خلاصة السمانة وجا نهار ياسمين ترجع لخدمتها بعتبار نهار اللول ليها بعد الزواج فقرر أحمد يوصلها فيه كانت لابسا حجاب اخضر ملكي مع خيمار في نفس اللون فاست خفيفة خلات إسراء تكمل رقادها في بيت الحاجة وهي خرجت مع احمد كي وصلو للمتوسطة وين تخدم
أحمد: على قداش تكملي
ياسمين: ليوم نهار كامل حتى لل4.30
أحمد: اوكي
ياسمين: ايا انا نروح (دارت تجيب صاكها والكرطاب من المقعد الخلفي ) صحة على التوصيل اي كشما تسحق بيناتنا تلفون
أحمد: مبيناتناش حبي راح نتوحشك
ياسمين: حشمت من بعد تشجعت ونطقت مام انا راح نتوحشك حبيبي المهم بسلامة ادعيلي
أحمد: ربي يسهلك
خرجت وغلقت الباب وهو باقي يسنا فيها حتى تدخل كي دخلت روشتلو وهو ديمارا لشغلو هي توجهة لقاعة الاساتدة تلقات مع زملاىها وزميلاتها كين لي باركلها وفرحلها من قلبو وكاين لي باركلها بعتبار واجب عليه وكاين وكاين
المهم رفدت دوزانها وتوجهة لقسمها مجرد مدخلت والتلاميذ كامل فرحو سواء لي يحب الرياضيات ولا لي ميحبهاش شرحتلهم الدرس وفي اخر ربع ساعة كي كملت خدمتها جبدت قرعة زمزم ولي ڨوبلي وزعت عليهم كامل شوية شوية وكل قسم تقريه نفس الشيء اما زملاىها فكانت حضرتلهم توزيعات خاصة خلصة الفترة الصباحية وصل وقت الفطور راحت للمطعم وكي لعادة قعدة مع نور فطرو وقعدو في الساحة يقصرو وصلت الفترة المساىية وكل استاد راح لقسمو اما هي كان عندها ساعة مناوبة قعدة في قاعة الاساتدة تكتب في دفتر النصوص وتكمل في خدمتها (بلا مندخلو في التفاصيل) كي خلصة صابة مزللها ربع ساعة وتخلاص المناوبة قرت تبعث لاحمد مساج
ياسمين: سلام
احمد: سلام كملتي !
ياسمين: مزال ونت واش راك دير
احمد: ني نخدم
ياسمين: توحشتك💚
احمد: شكون راه معايا لعشية نجيب راقي لدار وقيلا ضربوك بعين
ياسمين: حبيبي واش بيك قتلك توحشتك هكا ترجعلي 🥺😔 خلاص منزيدش نعبر 😤😤
أحمد: مام انا توحشتك حبي متزعفيش نڨصر معك
ياسمين: vu
احمد: فطرتي
ياسمين :vu
عيطلها ابال مرفدتش كوبات
ياسمين:متعيطش منيش الاز
احمد: ملا متخليش الvu
ياسمين: هدرت مع إسراء ليوم ؟
أحمد: لالا مزال
ياسمين: ملا خليني نهدر معاه دك
أحمد: اوكي حبي
عيطت لعاىشة سقسات على حوالها وعلى إسراء من بعد قتلها جوزيهالي
إسراء: الو
ياسمين: الو بنتي واش راكي
إسراء: لباس ماما طولتي مزال باش تجي
ياسمين: مزالش بزاف بنتي نتي ديري لسياست تاعك كي تنوضي تلقايني جيت
إسراء : معليش نكمل الميكي من بعد نرقد
ياسمين: واشمن ميكي ماما
إسراء: تاع سيستون
ياسمين: سبيستون ماما اوكي ماما كمليه وارقدي
(بنات كين بعض الميكيات مشي ملاح للاطفال وكاين مكيات يعرضو افكار مشي مناسبة للاطفال وخاصة كمجتمع مسلم فحبذا لو تشوفو الميكي من قبل من بعد تخلو ولادكم يشوفوه كنصيحة طبعا وربي يقدركم على تربية اولادكم خاصة في هدا الوقت)
كملت هدرت مع بنتها ورجعت لخدمتها وكملت مع الاقسام المسائية خلصة خدمتها وجات خارجة لقات احمد عند الباب يسنا فيها راحت ليه وركبت
ياسمين: سلام عليكم
أحمد: وعليكم السلام حبيبي
ياسمين: مزيا جيت نسيت بلي نور تكمل على 3.30 كنت تاكلة نجي معاها
احمد: قتلك صباح بلي نجي نديك
ياسمين: راصي متقوب
احمد: ايه تسمى توحشتيني
ياسمين: شوف ادا ناوي تحشمني غير مكلاه
أحمد: بصح انا توحشتك
ياسمين: حتى انا توحشتكم مام إسراء توحشتها
جازو على مختبر تاع تحاليل
احمد: بريتي
ياسمين: مفهمتش
احمد: شحال بقا باش تروح عليك ياش نديرو التحاليل كيما قالت الطبيبة باش نبداو نداوو على البكري
ياسمين: نرمالمو مزالو 3 ايام
احمد: فيها خير
ياسمين: عييت اليوم
احمد: دوك نوصلو تريحي
كملو وصلو لدار لقات نور وجدت لعشاء حطاتو يطيب وقاعدة تلعب مع اسراء هوما غير دخلو وإسراء جات تجري ماما بابا وسلمت عليهم طلعو لبيتهم احمد بدل حوايجو وقضا صلاتو وياسمين دوشة دوش خفيف وسقمت روحها عودو هبطو ستقهواو وجدت مع نور العشاء لي قدرت ڨصرة شويا حطو تعشاو و غسلت الماعن طلعت لبيتها وجدت الدروس و صوالح تاع الخدمة وراحت لسرير تحكي مع إسراء
ياسمين: قوليلي واش درتي ليوم
إسراء: حكاتلها تفاصيل يومها حتى حلقة تاع الميكي وعاودت حكاتهالها وياسمين تسمع وتتفاعل معاها
ياسمين: شاطرة بنتي وعاقلة
دخل احمد راجع من صلاة العشاء سمع بنتو تهدر
إسراء: نتي واش درتي ليوم ماما
دخل معاهم في الفراش يسمعلهم حتى هو
ياسمين: كيفكيف حتى هي حكتلها على كيفاش قضات نهارها (طريقة هدي مليحة تحكو مع ولادكم وتطوهم وقتهم في القصرة ومتستحقروهمش باش تكون شخصيتهم سليمة وشابعين إهتمام من اهلهم ) إسراء : ماما تعرفي بزاف ناس
ياسمين: ايه بزاف بنات ودراري
إسراء: تحبيهم
ياسمين: ايه كيما ولادي
إسراء: تحبيهم كتر مني
ياسمين: رفدتها وحطتها في حجرها ونطقت نتي بنتي واحد ميجي في بلاصتك نتي لعمر تاعي
إسراء:بصح نتي قلتي كيما ولادي
هنا تدخل احمد
احمد: بصح هوما مشي ولادها بابا هو يقراو عندها برك ويروحو لدارهم هما تاني عندهم ماماهم وباباهم يحبهم كيما حنا نحبوك ونتي كي تكبري تولي عندك معلمة تحبك ونتي تحبيها فهمتي
إسراء: وي فهمت بابا
ياسمين: شاطرة بنتي شاطرة هيا دك وقت رقاد وين راها البوسة تاعي
إسراء : هاهي 💋
أحمد: وانا وين راهي تاعي
إسراء: هاهي 💋
وتعدا نهار اللول وتاني وحتى الاسبوع الاول على نفس الروتين كاين يمات راحت مع نور و يمات مع احمد الجديد لي صرا انو لما ياسمين طهرة من العادة الشهرية راحت مع احمد تدير التحاليل وخرجو نتائج كي داتهم لطبية تاكدة من شكوكها ونحمد ربي انو المرض كان في بداياتو مدتلها رجيم ودواوات وقتلها لما تخلصي الدواوات عاودي نفس التحاليل وارواحي نشوفو ادا جسمك إستجاب لهدا العلاج ولا نشوفو طريقة اخرى
بارت خفيف نتمى تخلولي رايكم في التعليقات 🥰
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
