ركبو في الطائرة لكانت ياسمين اول مرة تركبها حكمو بلايصهم وحطو إسراء وصتهم ربطو الاحزمة قراو دعاء السفر وما هي الا لحظات حتى اقلعت الطائرة من الاراضي الجزائرية الى البقاع المقدسة
في طريق احمد كان يشرح لياسمين واش دير كي توصل وش هما الاجراءات من بعد كملو الرحلة راقدين حتى وصلو لمطار جده ومن بعد حكمو حافلة لمدينة مكة رحو للفندق كانو ديجا حاجزين غرفة فمباشرة راحو استلمو المقاتيح وتوجهو للغرفة حطو فليزاتهم جات ياسمين تفتح النافذة حبسها احمد
احمد : حبسي كيما راكي متقتحيش
ياسمين: بلعقل علاه راك تعيط
احمد : اسمحيلي بصح متفتحيش التاقة
ياسمين: علاش
احمد:خدي الراي من بعد تعرفي علاش دك روحي ادوشي نتي واسراء وبدلي باش نروحو للمسجد
ياسمين: راحت دارت واش قاللها وهي مهيش فاهمة علاش مخلاهاش تفتحها
كي كملو وجدو روحهم وراحو كي قريب يوصلو يشوفو الكعبة قلها نتي ارفدي اسراء رفدتها من بعد قلها مبقاش وتباننا الكعبة نغمضلك عينيك ونمشيك حتى نوصلو ليها
ياسمين : احمد راني متحمسة تضحك وحدها
واحمد يمشي فيها حتى وصلو وين بانتلهم كامل احمد: بصوت مخنوق فيه غصة رانا وصلنا دك كي نفتحلك عينيك تقدري تشوفيها كاملة راكي واجدة
ياسمين: ايه
فتحلها عينيها و شافتها بداو دموعها وحدهم يطيحو حتى هو نحالها اسراء رفدها وبدا يبكي احاسيس كبيرة و مخلطة بين الخوف والفرح السعادة و....
ياسمين : الله اكبر الحمد لله لي قدرني وعشة هذي اللحظة 😭😭😭
احمد : يارب الحمد لله لي عوظتني وجبرت بخاطري يارب الحمد لله انك جبرت بخاطر هذي اليتيمة وعوضتها على الام تاعها
ياسمين: يارب الف حمد وشكر لك انك رزقتني بزوج صالح و بنت من غير ولا جهد ليا يارب اجعلها من اسباب دخولي لجنة و قدرني على حسن تربيتها وجعلها من الصالحات 😭😭😭😭 يارب الحمد لله انك اكرمتني اني نجي وندير عمرة 😭😭😭😭
اسراء قاعدة تشوف ماماها وباباها يبكو ويهدرو بدات تبكي مفهمت والو حاول احمد يسكتها اما مقدرش
ياسمين: اعطيهالي فتحتلها يدها ورفدتها واش بيك ماما تبكي كشما يوجع فيك اكي جيعانة قوليلي واش بيك
إسراء : نتي وبابا تبكو بكيت
ياسمين : حنا رانا فرحانين شوفي لهيك (اشارة للكعبة ) كي شفناها فرحنا هدا مكان ومسحتلها دموعها اما اسراء بدورها رفدت يديها الصغيورين ومسحت دموع ماماها
احمد لي كان يشوف في هدا المنظر حتى سجد شكر لربي انو عوظو بام حنينة لبنتو ودعا ربي انو يحفظهم
كملو صلاواتهم اليوم في الكعبة و عودو رجعو للغرفة باش يرتاحو اما ياسمين كون جات في يدها تبات في الكعبة
احمد : ارواحي نوريلك علاش مخليتكش تفتحي التاقة مقبيل طلي تشوفي
ياسمين: غير طلت شافة الكعبة قدامها خزرت فيه وعينيها معمرين دموع والله ماني مصدقة بلي راني هنا ونطل على الكعبة يعطيك الصحة والله منعرف كيفاش نوفيك حقك
احمد : كون نجو في شكون يوفي حق شكون فانا اي منوفيكش حقك عنقها شفتهم اسراء
اسراء : وانا متحبونيش
ياسمين :اروحي عندي نتي مومو العين ورفدتها وتعانقو في 3 وهما يخزرو في الكعبة 😭😭
احمد :لزم نرقدو بكري باش غدوة ان شاء الله نخرجو للميقات باش نحرمو ونديرو العمرة تاعنا
ياسمين: ان شاء الله
رقدو هديك الليلة وغدوة من داك راحو للميقات واحرامو ودارو مناسك العمرة تاعهم لي استغرقت اقل من يوم واحد وكملو العبادات حبو يستغلو الوقت في العبادات وخاصة الصلاة لانو الصلاة في الحرم المكي تعادل مائة الف صلاة
كيما سرقو شوية وقت وين حوسو في مكة المكرمة راحو للاسواق باش يجيبو الهدايا للاهل والاصدقاء كيما راحو لبعض الاماكن لي مرتبطة بالتاريخ الاسلامي كيما غار حراء و جبل عرفة و غيرها قعدو سمانة ستغلوها احسن استغلال زدو راحو للمدينة وقعدو فيها 3 ايام لانو رحلتهم كانت عشر ايام برك
كيفكيف راحو للمسجد النبوي وزار قبر الرسول و الاماكن لي عندها علاقة بالتاريخ الاسلامي واستغلو وقتهم في العبادات لانو ايضا الصلاة في المسجد النبوي تعادل الف صلاة وخلاصو 3 ايام وعودو ولاو للجزائر
تلقاو نور و اسامة و محمد من عائلة احمد و ايوب و علي و مريم وكوثر و حتى علي الصغير من جيهة ياسمين يسناو فيهم في المطار فرحو بيهم وستقبلوهم احسن استقبال بالنسبة لياسمين كانت هدي اكبر مدة متشوفش فيها باباها ويماها توحشتهم بزاف راحو لدار سي محمد وين درولهم فطور وفرحو بيهم كانو العايلتين متليمين مع بعض ويڨصرو على مغامراتهم في مكة واش شافو واش مشافوش ....
وصلت لعشية عايلة ياسمين راحو احمد وياسمين استاذنو باش يروحو يريحو لانو صح كانو ميتين بالتعب راحو رقدو حتى لاذان المغرب ناضو صلاوه وتعشاو زادو صلاو العشاء ورقدو كاو حتى لصباح ناضت ياسمين هي اللولة ملقاتش اسراء شافت الساعة كانت ربعة تاع صباح نوضت احمد
ياسمين : اسراء مكاشها نوض
ياسمين: احمد نوض تعيش اسراء وين راهي
احمد: بصوت ناعس راهي عند نور راقدا كي شفتنا عيانين داتها هي تستكلف بيها
عاودت ولات رقدت جاء صباح لقات احمد مكاش دارت روتينها وهبطت لقات اسامة رايح للجامعة و عاىشة موجدتلو الماكولات وتحظيرات ... وتودع فيه ونور حتى هي نايضة باش تروح للخدمة
ياسمين: صباح الخير
الكل : صباح الخير
نور : واش ريحتي شوية
ياسمين: الحمد لله بصح حاسة روحي راح نمرض راني فشلانة و ڨراجمي يوجعو
اسامة: ايه مام احمد راهو هكا راني كتبتلو دوا ليكم نتي وياه و إسراء تاني كتبتلها دواء تاع دراري اونسي جامي تمرض مام هي
ياسمين: يعطيك الصحة
نور: راني حكمتلك كونجي سمانة كيما قتيلي
ياسمين: يعطيك الصحة بارك الله فيكم
عائشة: اقعدي استقهواي يابنتي
ياسمين فرغة قهوة حليب ليها من بعد تفكرت إسراء
ياسمين: اسراء ناضت
نور : لالا راهي راقدة كي الملايكة جبت عليها الباب وخليتها
اسامة: اي بسلامة انا نروح سلم على يماه و ختو وراح
ياسمين: يما احمد مكاشو معلبلكش وين راح
عائشة : خرج مع صلاة مع باباه و اسامة جاء اسامة قالك عندهم خدمة يكملها على بكري في ولاية وحدخرة من بعد يجي
ياسمين: كون خلا نهار وحداخر
عاىشة: حتى انا قلتلو هكا بصح السيد لي راح يخدمو معاه مسافر حتى للعام لجاي باش يولي وهما يسحقو يتفاهمو معاه و يسينيو على ورق عليها مكاش كيفاش تتاجل
نور : انا نروح نبدل هداك هو اي بسلامة
ياسمين وعائشة : ربي يسهل
كملت ياسمين تستقهوا ليمت الطابلة وغسلت الماعن دارت في الدار لقات كلش مخدوم طلعت تتفقد إسراء لقاتها مزال مناضت راحت ترفدها تديها لبيتها غير حطت يدها عليها لقات الحمة رفدتها لبيتها حطتها فوق البونك نحاتلها حوايجها خلاتها غير بحوايج تاع لداخل شمخت سربيتها حطتها على راسها ناضت إسراء
إسراء : ماما البرد غطيني
ياسمين: اصبري شوية ماما دك تدفاي نروح عند مانك ونجي ايه
إسراء : بفشلة ايه ماما
حبطت عند عائشة يما يما وين راكي
عاىشة راني في الصالة واش كاين
ياسمين: راحت ليها يما إسراء راهي بالحمة وفشلانة واش ندير نحيتلها الحوايج و شمختها بصح مزالها السخانة
عائشة : تعرفي تسوقي
ياسمين: لالا
عائشة: لبسيلها حوايجها دك نشوف شكون يدينا لسبيطار
عيطت للحاج باش يبعثلهم طكسي تديهم لسبيطار كيما كان الحال وصلت الطكسي ركبو وراحو لسبيطار بريفي دخلو للاستعجالات درولها تشكا هبطولها بيها سخانة من بعد طلبو منها تحاليل خافو كشما فيروس كي سمعوها بلي كانت في مكة توجه مباشرة للمخبر درولها التحاليل قالولهم لعشية يخرجو رجعو لدار شوية هكا ويدخل الحاج و احمد لي غير دخل سقسى على بنتو قاتلو راهي راقد لفوق مع يماها كي طلع لقا بنتو غير بشورت قصير قاعدة في حجر ياسمين وتلعب معاها وتسي تضحك فيها هي فشلانة
جا قعد قدامهم رفد بنتو لقى بلي الحمة نقصتلها سقسى ياسمين حكاتلو بالمختصر واش صرا شافت عينيه حمورا حطت يدها على خدو لقتو حتى هو فيه الحمى
ياسمين: احمد حتى نتى راك مريض
احمد : راني تعبان وفشلان
ياسمين: لحمى راهي طلعتلك لعشية روحو كامل لطبيب بعد منجيبو تحاليل تاع إسراء
احمد : ان شاء الله خليني نرقد دك
رقد هو وبنتو اما ياسمين فقعدت تعس في الحمة تاعهم وتشمخ فيهم بصح احمد محبتش كامل تحبطلو اما اسراء فتشكة لي درتها صباح هي لي فادت فيها
جا وقت باش يعاود. يولو لطبيب بصح احمد كان فشلان عوناتو ياسمين باش يلبس ولبست لاسراء وليها وهبطوو طلبت من الحاج انو يوصلهم لانو احمد ميقدرش يسوق راحو للمخبر دخلت رفدت التحاليل تاع إسراء وراحو لسبيطار كي قرا الطبيب التحاليل تطمن بلي كلش مليح برك تغير الجو و التعب دار عليهم طاهم دواوات واحمد درولو تشكة تحت إسرار ياسمين لانو هو كان معارض بسيف باش قبل ولو لدار في الطريق شراو الدواء من بعد طلعو للبيت احمد وبنتو ولاو رقدو وياسمين وجدتلهم عصير طبيعي مع سوب تاع الخضرة وطلعتهالهم وكلت لاسراء وشربتها العصير ودواها اما احمد لي محبش ياكل بسيف ولات تعاملو كيما اسراء توكل فيه وتشرب فيه تحسو يدلل عليها حتى جات نور طلت عليهم واش راكم لباس هدا وين سمعت واش راهي إسراء و احمد
ياسمين: الحمد لله خير من الصباح
نور : ونتي زل عليك شوية
ياسمين: انا راني خير منهم
نور : اي خليتلكم الراحة نروح كشما ندير عشاء نتي غير اقعدي ريحي حتى نتي راكي مريضة وخرجت
احمد : واش بيك
ياسمين: قراجم برك
احمد: كليتي دواء
ياسمين: دك نكل معاك
احمد: ارواحي ارقدي خلاص حبطتلي الحمة كي انا كي اسراء
ياسمين: الحمد لله طلعت للبونك غير حطت راسها رقدت
يتيع ...
خلولي ارائكم في تعليقات
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
