وجدت روحها هي وإسراء وجاو خارجين جازت ياسمين على بيت تاع عجوزتها باش تخبرها بلي راهم خارجين
دقدقة في الباب حتى سمعت ادخل دخلت
ياسمين:يما رانا خارجين نحوسو تجي معانا
عاىشة: لالا بنتي روحي نحي على خاطرك انا منيش قادرة
ياسمين:كشما نجيبلك معايا
عاىشة: لالا ربي يحفظك
ياسمين: بسلامة
خرجت لقات احمد برا يسنا فيها ركبة وحطت إسراء في حجرها
أحمد: حطيها اللور في الكرسي تاعها (هدوك تاع دراري صغار )
جات تحطها
إسراء : ماما نقعد عندك
ياسمين:خلاص خليها عندي
أحمد: ياسمين راكي تعلميها لفشوش عندها بلاصتها
ياسمين: خلاص في وجهي هدي المرة برك هكا إسراء
درتلها براسها ايه
خزرت ياسمين في احمد زعما غير على جالي (هكا 🥺)
احمد: اوكي حبيباتي هدي المرة برك
ديمار وراحو لوحد الحديقة وين يقعدو الناس فوق الحشيش زعما باش يديرو بيكنيك
ياسمين: كون عرفت كون جبت ماكلة من دار
احمد : فتح لمان فرش زربية صغيرة وجبد وحد القفة فيها الماكلة (مشرية من برا)
ياسمين: وقتاش لحقت وجدت هدا كامل
احمد: كي كنتي تلبسي خرجت شريت من الحانوت
ياسمين: يعطيك الصحة مي المرة الجاية نوجدولها خير ونجو ڨاع مام نور و يما و بابا نجيبوهم
احمد: ان شاء الله
جبد لاسراء شويا العاب توعها وحطها تلعب
ياسمين: ايه
احمد: واش ايه
ياسمين: شوف منلخر ادا راك تاكل كشما نجبد سوجي نڨصرو فيه غير ابدا انت باسك انا منعرفش نجبد السوجيات
احمد: 🤣🤣🤣🤣🤣
ياسمين: علاه راك تضحك
احمد: والو
ياسمين: وقيلا نلعب مع إسراء خير نت مكش ناوي تڨصر
ياسمين: جات دايرا عند إسراء
احمد: نحبك
ياسمين: اهه وشنو
احمد: نحبك
ياسمين: حمارة وحشمة وسكتت
احمد: ايه تقعدي ساكتة
ياسمين: واش نقول
احمد: تزوجت بشجرة انا وقيل
ياسمين: اوف احمد اوف نحبك حتا انا
احمد: واخيرا ڨالها ڨال احبك ڨالها . ياصحبي هرمنا من اجل هذه اللحظة التاريخية
ياسمين: يعني نتا لازم تحشمني تموت عليها هوايتك وقيل
احمد: 🤣🤣🤣🤣 واش حبي زعفتي وقيل
ياسمين: لالا مزعفتش
ياسمين: احمد هدرت مع ماماك و باباك على السكنة معاهم
احمد: ايه حقا نسيت باش نقلك
ياسمين: واش تقلي
احمد: لبارح هدرت معاهم وباينا بلي قبلوو مع اللول حارو من بعد كي قتلهم على جال إسراء ونتي تخدمي جاتهم عادي سينو هوما من لول قابلين برك الفكرة جاتهم غريبة
ياسمين: يعني مش باش ندخل في خصوصياتك بصح من قبل مكنتش تسكن معاهم
احمد: لالا كنا ساكنين وحدنا وكي ماتت مرتي سكنت معاهم على جال إسراء
ياسمين:ايه الله يرحمها وكملت تسمى عندي خدمة كبيرة
احمد :علاه
ياسمين:نجيب حوايج لي نسحقهم من دارنا لداركم قيس منكمل الفصل متنساش تقريبا كامل اللبسة راهي في الدار لخرة وزيد نجيب ادواتي تاع الخدمة من دارنا ونخمل البيت اووف بديت نعيا من درك
أحمد: متخميش تسلك تمتم
ياسمين: ان شاء الله
ياسمين: واش معول تسكت وقيل
احمد: لالا هدو اليومين كنت نخمم
ياسمين: فاش
احمد: عندك بارمي
ياسمين: ايه مي منعرفش نصوق. علاه تسقسي
احمد: ضربة كيما مرضة إسراء عيطتلي يما قاتلي ابعتلي طونبيل تدينا من هداك نهار وانا نخمم باش نديرلك بارمي كون كشما تصرا حاجة في غيابي ليك ولا لاسراء تاني تحتاجيه ليك كي تدخلي تخدمي
ياسمين: لالا عندي
احمد: وكي عندك كيفاش متعرفيش تسوقي
ياسمين: شوف دك انا درتو كي كنت في الجامعة زعما باش يستقاملي موان شاغ درتو مع صحباتي بصح راحتلي السواقة نسيت كيفاش
احمد: اوكي انا نعلم حبي
إسراء : ماما توحستك
ياسمين: كيفاش توحشتيني من صباح وانا معاك
إسراء : بصح نتي تهدري غير مع بابا وانا نسيتيني
احمد: ربحت دزاير
ياسمين: فتحتلها يديها اروحي ارواحي عند ماماك
قعدت في حجرها ايه قوليلي واش تحبي نحكي معاك
إسراء : نقعد عندك برك
ياسمين: ناكلك انا دك ناكلك ياعمري على الحلاوة هدي كامل ليا انا ياربي هدا زين كامل تاعي انا
أحمد: مشي تاعك وحدك تاعي حتى انا
ياسمين: إسراء قولي نتي تاعمن تاع ماما ولا بابا
إسراء: تاعكم في زوج
ياسمين: خير واحد برك متخافيش واحد ميزعف
إسراء : انا تاعك ماما
ياسمين :شح
أحمد: تعرفي علاه مانزعفتش حبي
ياسمين: علاه
أحمد: خطرش نتي تاعي وحدي 😏
ياسمين سكتت
احمد: ايه قوليلي نبقاو قاعدين ولا نتمشاو
ياسمين: نتمشاو خير ونتي اسراء واش راكي حابة نبقاو قاعدين ولا نتمشاو
إسراء : نمشو ماما
ياسمين: اي عاونيني نتي خملي العابك وانا نخمل الماكلة ليمو دزانهم حطوهم في الطونبيل وكمل يمشو كان احمد رافد إسراء بيد و شايد ياسمين بليد لخرى شويا هكا وصونا تلفون ياسمين
ياسمين: الو سلام عليكم ماما واش راكي
مريم: لباس لحمد لله ونتي
ياسمين: الحمد لله دار راهم ملاح
مريم: وله لباس سوال عليكم احمد إسراء جملتكم لباس
ياسمين: الحمد لله
مريم: وين راكي
ياسمين: راني برا مع احمد و إسراء
مريم : عيطتلك باش نقلك غدوة راكم معروضين نتي واحمد واسراء و دار شيخك كامل للعشاء غدوة دك باباك يزيد يعيط لسي محمد و لراجلك باش يعرضهم
ياسمين: اي اوكي صحة ماما
مريم : هدا واجبي اي منطولش عليك نخليك
ياسمين: بسلامة
احمد:خير
ياسمين: عيطتلي قاتلي بلي رانا معرضين غدوة للعشاء
احمد: ان شاء الله
ياسمين: احمد راني خايفة
احمد: من واش
ياسمين: من المرض حوست في الانترنات ولقيت بلي كاين نساء مراض كيما انا مقدروش يجيبو دراري
أحمد: الحاجة اللولة لن يصيبنا الا ما كتب الله لنا الحاجة الثانية طبيبة واش قالتنا ياك قالت بلي الحمد لله لي كتشفناه على بكري واغلبية الحالات قدرو يبراو الحاجة الثالثة حنا على الأقل عدنا طفلة كاين ناس معندهمش كامل وديجا نعرف تخمامكم نتما نساء تحبو تجيبو دراري على البكري شوفي انا منيش مزروب على دراري وقت مجاو يجو متمرضيش روحك بهدي لحكايا دك نتفاولو خيرا
ياسمين: ان شاء الله فيها خير
أحمد: حب يبدلها سوجي اسمعي صح تقعدلك 9 ايام
ياسمين: وشنو (جاتها لحظت ادراك ) اه ايه مي مشي دايمن خطرات 8 ايام
احمد: حشيتيهالي تسمى
ياسمين: تموت وتحشمني
احمد: حبي لحشما بيناتنا معندي مندير بيها خبيها مع ناس
ياسمين: واش رايك نجوزو على الدار نجيب حوايجي ديجا معنديش واش نلبس غدوة نتهنا منهم ليوم ونخمل الدار باش منظلش رايحة جاية
احمد : اوكي اي امشي
راحو لدارهم ليمت ياسمين حوايج لي تسحقهم و خملت الدار على الغبرة وسڨمت كلش بالمعاونة تاع احمد وإسراء كملو راحو لدار تعشاو نور هي لي غسلت لماعن هما طلعو لبيتهم رقدو ديركت
غدوة من داك الفترة الصباحية جازت عادية مفيهاش جديد حتى وصل موعد انهم يروحو لدار اهل ياسمين
كل واحد واش لبس اما ياسمين لبست قفطان خفيف وجبدت شعرها ودارت مكياج حتى هو كان خفيف بعتبار هدي اول عرضة ليها لدار اهلها اما احمد فكان له راي اخر
دخل للبيت واش راكم واجدين
ياسمين: ايه كامل واجدين نلبس خيماري برك
دارت تسقم في خيمارها
احمد: واش راكي دايرا في وجهك
ياسمين: شويا مكياج
احمد: نحيه
ياسمين: اه
احمد: منعاودش الهدرة
ياسمين: ياك راني رايحة وجاية في الطنوبيل واحد مراح يقدر يشوفني
احمد: ياسمين تعيشي متهبلينيش
ياسمين: بصح انا عروسا وهدو غير دارنا
احمد: ياسمين شوفي بنتي هنا في هدي البيت البسي واش حبيتي ديري المكياج لي حبيتي بصح كي نخرجو من البيت منقبل حتى واحد يشوفك بالمكياج
سكتت محبتش تجادلو بعتبار راح الحال وكامل واجدين مسحت المكياج لي كانت ديراتو ولبست خيمارها وخرجو احمد وياسمين واسراء كيفكيف و نور مع ماماها وباباها كيفكيف
خلاص البارت لنهار اليوم
فوط و كمنتار شباب كيما نتوما
VOUS LISEZ
إسراء الياسمين
Short Storyقصتنا اليوم هي عبارة عن حكاية من نسج الخيال باللهجة الجزائرية عن رجل فقد زوجته اثناء ولدتها لبنته التي حملت اسم والدتها احداث القصة ستبدا بعد 3 سنوات من الحادثة
