طفله وشيخ العشيره

(( 11 ))

"سلام عليكم ورحمة الله وبركاته

الكاتبه (( نور الشمس ))

زهراء......اني العب بلمي وملابسي كله مي وفروحه تضحك وتلعب ويايه انفتحت لباب اجتي خالتي باوعت علينه كالت شمسوين بنفسكم

فرح....هههه مي مي بيبي مي تعالي اهنا

ام علي ......اي يمه لعبي هلا يمه هلا فدوه الطولك الحمدلله يمه انته شونك تعالي يمه حار فوت

شيخ علي ..... سلام عليكم شونج حبيبتي شخبارج اي والله يمه حاره نشويت صرت ابيض من الشمس هههههه

زهراء......دخل شيخ علي واني اريد مكان اختل بي متت من الخجل ملابسي كله مي وفرح ترش مي عليه ونضحك وشعرنه نازل مخربط ولابسه برموده

لان عمو عادل ماموجود يطلع من الصبح للمستشفى يخلص دوامه يروح للعياده ويرجع بليل يعني من الصبح لليل ماكو من يجي عمو عادل لبس ثوب طويل وردان طويله وحجاب لو شسوي بذيج لحظه واختفي من نظرات الشيخ وهو يجي بتجاه الحديقه ع فرح وعيونه عليه او مصدوم من المنظر الكدامه نزلت راسي وضليت مكاني واكفه اجه اخذ الصونده من فرح جان كامت تبجي رجعه انطاه الصونده يريد يحظنه يبوسه متقبل وكامت تبجي لان اخذ الصونده وتشارلي تعالي تريد الصونده وخالتي اخيرا نطقت

ام علي.....تعالي يمه زهراء سلمي ع علي

شيخ علي......التفت ع امي ومصدوم زهراء منو زهراء ما غيره الخذته وسكتت

ام علي.....اي يمه هاي زهراء مرتك

شيخ علي.....من كالت مرتك صدك ضحكت مو استهزاء بلبنيه بس ماعرف شنو الخلاني اضحك لان مشايفه لان 9 سنوات ما فديوم سالت عليه ولا ذكرته ولا صرفت عليه جنت ادز مصرف لفرح بس زهراء ابد ما ذكرته فد يوم

زهراء......مرحبا شيخ شونك

شيخ علي......مراحب الحمدلله انته شونج شخبارج بخير ان شاء الله احجي ويه زهراء وما باوعت عليه ونزلت لمستوه فرح ابوسه والخذ الصونده مال مي كامت تبجي وراحت ع زهراء اني وكفت واباوع شون تعامله وتقنعه ضليت صافن ع زهراء وهيه ما رفعت عيني ابد الوجه كيمر الخدود حمر الشفه موضوع ثاني شعره طويل كلش العيون كبار اجنن بس ما شفت لونهن لان منزله راسه الجسم ملكت الرشاقه جميله جدا قاطعت صفنتي من امي صاحتني يمه علي

ام علي......يمه علي تعال نفوت جوه حاره هسه زهراء اجيب فروحه

شيخ علي......اي يمه يله تعالي نفوت

زهراء......من خالتي كالت هاي زهراء وكام يضحك شيخ علي حيل ضجت حسيت يستهز او يستصغرني بس مابينت فرح كامت تبجي اجتي يمي تشتكي من ابوه ليش اخذ الصونده

فرح .....تعالي زوزو مي اني تعالي هاي بابا مي

زهراء.....تعالي حبيبتي كافي نلعب بلمي صارت رجلنه بيه كخ شوفي ورفعت رجله اشوفه طين من الحديقه شوفي كخ يله نغسل وبعدين نلعب من تنشف الحديقه يروح هذه الكخ نجي نلعب اوك وعدي مصاص تجين انطيج