طول الطريق كانت ساكتة كلمة ما قلتهاش وصلو لدار اهل ياسمين ستقبلوهم احسن استقبال ورحبو بيهم النساء في بيت القعاد والرجال في الصالو
كان احمد وايوب و سي علي و سي محمد يحكو على السياسة و الاقتصاد....
اما عند النساء فكانت تاني ڨصرة شابة وقعدة حلوة ياسمين كانت منسجمة معاهم بدون متبين لحتى واحد لكن داخلها يتقطع خاصة كي شافة يماها وكوثر حتى هوما دايرين شوية مكياج نور ثاني كانت غير هي والحاجة عائشة لي مشي دايرين هي صح كانت شابة لكن هي الاولى لي كانت دير مكياج بعتبار هي لعروسة المهم شدتها في قلبها وسكتت وصل وقت العشاء كانت كوثر ومريم يوجد في الاكل وايوب يحط لرجال و ياسمين لنساء وجدو الطوابل وكبرو بنتهم حطو كان العزيزة تعشاو وزادو دارو سهرة شابة في هدا الوقت ياسمين ستأذنت وراحت لبيتها ليمت الدوزان تاعها لي تحتاجو وجداتو حطاتو عاودت ولات لقاتهم مزال يقصرو كملت السهرة معاهم وصل الوقت لي باش يروحو فيه سلمت على اهلها ودعتهم ببكاء خاصة كي لحقة لعند باباها
علي : انا قلت زوجتك تنقصي من بكاك مازلتي نتي نتي
ايوب: خو راني هنا كشما يخصك كاش واحد يحڨرك٫ من بعد كمل ايه نسيت نتي تحڨري بلاد
ياسمين: عوجتلو فمها ونطقت كبير وجايح من بعد راحت سلمت عليه
ايوب: صح كشما تحتاجي تلقايني في كتافك
المهم ودعتهم وركبت مع احمد شافت مراها لقات اسراء في بلاصتها قعدت ساكتة كلمة ماقلتها
وصلو لدار طلعت هي مع إسراء واحمد طلعلها دوزانها بدلت ليها لبست بيجاما ولبست لاسراء حويجها تاع رقاد حطتها في بلاصتها ورقدتها كان احمد حتى هو ساكت يخزر فيها دخلت لبلاصتها حطت راسها باش ترقد
أحمد: واش بيك تاني
ياسمين: أحمد شوف راهي واصلا معايا للخر منيش حابة نهدر معاك اليوم
أحمد: هدا ڨاع على جال المكياج كي مسحتيه
خزرت فيه خزرة تاع غيض مخلطة مع اعصاب مخلطة مع حڨرة اما سكتت وناضت جات هابطة
احمد: وين
ياسمين: حابة نقعد وحدي
أحمد: بلاصتك
ياسمين: طار عليا الرقد قتلك حابة نقعد وحدي
احمد: وأنا قتلك بلاصتك هدا أمر
دخلت لدوش شمخت روحها حست سخانة طلعتلها وراحت قعدت في بلاصتها دارت فيلم بلصات الكيتمان وقاعدة تتفرج نحالها الكيتمان وخزر فيها خزرة حادة هي في لحظة خافت منو
أحمد: تتجاهلي فيا
ياسمين: شوف احمد منيش قادرة نهدر ومنيش حابة نهدر اعطيني شوية مساحة
سكت تكسل وهي كملت تتفرج في الفيلم حتى حست بنوم جاها كان الصبح ياذن
أحمد: مزال مرقتيش
ياسمين: دك نرقد
هو ناض صلى وهي راحت رقدت جاء صباح ناض هو وجد روحو وخرج راح يخدم اما هي ناضت في غرضها دارت روتينها نوضت إسراء ودارتلها روتينها هبطو للتحت لقاو غير الحاجة عاىشة
ياسمين : صباح الخير
عاىشة: صباح النور
ياسمين: واش خرجو كامل
عاىشة: ايه كل واحد راح لشغلو
وكملت تقرا في قرانها
اما ياسمين ستقهوات هي وبنتها وخملت الدار كي كملت سقسات على الغدا قتلها الحاجة بلي ليوم واحد مراح يجي للغداء ملا دارت فطور خفيف قعدة تحكي مع عجوزتها طاب الفطور فطرو كيفكيف كملت شغلها طلعت لبيتها شعلت تلفيزيو لاسراء درتلها ميكي تاعها وهي بدات في تخمال بيتها حطت الحوايج لي جبتهم في بلاصتهم وسقمتهم مسحت الغبرة مي ادواتها ملقتلهمش بلاصة حطتهم في قجر حتى وين تشري بيرو ولا وتحطهم فيه كملت ضربتها بدوش خفيف نشفت شعرها وهبطت دارت قهوة تاع لعشية اما لقات عاىشة راقدة محبتش تنوضها قررت تستقهوا هي وبنتها طلعت سنيوا لبيتها فيها قهوة حليب ليها و حليب لاسراء لقات معجون دارت خبز ومعجون حطت السنيوا وقاعدة تڨصر مع إسراء
ياسمين: اليوم مدرتيش لسياست اه ماما راكي نعسانة
إسراء: لالا ماما
ياسمين: كون يفيق بابا يديرنا حالة 🤣🤣
ياسمين: هيا ناكلو دك نشبعو كريشة من بعد ساهل
كملت كلات ليمة الحالة وقعدت دك واش نديرو اه قوليلي
إسراء: نلعبو
ياسمين: هيا نلعبو
جبدت إسراء كراس التلوين والالوان وقعدو يلونو حتى دخل احمد
أحمد: سلام عليكم
ياسمين: وعليكم السلام
إسراء: راحت تجري ليه سلم عليها وحطها
احمد: واش راكو ديرو (خزر في ياسمين)
إسراء: رانا نلونو بابا تلون معانا
أحمد: لالا راني عيان وكمل ياسمين تعيشي وجديلي ندوش
ناضت من غير ولا كلمة دخلت لدوش وجدتلو كلش وخرجت لقاتو وجد واش يلبس
دخل دوش وبدل وخرج لقاهم مزال يلونو
أحمد: وين راه تلفونك
ياسمين: هاوليك
أحمد: علاش مرفتيش
ياسمين: علاه عيطت؟
أحمد: رفدو وراهولها لقاه معيط 2 خطرات
ياسمين: اسمحلي مشفتوش كونت لاهيا كشما سحقيت
احمد: لالا مسحقيت والو قلت كشما نجيب معايا كي نكون جاي
ياسمين: لالا مسحقيت والو كون سحقيت كون بعتاك مساج كانت تهدر وتلون مع إسراء مشي حابة تخزر فيه
احمد: نقعدو هكا
ياسمين: ايه وقت نجدود لعشا نروح كشما نعاونهم
وجات نايضة
أحمد: عيط ياسمين متهبلينش بلاصتك راني نهدر معاك
ترفدت وتحطت مع عياطو اما إسراء تخلعة وبدات تبكي ياسمين حكمة طفلة سكتتها بسيف وهو بقا يستغفر
ياسمين: من لبارح وانا نسنا فيك تجاوبني نهار لي تجاوبني نهار نرجع نورمال
أحمد:رفد بنتو باسها ورضاها هي لولة من بعد قالها روحي عند عمتك نور راحت إسراء وبقات ياسمين
أحمد: تحوسي تعرفي علاه مخليتكش ديري مكياج اه انا واش قتلك قتلك في البيت هدي ديرو واش تحبي اما برا البيت كاين صوالح منحبكش ديريهم
ياسمين: ايه فهمنا بصح علاه راني نقلك ماهي عيب ماهي حرام وزيد رحت معاك من باب دار لباب دار واحد مشافني حتى ختك ودارت مكياج كي كنا تما قاع كانو دايرين وغير انا العروسة زعما لي مكنتش دايرة مفهمتش فهمني وين راه الغبط وين
أحمد: مكاش غالط بصح هدي هي عقليتي
ياسمين: المفروض عليا نطبق ياك !!
احمد: سكت
ياسمين: صحة دك نقدر نخرج للتحتى
أحمد: قرب ليها باسها من راسها ونطق نحبك
خرجت وخلاتو عاونتهم في العشاء تعشاو وكملو نور غسلت لماعن وكل واحد طلع لبيتو
كي دخل احمد للبيت صاب إسراء راقدة
أحمد: رقدت بكري ليوم
ياسمين: ايه مدارتش لسياست
أحمد: علبيها
ياسمين: احمد حابة غدوة نخرج نشري بيرو نخدم عليه
احمد: كاين بيرو تاعي اديه منسحقوش سينو ادا في بالك واحد جديد غدوة نروحو كيفكيف نشروه
ياسمين: لالا مشي شرط جديد راهو هنا ولا في دارك
احمد: يسموها دارنا ياسمين دارنا لالا راهو هنا بصح كي معتش نستعملو حطيتو في الشنابر الفارغين
ياسمين: اي اوكي غدوة نجيبه معليش نحطو هنا في هدي الجيهة
احمد: دبري راسك حطيه وين تساعدك
ياسمين: صحة
احمد: بلا مزية حبي ايه مزالك زعفانة
ياسمين: سكتت
احمد: كيفاش نقدر نرضيك
ياسمين: كي تتعلم تناقش ومتفرضش رايك عليا امر طبق
أحمد: علبالك بلي رانا في نقاش عقيم انا هكا داير
ياسمين:بصح
أحمد: شوفي مدام رانا نهدرو في هدا الموضوع كي تحبي ديري مكياج اخرجي بالستار هدي هي ولي يشوفوك بالمكياج هما باباك خوك وبابا برك
ياسمين: من نيتك
احمد: هدا هو الموجود
ياسمين: اوكي انا نروح نرقد خير
احمد: ياسمين منيش ظالمك ولا نقيد في حريتك بلعكس راني خايف عليك شوفي ربي واش قال في سورة النور
(وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون 31)
ياسمين: ايه صح عندك الحق بصح كنا رايحين من الطنوبيل لدار ديركت
احمد: بصح نسيتي بلي كي نكونو في الطنوبيل ناس يقدرو يشوفوك
ياسمين: سكتت
أحمد: ملخر نقلهالك باش ديري حسابك انا غيور سوغتو على حاجتي منحب حتى واحد يشوفك ولا يكحل عليك هكا باش منا وجاي ديري حسابك
ياسمين: ان شاء الله وسكتت
احمد: حبي قتنعتي بهدرتي
ياسمين: مشي بهدرتك بصحة بكلام ربي بسيف عليا نقتنع
أحمد: أسمحيلي حبي
ياسمين: سماح وحتى نتا اسمحلي
أحمد: اصلا منزعفش منك حبيبي
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
