سندتها وداتها لطنوبيلتها بعد ما طلبة نور اذن ليهم في زوج
وصلو لسبيطار للاستعجالات دخلوها دارولها جهاز التنفس و2 تشكات باش يتوسعو العروق قعدو يسناو في حصة الاكسجين تكمل في هدي الاثناء كانت نور عيطت لاحمد خبراتو وغير سمع بلي راهم في سبيطار جا يجري
غير شاف الحالة تاعها طاح منو النص متكيا على الكرسي الطبي وجهاز التنفس على فمها وسيروم في يدها وجها لي كان مدخن في اقل من ساعة تبدلة ملامحها لام روحو تقدم عند ختو شرحتلو حالتها واستاذنت باش تروح تخدم اما احمد راح ليها مكسور شاف فيه كنت مغمظة عينيها غير فتحتهم شافت فيه ودورة وجها هو بقا ساكت محبش يهدر خاصة في وضع كيما هذا
كملت حصص الاكسجين عودة ولات لطبيبة كتبتلها دواء وبعتتها لقسم المتخصص قي امراض الصدرية والتنفسية باش يتابعو الحالة تاعها
أحمد: امشي نروحو لسبيسيالست
ياسمين: غدوة ونروح لطبيب تاعي
أحمد: كيما تحبي
ركبو في طنوبيل وجا مولي لدار نطقت ياسمين
ياسمين: اديني لدارنا
احمد: مشي دك كي تبراي ونحلو المشكل لي بيناتنا من بعد روحي
سكتت محبتش تكثر هدرة
راحو لدار طلعت مباشرة لبيتها
دخل احمد موراها لقاهم في الصالو
احمد: سلام
عائشة وسلمى : ردو عليه السلام
قلب عليها بعينيه
احمد: وين راهي ياسمين
عاىشة: نتا لي تقلنا من لبارح مجيتوش خير
احمد: تجنب يحكيلهم على المشكل قللها غير كي مرضة حكمتها كريز تاع ربو هدا وين جبتها بلاك تكون طلعت لبيتها
جا طالع للبيت لقا إسراء تلعب مع لينة ؤاح ليها رفدها وسلم عليها حتى هي توحشاتو
إسراء: وين راهي ماما
أحمد: راهي في البيت نروحو ليها
طلعو للبيت لقاها فارغة سمع حس من الدوش عرفها دخلت تدوش
عند ياسمين غير دخلت للبيت ديركت دخلت لدوش نحات حوايجها وقعدت تحت المرش الماء يسيل وعينيها يسيلو غظتها عمرها معرفتش كيفاش الحل
حس بيها طولت طبطب عليها الباب
أحمد: ياسمين اخرجي مشي مليح طولي راه نفس تاعك مقطوع
معبرتوش كملت دوشت بعقلها لبست حوايجها سڨمت الحالة وخرجت لقات إسراء فوق البونك تتفرج غير شافتها جات تجري ليها فتحتلها يديها وعنقتها وتمسح على راسها
ياسمين بغصة في صوتها: واش راكي ماما لباس
إسراء: توحشتكم ماما ونتما رحتو وخليتوني عند عمتو
ياسمين: ياعمري على بنتي خلاص منزيدش نعاودو
كل هدا كان تحت عينين احمد لي كل كلمة يسمعها تحرڨلو في قلبو كل حركة يشوفها تترسخ في مخو
قد ماندم قليل
ياسمين: ماما خليني نشف شعري
بعدت عليها إسراء جات ترفد السيشوار مقدرتش يدها مزال توجعها من الشكك لي كانو مغروسين فيها شافها احمد كيفاش تتعذب جا يعاونها مخلتوش نطق
احمد: خليني نعاونك
ياسمين: بعدني
أحمد: خليني نكفر على ذنبي راني نتحرق
جات تجاوبو ولات سكتت
نحالها السيشوار من يدها نشفلها شعرها كمل رجعو لبلاصتو اما هي راحت لبلاصتها وحطت راسها باش ترقد جاتها إسراء دخلت في حظنها
احمد: إسراء خلي ماما ترقد راهي مريضة
جات اسراء تجبد روحها زيرت عليها ياسمين
ياسمين: خليها متقلقنيش بنتي
ياسمين رقدت واسراء كملت تتفرج وهي في حظن يماها اما احمد خرج من بيت راح عند يماه
احمد: راهي راقدة ليل كامل وهي نايضة تعيشي كن نطلب منك ديري سوب ولا حاجة خفيفة
عائشة: واش هدي الهدرة باينة نقوم بيها متخممش
خرج وراح
سلمى: كاينة حاجة
عاىشة: وليدي ونعرفو باينة بلي مضاربين ونقلك هو الضالم شوفي كفاش راه مهموم
سلمى : خلي كي تنوض ياسمين ونشوف واش كاين كون تسناي منو على 1000 سنة ميهدرش
عائشة: راهم كبار ويعرفو صلاحهم حبو يحكو حبو ميحكوش المهم يكونو مهنيين لي ني خايفة غير كشما يكون داير في الطفلة على حساب الشوفة بايتة في السبيطار لي مجاوش البارح
سلمى: ربي يجيب الخير
جات نور لدار بعد مكملت خدمتها جابت معاها ورد وشيكولة وفاكية وشوية مقليشات (كيما تقول صحبتي) المهم بدلة حوايجها دارت روتينها المساء كانت قاعدة في الكوزينا تستقهوة
حتى جات سلمى
سلمى: معلبلكش واش بيها ياسمين
نور: ياك راهي مريضة حكمتها كريز تاع الربو
سلمى: طلعت ليها مقبيل وطلعتلها لفطور لقيت عينيها حمرا حسيتها كانت تبكي باينة عندها مشكل
نور: نور كشما حكاتلك
سلمى: لالا سقسيتها قاتلي غير حساسية عليها عينيا راهم حمورا
نور: وكيفاش عرفتي بلي كاين مشكل
سلمى: حسيت
نور: منديرش على احساسك نتي
سلمى: حتى احمد مهوش مليح صباح كان مهموم ومام ماما حاسة بلي كاينة بيهم حاجة
نور: والله تحيرو كيفاش عرفتو بلي كاينة حاجة حكالكم احمد لالا ياسمين هدرة لالا غير مباتتش نهار في الدار وكي جات جات مريضة حسيتو بيها حاجة بلاك راحو دارو ليلة رومنسية واحمد كي شاف مرتو مريضة ولا مهموم اووف كيفاش تحلو المواقف
سلمى: بالاك
كملت ستقهوات من بعد وجدت طبسي فيه من الفواكه مشكلة وطلعت لبيتها زادت رفدت الورد والشيكولا والمقليشات وراحت عند ياسمين طبطبة ودخلت لقاتها متكسلة باينة كانت تخمم دخلت وحطتلها الحوايج
نور: هدا ورد للوردة و هدي الفاكية باش ترفدي صحتك وهدي الشيكولا باش تفرحي وتخرجي من الحزن وهدو المقليشات لينا في زوج نڨصرو عليهم ها واش رايك
ياسمين: يعطيك الصحة ختي ربي يخليك ليا
نور: عندي ليك خبر بونبا منيش عارفة ادا سمعتيه ولا لالا بصح ليكول ڨاع راهو حاير
ياسمين: لالا مسمعت حتى خبر اصلا راني غالقة التلفون
نور: ايماجيني صباح كي وليت للخدمة لقيت لبوليس يحوسو على نوال المراقبة
ياسمين: علاه واش دارت
نور: واحد معلبالو بصح سمعت بلي احمد هو لي شكا بيها وكي عرفو الاساتدة والخدامين كمال سقساوني وسقساو عليك خاصة كي جيتي صباح وعوتي خرجتي علبالهم كشما بيناتكم بعد المشكل لي صرا بيناتكم هداك النهار
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
