دخلت لبيتها لقات احمد يصلي بدلت لاسراء ودارتلها روتينها الليلي وحطتها في سرير وحتى هي دارت روتينها ودخلت لفراشها تحظنت إسراء وبقات تكونيكتي احمد حتى هو كمل صلى وخزر فيهم لقى إسراء رقدت نطق
احمد: لزم علينا نهدرو
ياسمين: فاش
احمد: في مشكلتنا
ياسمين: انا معندي حتى هدرة
احمد: مي انا عندي
ياسمين: راني نسمع
احمد: كنت في المحكمة ليوم نشارع
سكت من بعد كمل تخدم معاك وحدة وسمها نوال *** ؟
ياسمين: ايه مراقبة انت وين تعرفها
احمد: عندك معاها مشكل
ياسمين: عادي مشاكل نساء ميهموش
احمد: واش هو المشكل
ياسمين: خطرة سمعتها تهدر عليا على قصة زواجنا وانا زعما طامعة فيك وهدرة من هدا النوع و انا زعما صاحبة نور علجالك باش تزوجني خوها كل خطرة كنت توصلني هدرة في شكل بصح لي سمعتها بوذني هي تاع انا طامعة فيك ودرتلها حد وبهدلتها عليها منها مزدتش سمعتها هدرة عليا هي في حدها وانا في حدي
احمد: ملا كنت راقدا على وذنيك هي سبة مشكل لي رانا فيه
ياسمين: كيفاش
احمد: ستأجرة واحد وسمو بلال *** وليد عمار *** باش يدير الشك وكمل حكالها الحكاية وفهمها في المشكل من راسو لساسو
ياسمين: وكيفاش تمتم فريتها في المحكمة
احمد: كي حققنا مع بلال كلش تكشف وهو ستعرف تسمى الحكم يصدر مباشرة ومام نوال كي هي أساس القضية تسمى جاتنا ساهلة المحاكمة غير الا كسرة الشرع
ياسمين: ايه مليح
احمد: وضك كيفاش حكايتنا
ياسمين مزال مهيش عارفة الحل وشنو حبت تاخذ وقتها في التفكير : غدوة نروحو لطبيب تاعي
احمد: اوكي. بصح ديري في بالك مشي مليح الخصام اكثر من 3 ايام
ياسمين: سكتت محبتش تهدر كملت تكونيكتي حتى غفات
غدوة من داك صباح راحو لطبيب طلب شوية تحليلات وتصوير اشعة راحت دارت التصوير خرج تمتم اما تحاليل حتى لعشية ويخرجو كي خرجو من المختبر داهم احمد لوحد مقهى عاىلي باش يستقهواو كان الصمت سيد المكان غير إسراء لي دايرة جو خطرة تهدر مع ماماها خطرة مع باباها
إسراء : ماما قاتلي نينة بلي ماماها راح تجيبلها بيبي
ياسمين: ايه
إسراء: ونتي علاه متجبيليش بيبي
غير سمعت واش هدرة بنتها حصلتلها وبدات تسعل وخزرة في احمد لقاتو متبسم
احمد: ونتي واش ديري بلبيبي
إسراء: يكون عندي خويا نلعب بيه
احمد: قصدك تلعبي معاه مشي بيه لبيبي مشي لعبة هو كيما نتي ولينة علبالك يولي وليدنا ونحبوه
إسراء: ايه بابا
ياسمين: ونتي حابة طفلة ولا طفل
إسراء: حابة طفل
ياسمين: لي جابها ربي مرحبا
إسراء: بصح قوليلي وقتاش يجي خويا
ياسمين: مزال بنتي حتى تكبري شويا
إسراء: بصح نينة قدي وراح يجيها خوها
ياسمين: نتي وقتاش كبرتي وليتي تفهمي كلش وقاعدة دغدغة فيها باش تنسيها في الموضوع
احمد: كملتو نروحو كشما نشرو
ياسمين: ايه كملنا
راحو يدورو في الحوانت شروا لاسراء لبسة تاع صيف لحالة بدات تسخن كملو راحو فطرو من بعد رفدو التحليلات ورجعو عند الطبيب باش يمدلها التشخيص النهائي
طبيب: وليتي تمتم فريتيها
ياسمين: ايه
ركز يقرا فيهم خطرة يصغر عينيه وخطرة يكبرهم من بعد نطق
طبيب: كنت متوقع النتيجة باعتبار كي زدتي كان عندك مشكل في التنفس و الاب تاعك عندو الربو ونتي تاني كنتي تاعني منو اما مكاش مزمن اما ضك ولالك مزمن
ياسمين: والحل
طبيب: مكاش حل دك تولي تمشي بدواء طول حياتك كل 3 اشهر تجي ديري فحص روتيني متقربيش للغبرة وللورد وللمواد الكيميائية خاصة لي فيهم رائحة قوية حاذري على روحك خاصة في الربيع من حبوب الطلع من ضباب وكل حاجة تسبب الحساسية هكا باش نتجنبو الازمات التنفسية وكتبلها ورقة تاع دواء
طبيب: ايه ادا حبيتي ديري رياضة ننصحك بالسباحة ياسمين: ايه شكرا
طبيب: ودايما ننصح تبعدي على الستراس
ياسمين:تبسمت شبح تبسيمة وخرجت بعد ما ودعت الطبيب
كل هذا تحت اذان أحمد لي كان ياكل في صبعتيه ندامة
شراو دواء ودخلو لدار حكات لعائشة وسلمى واش قالهم طبيب على الحالة تاعها تمناولها الشفاء طلعت لبيتها مباشرة رقدت
وحد الساعة هذاك ناضت لقات احمد وحتى إسراء راقدين معاها لقات روحها بلا خيمار وصباطها منحي فستنتجت انو احمد هو لي نحاهملها راحت بدلت ودارت روتينها عودت ولات لفراشها حكمت تلفونها طلع وتهبط من بعد قرت تبحث على حادثة كيما مشكل تاعها في السيرة قلبة ولقات حادثة الافك لامنا عائشة رضي الله عنها بقات تسمع وتبكي من جهة القصة حزينة كيفاش اتهموها في شرفها وهي زوجة الرسول وقعدة شهر كامل بلا ماتبان برائتها ومن جهة تفكرة روحها لانو حتى هي تعرضت لطعن في شرفها ناض احمد على صوت شهقاتها
احمد: حبيبي واش بيك واش كاين كشما يوجع فيك اهدري
ياسمين: لالا مبيا والو
أحمد: علاش راكي تبكي
ياسمين: على عائشة رضي الله عنها حتى هي طعنوها في شرفها كيما أنا
احمد: حط راسو حتى هو معرفش الحل خلاص عاش يومين جحيم كل ميقول دك تنسا ترجع تفكرو بطريقة ابشع من ختها
ياسمين: احمد نقلك حاجة راك مسامح دنيا واخره بصح اوعدني بحاجة لو اي مشكل يصرا بينا مهما كان صغير ولا كبير تجي تسمع مني تفهمني وتفهم مني وتصدقني لانو انا منيش راح نكذب عليك
أحمد: فرح انها سمحاتو لكن حس بتانيب الضمير حتى وسامحاتو هو مهوش مسامح روحو انو تسببلها بمرض ووصلها لسبيطار تهمها في شرفها
احمد: ان شاء الله ربي يبارك عشرتنا ونكون ليك خير زوج كيما راكي خير زوجة
تحضنها وطاحت دمعا منو مسحها تمتم محبش يوريهالها باس راسها بمعزة
ياسمين: معليش نروح دك عند دارنا
احمد: مزالكي مريضة
ياسمين: تعيش حابة نبات عندهم مدام راني عطلة مرضية
احمد: اوكي
ياسمين: ندي معايا إسراء
احمد: معليش
نظت مباشرة وجدت كابة صغيرة ليها ولبنتها حطت فيها واش تستحق وجدت الحوايج لي تلبسهم ولي تلبسهم لبنتها ونوضتها بدلتلها وبدلت لبنتها كان احمد يخزر فيها كيفاه فرحانة انها رايحة عند اهلها في عيونها لمعة شوق وحنين ولهفة وحتى إنكسار
كي كانت رايحة علمة عجوزتها انها راح تبات عند دارهم وصاتها تسلم عليهم وراحت
يتبع ...
خلولي رايكم في التعليقات شكرا ❤️🥰
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
