسمين: وقتاش درتهم
احمد : كي كنت قدك رحنا قاع العائلة وحدة مع إسراء
ياسمين: تسمى إسراء هدي ثاني مرة ليها
احمد: إسراء مرتي الله يرحمها مشي بنتي
ياسمين: الله يرحمها معليش تحكيلي عليها شوية
احمد : مشي وقتها خلينا نرقدو نصبحو مبكرين عدنا بزاف صوالح يندارو
ياسمين: تصبح بخير
قربها لعندو وحط راسها على صدرو وقلها تصبحي بخير حبي
صباح جديد ناضو ابطالنا بكري دارو روتينهم الصباحي و خرجو لمحلات لي يبيعو الالبسة الرجالية هي اللولة شرا احمد واش يحتاج هو اللول
من بعد راحو لمحلات تاع الاطفال شرا لاسراء حوايج شبين من حجبات صغار بالخيمرات تاعهم كملو مع إسراء خزر في ياسمين قلها ونتي واش خصك قاتلو كلش عندي (بعتبار جهازها جديد وكامل حجباتها يوالمو للعمرة ) راح لمحلات النساء شرالها على ذوقو تحت إسرار منو لانو هي كانت رافضة المهم شرالها حجابات فضفاضين الوان ترابية مع خمراتهم نفس اللون مع صبابط توعهم كلش متناسق
كملو مشترياتهم للعمرة راحو فطرو ودخلو لدار
سڨمو الفليزات وتاكدو بلي منقصهم حتى حاجة تاكد احمد من الورق والوثائق دارو دوش وراحو لعائلة ياسمين هي لولة باش يودعهم قضاو لعشية تما مع القصرة والضحك حتى قعدو تعشاو كي جاو خارجين طبعا مريم توصي و سي علي يوصي وكوثر تحرص باش ياسمين تدعيلها وايوب كيفكيف
راحو لدار عايلة احمد باش يودعوهم ويباتو عندهم لقاو العائلة كامل ملمومة بعتبار عطلة الربيع مزال مخلصتش دارو سهرة شابة وكيفكيف كل واحد واش وصهم يدعولو جاء الليل كل واحد دخل لشمبرة تاعو احمد وياسمين واسراء كيفكيف نور مع سلمى و لينة في بيت نور اسامة مع توام في بيتو والحاج والحاجة في بيتهم وصلت الخمسة تاع صباح ناض احمد وياسمين دارو دوش و سقمو حجاتهم احمد لي قاعد يتاكد من الدراهم والوثائق للمرة الاخيرة اما الفليزات كانو اصلا في لمان تاع الطنوبيل مهبطوهمش و ياسمين لي قاعدة تنوض في إسراء محبتش تنظلها قرت تبدللها وهي راقدة كملو كانت 6.30 لقاو كامل العايلة نايظة راح معاهم الحاج و نور و اسامة وتوام للمطار اما سلمى و عاىشة قعدو في الدار
وصلو للمطار هواري بومدين راحو للجهة الخاصة بالمعتمرين ودعو افراد العائلة طنوبيل تاع احمد رجعتها نور لي ولات مع باباها واسامة ولى مع توام اما ابطالنا فدفعو البڨاج و تحقو من الوثاىق و جازو على ممر السعادة وكل خطوة ديرها ياسمين تحس بالفرحة حتى ركبو الطيارة و طارت بيهم للبقاع المقدسة
يتبع ...
خلولي رايكم في التعليقات 🥰 🥰
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
