"الأمل هـو ذالڪ الخيط الرفيع الذي يخرجڪ من عتمتڪ🥺❤️"
:
:
:
:
:
:
:
:
:
:
:
:
"سلام عليكم ورحمة الله وبركاته
شونهم متابعيني الحلوين رجعنه بقصه جديد
اتمنه تنال اعجابكم ورضاكم
الكاتبه (( نور الشمس ))
سلام عليكم. اعرفكم عن نفسي اني زهراء من محافظة بغداد تبدي قصتي من عمر 9 سنوات والشخصيات رح تعرفوهم من اسردلكم القصه
بابا و ماما الله يحفظهم ويخليهم خيمه علينه وينطيهم صحه وعافيه بابا مدير مدرسه اخذ ماما عن حب جانت مدرسه فيزياء وقع في حبهاااا ماما طبقت بمدرسه اطراف بغداد مدرسه متوسطه مختلطه وبابا اعجب بيه وبخلاقه ونزاكته وكاله من تتخرجين اني اطلبج لمدرستنه وعدي معارف اكدر اعينج يمنه اكيد وافقت ست ماما وين تلكه تعين قبل متتخرج كملت وطلعت الاولى على دفعته وفعلا وره اقل من سنه تعينت بمدرسه يم بابا ومن هنا بدائة قصت حب بابا وماما استاذ محمود وست وسن وره شهرين من تعين ماما تقدمله بابا وافقت وتزوجو وخلفو وره 4 اطفال ماما ترقت وصارت معاونه سنتين سكنو بيت جدي ابو بابا وره زوج عمي الثاني والثالث زوج وصارت البيت ضيق بابا اشتره قطعه ارض 300 متر وهو. ماما تعاونو وبنو اثاثو البيت من اجمل واحسن الشياء
اني زهراء اصغر بنيه بلعائله او بيت اعمامي كلهم الوحيده ممزوجه لان اغلب خلفتهم ولد
عائلتي متكونه من 4 ولد 2 بنات
اختي الكبيره مزوجه ومسافره للسويد مع زوجه استاذ جامعي وهيه كملت كلية صيدله توضفت اساسو عائله اهناك بلسويد عده ولد 2 وبنيه زوجه غريب مو اقاربنه امه شافت اختي بحفلة خطوبت بت خالي واختي جانت هسه مخلصه سادس علمي وخطبته واهلي سالو وشرطو انو تكمل دراسه وفعلا الولد حباب وخلوق وخله اختي تكمل دراسه بلسويد واخذت شهادة وتعينت ومرتاحين الحمدلله بس بعدهم عن اهل متعب حسب ماسمعت يحبون يرجعون بس بعد ملتزمين بوظافهم وبيتهم ومدراس اطفالهم يجون زياره بين فتره والثانيه اسم اختي فاطمه وزوجه حسين وطفاله محمد واحمد و رقيه وره اختي 4 ولد واني وراهم
اخويه الكبير مصطفى مزوج بنيه وياه بلجامعه اخذه عن حب هو مهندس حاسوب عده بس طفل مهند اسمه وبعد مصار عدهم اطفال ماكو سبب راجعو اهوايه اطباء جانت نتائج تحاليل سليمه ومابيهم شي وبقة يم رب العالمين اخويه موضف و زوجته موضفه بيتهم مستقل
اخي الثاني مروان ممزوج خريج ادارة واقتصاد موضف.
اخي ثالث اوس خريج علوم بايلوجي مزوج بت عمي اسمه حنان عدهم اطفال 3 ولد بيتهم مستقل حنان خريجه ادارة وقتصاد بس ماكو وضيفه ربت بيت لمن تلكه وضيفه
اخي الرابع حازم يدرس بكليه طب جراحه عامه معجب ببنيه بلصيدله ومنزوج يكول اكمل دراسه واتوضف وافتح عياده خاصه بيه واكون نفسي وبيت مستقل يله ازوج
مثل ما عرفتو بابا الكبير بعائلة جدي وهو الوحيد عده 2 بنات.
عمي الثاني عده 2 ولد
عمي ثالث عده ولد وبنيه والبنيه مزوجه بمحافظه سليمانيه لبن خاله
عمي الرابع عده 3 ولد
عمي الرابع اسمه حسام عده 3 ولد الكبير والصغير مزوجين والوسطاني اسمه فارس ممزوج يدرس بلبصره فديوم وهو راجع سوه حادث لان جان يمشي رون سايد وضرب ولد بلدراجه والولد بساعته توفه فارس شال الولد نقله للمستشفى بس مظروب براسه توفه اتصل فارس بعمو حسام عمو حسام اتصل باخوانه وكلهم راحو يشفون شيسون بلمصيبه المستشفى بلغت اهل الولد التوفه وفارس اخذو للتوقيف وصلو بابا واعمامي وسالو ع بيت الولد وراحو عليهم واخذو من خاطرهم ابو الولد كالهم قضاء وقدر ومن هذه الحجي بس اخو المتوفي شيخ العشيره وبيده كلشي وكل صغيره وكبيره وماقبل ع كلام ابوه وكاله ابنهم يدفع الثمن لو مجاي رون سايد جان ماكتل اخويه وطرد بابا واعمامي وشيخ عشيرتنه من الفاتحه وكالهم الكم عطيه منا للسابع مال اخويه لو سلموني وابنكم واكتله بيدي لو تنطوني فصليه كالوله ماعدنه بنات اصل ماعده اخوات كالهم اصرفو بينكم لو سلموني الولد اكتله توسلو حجو كالو شكد تريد ندفعلك ماقبل كالهم لو فصليه لو الولد شيخ عشيرتنه كاله ماعدهم بنات ولولد ماتقصد كال بنات عمه بنات خاله خالته عمتي اي واحده اريد فصليه رجعو لبغداد فارس عده بنات خاله بس محد وافق ياخذوهن فصليات رجع وره الفاتحه بس بابا والشيخ عشيرتنه ويقنعون الشيخ اخو المتوفي ميقبل تالي الشيخ كاله ماعدهم بس عمك
محمود يقصد بابا وبته صغيره صف ثالث ابتدائي راحت للرابع صغيره كالهم اي اخذه بابا ماوافق وضلو يحجون وابو الشيخ ماقبل وكاله اصغير كالهم الشيخ لو فصليه لو دم ابنكم رجعو بابا والشيخ ودخلو طرف ثالث للمفاوضه ينطو فلوس فصل بس الشيخ كلمته ماغيره لو فصليه لو دم ابنكم الطرف الثالث اقترح ع بابا انطي بتك قابل شرح يسويله طفله ميسويله شي بابا اعترض وعمي هم اعترض وماوافقو صارت المشكله كبيره وكم مره يرحون ويرجعون للبصره للشيخ ماكو فايده ماغير كلامه دخلو شيوخ وناس وساده ولا تغيرت كلمة الشيخ لو فصليه لو دم ابنكم صار كم شهر وهو بلسجن ابن عمي وبدت العام الجديد للمدرسه وكله داومت واني هم صف رابع ابتدائي وستلمت كتب وكاعد يم ماما جلدهن ومكيفه وكاعده اقره بيهن واختار الجلادات لمن دخل بابا وجه ميتفسر وركضت للمطبخ اخذت كلاص مي من براد ورحت وكتله اتفضل بابا اشو تعبان اخذ الكلاص المي وباس ايدي وحظني وكام يبجي اول مره اشوف بابا يبجي ويكول شنو اسوي رح تروح بتي مني صغيرونه ماما عافت الكتب واجتي كالتله ليش شصاير شكو ليش تروح اسم الله احجي محمود شكو بابا مستمر يبجي وره عشر دقايق بابا نقطع نفسه واغمه عليه اخذو اخواني وللمستشفى ما رجعو الثاني يوم بس يتصلون ب ماما يطمونه وبسرعه يرحون وهم يسالون شكو شنو صاير وماما تسال ماحجه شي ابوكم شنو صاير ومحد ماعرف شكو وشبي بابا
