خرج من بوست بوليس عيط لياسمين كوبات عليه زاد عودلها طولت باش رفدت
أحمد بعيط: وين كنتي علاش طولتي باش رفدتي
ياسمين: واش بيك واش كاين
أحمد: راني نقول ل*** وين راكي
ياسمين : واش كاين أحمد واش هدي لهدرة
أحمد: جاوبي متهبلينيش
ياسمين: راني نقري عليها مجوبتكش بصح فهمني واش كاين
أحمد: دك نجي عندك
ياسمين: بصح منكملش حتى للعشية قولي واش كاين علاش راك مقلق
أحمد: ضك يعني ضك وغلق التلفون
خلها حايرة وخايفة كشما صرا دارت في بالها كاش واحد مات عيطت لدارهم و للعائشة باش تطمن لقات الحالة نورمال راحت للمدير ستأذنة لضرف طارء وقعدت طلع وتهبط
ياسمين تهدر في قلبها: كون كاش واحد مات ولا مرض ولا اكسيدو كون سمعت بصح علاش مقلق بلاك من الخدمة كشما صرا بصح مالف يصراو مشاكل في الخدمة اوووف خلاني هك مقلقة بلاك كشما درت بصح واش درت معنديش مشكلة مع حتى واحد من دارهم حتى إسراء وقايمتها خلي يجي ونعرف السبب بقات تسنى فيه حتى وصل عيطلها
أحمد: راني عند الباب ارواحي
خرجت ركبت
ياسمين: سلام عليكم
مرجعلهاش
ياسمين: خير واش كاين علاش راك مقلق
مرجعلهاش بقا غير يخزر فيها وحد النضرة تخلع
ياسمين: ادا راح تبقى ساكت خليني نولي لخدمتي خير
وصلو مساج من عند صاحبو البوليسي :
الاسم : عمار ***
العنوان : ******
ديمارا حراڨة للدارو
ياسمين: أحمد تعيش نقص الفيتاس
كيفكيف مجاوبهاش
سكتت والدمعة في عينيها هدا اول مرة تشوف أحمد بهدا الوجه والمشكلة مهيش عارفة حتى واش دارت هي في هدي المرحلة كانت عرفة انو المشكلة متعلقة بيهم ومشي كيما كانت تخمم كاش موت او مشكل في الخدمة لكن قد ماحولت تسترجع مخها وين غلطت ملقاتش صح مهيش انسان كامل لكن الفترة هذي مدارت حتى غلط يستاهل ردت الفعل لي راهي تشوف فيها
وصل لدارو فرينا ساك فتح الڨارج دخل الطنوبيل هبط وحتى هي هبطت دخل للهول تبعاتو وهي ساكت ومخلوعة
راح للكوزينة شرب الماء ستغفر ورجع ليها من غير ميعمل حس لقاها قاعدة نحات خيمارها ومهبطة راسها
أحمد: هداك واش يليقلك تهبطي راسك
طلعت راسها عينيها فيهم الدموع كاين مرات يكون عندكم الف سيناريو على الاسوء بصح ياسمين في هدي الحالة معندها حتى سيناريو
ياسمين: نطقت بصوت فيه بحة مع غصة معليش تفهمني واش كاين
أحمد: سوال واحد عمار **** شكون واش علاقتك بيه
ياسمين : شكون
أحمد : راني نسقسي فيك عمار****
ياسمين: منعرفوش
أحمد: اوكي راني خارج ونسمعك خرجتي منا منتفاهموش اراي تلفونك
ياسمين: واشنو
أحمد: اراي تلفونك وحتى الصاك
ياسمين: فهمني بصح واش كاين
أحمد: نتي لنورمالمو تفهميني مشي انا انا قلت جبت وحدة مدينة وتعرف ربي تربيلي بنتي ونكمل معاها حياتي بصح كنت غالط جبت وحدة ***** لفوت عنبالك وين درت الثيقة في يما وختي قالو بنت ناس حتى مسقسيتش عليكم مليح تخدعت بلمان مي معليش مهيش روطار الطلاق كاين اصبري برك عليا نشربك الخل من بعد ساهل مشي انا لي تجوزيهالي كافي غير لخلصتي بالثاني والمثني دك جيبي الصاك والتلفون
ياسمين: كملت هدرت وسمعتك للخر دك نتا اسمعني انا مشيت معاك بالنية لطلبتها مني قدر المستطاع ڨاع درتها وربي شاهد مقصرة لا في حقك لا في حق بنتي لا في حق واحد من عيلتك تعاملة معاكم بالاحسان وربي شاهد انا المشكل هدا منيش فاهمتو ونقلك صراحة منيش حابة نفهمو بصح نطلب منك طلب اخير ادا جا يوم من الايام ولقيت روحك ظالمني متسناش مني نرجع ونتا قت الطلاق بيناتنا قابلة بالطلاق ادا كنت انا ضالمة بصح ادا كنت مضلومة راح نديرلك الخلع الصاك والتلفون راهم في الطنوبيل دك توصلني لدارنا
أحمد: في لمنام تروحي لداركم راح تبقاي محبوسة هنا حتى نفهم لحكاية راح وخلها بعد مغلق ڨاع البيبان والتواقي
بعد 2 سوايع كان في حي لي ساكن فيه عمار**** حواس على الدار لقاها طبطب الباب خرجتلو مرة كبيرة في العمر
أحمد: سلام عليكم دار عمار
العجوزة: ايه وليدي شكون نتا
احمد: انا صاحبو راهو هنا عيطيلو
العجوزة : مكاشو راهو في الخدمة مبقالوش بزاف ويجي ادخل اسناه
احمد: لالا خالتي صحيتي وحد الساعة ونولي
بعد ساعة رجع اما ندهش كي شاف عمار لقاه راجل في عمرو واحد الخمسين سنة
عمار: شكون نت
أحمد: انا احمد نحوس على عمار
عمار انا هو خير خويا واش كاين
احمد: شوف عندي سؤال ونجيك ملخر نتا متعرفني وانا منعرفك جوبني وخليني نروح مرتي وين تعرفها
عمار: يا سي خونا احترم روحك راني راجل كبير بمرتي وولادي ونسيب واشمن مرتك
احمد: ياسمين**** وين تعرفها متهبلنيش
عمار: شكون هدي يا خويا
احمد: معليش نهدر معاك بلعقل وعندي لي بروف شوف هدا المساج ونتا قولي تحب نوصلوها للبوليس ساهل الحال
عمار: جيب تشوف قرا واش مكتوب من بعد شاف النيميرو ونطق بصح هدا النيميرو مشي تاعي وحبيت تسي عيط عيط
أحمد: من صباح وانا نعيط مغلوق ماستغبينيش وقلبت على مولا النيميرو هدا مسجل باسمك تسمى نتا راك رايح فيها غير قلي مرتي وين تعرفها راني شايد روحي ومبرد اعصابي معاك
عمار: ياخويا النيميرو والله ماتاعي ومشي انا لي بعثتلك المساج
قوا العياط والحس خرج وليدو حذيفة
حذيفة: واش غير الخير أبي واش كاين حسك راهو واصل للفوق
عمار: يالبلا ارواح ليا ولا نجي ليك قالك انا نعرف مرتو وبعثتلو مساجات ومعلباليش وهو بوليسي وجبد بلي النيميرو تاعي (احمد دار روحو بوليسي باش يستعرفو ويخافو)
حذيفة: اسمع يا خويا بابا حافظ القران وحياتو كامل ساسو ساس الحيط مفهمتش تجي لدارنا وترمي علينا تهمة هك غير ادا عندك دليل
احمد: وشكو قالك معنديش شوف هدا المساج والنيميرو مشي تاع باباك هدو برك يرشوه كاش عامين في الحبس بتهمة قذف وتهديد
حذيفة: هدا نيميرو مشي تاع بابا اصبر نعرفو عود اعطيهولي كتب في التلفون خرجلو بلال
حذيفة: هدا تاع خويا بلال اووف دايما معاه في المشاكل
عمار : اسمحلي خويا امسحها فيا
احمد: وين راه خوك
عمار : مزال باش يجي حتى نصاص الليل شوف خويا نصارحك هدا وليدي تاع كشيات وانا باباه وني نهدر فيه كيما خرجولي خاوتو صالحين وقد ما نشكر فيهم قليل قد ما خرجلي هدا فاسد وقدما نسبو قليل مكاش واحد من جيران معندوش معاه مشكل منيش عارف واش نقلك حقك محفوض عدنا متخرجش غير ونتا راضي
احمد: نسحقو هو عندي هدرة معاه وين يعرف مرتي
حذيفة: اصبر دك نروح نجيبو ونجي بلاك نطول
احمد: راني نسنا
عمار : ادخل اسنا لداخل
احمد: لالا ني في طنوبيلتي خير
طلع لطنوبيل لقا تلفون ياسمين يصوني 50 ابال من عند نور شاف تلفونو كيفكيف لقاه مكوبي عليها شحال من مرة عودة عيطت عندو
نور: الحمد لله لي جاوبتو واش خير واش كاين
احمد: الحمد لله راني مع ياسمين متتقلقوش نور تهلاي في إسراء اليوم
نور: بصح واش..
كان كوبا عليها سيات تعاود تعيطلو مجاوبش ولات قالت لدارهم بلي راحو يحوسو وراهم بخير نساو معيطلناش هدا مكان المهم طمنتهم اما هي قلبها مش مطمنها خاصة كي سمعت من عند سكريتيرا تاع المدير بلي ياسمين دموندات خروج في منتصف وقت العمل لضرف طارء
بعد 4 سوايع باش جا حذيفة مع بلال لي كان يمشي ويميل مستند على خوه غير لمح احمد حذيفة خرج من طنوبيل وراح لعندهم
حذيفة: شوف خويا كون تدخل لدار وافري شغل خير راهو مشي صاحي
دخلو لدار كان احمد وحذيفة وعمار وبلال
احمد: نسقسيك ياسمين**** وين تعرفها
بلال : خزر في باباه وفي حذيفة ومن بعد هدر شكون هذا
عمار: نتا لي جواب وين تعرف مرتو
بلال: بصوت ثقييل هاااادا هو لي بعثتلو صباح
احمد: هو بذات ياله اهدر وين تعرف مرتي خير من تدخل للحبس
بلال: انا منعرفش مرررررمرررتك لي تعرفها نوااال صحبتي
أحمد: كيفاش مشي نتا تعرفها وبعتلي مساج
بلال: 🤣🤣🤣🤣 بصح مرتك شابة و صغيرة بصح نتا كبير وبنتك
احمد: طاح عليه بالضرب وين تعرف داري واسرار داري انطق الله ينعلك
خلاوه حتى برد قلبو فيه من بعد نطق حذيفة شوف خيا كون تقدر تحطو في الحبس تريحني وتريح بابا والجيران وامة محمد من شرو بصح مدامو في هذي الحالة متقدر تدي منو لا حق ولا باطل تاخذ راي اسناه حتى يصحا وحقق معاه ( مامنين بلي بوليسي )
ولا احمد عيط لصاحبو البوليسي باش يسي كيفاش يديرلو تهمة ويدخلوه للحبس على الاقل حتى يصحو ويحقو معاه وميهربلوش جاوبو بلي ميقدرش من بعد قالو يلي راهو بالع على الاقل شدوه بهذي التهمة باش نعرف نفهم منو الحكاية وكيما كان الحال حطوه في الحبس وجابو معاه تلفونو باش يحقو معاه في الموضوع ويفتحو تلفونو يشوفو واش فيه
يتبع
شكرا 🥰
خلولي ارائكم في التعليقات
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
