"سلام عليكم ورحمة الله وبركاته
الكاتبه (( نور الشمس ))
زهراء......اني تندمت من ناقشت علي او الصدك حجيت بعصبيه وكلامي استفزه بس من ضربني دماني عافني وطلع كعدت فرح تبجي رحت غسلت وجهي وبدلت ثوبي كله دم سويت حليب لفرح وفرشت بلكاع واخذت فرح يمي وكمت ابجي لمن نمت مادري شون كعدت الصبح فرح نايمه وعلي نايم ع لسرير عفتهم وطلعت سويت جاي حطيت بيض بلمي ع نار وطلعت نضفت الكراج والحديقه التفت شفت خالتي ام حسين
ام حسين .....خير شبي وجهك شبيكم امس ليل كله صراخكم واصل السابع جار
زهراء.....ماكو شي
ام حسين .....كل هاي وماكو شي شبي وجهج
زهراء.....وكعت ع وجهي وعلي ضاج كام يحجي عليه لان ما نتبهت ع العاب فرح وصارت جوه رجلي وكعت
ام حسين....اي خوش عبالي طكج
زهراء.....لا الحمدلله ماكو شي عفته ودخلت للمطبخ كملت الريوك رحت للغرفه شفت فرح واكف يم السرير وتحجي ويه ابوه وعلي يلعب ويضحك وياهه ولا كن ضربني ومشكله بينه عدلت الغرفه واخذت فرح سبحته وغيرت ملابسه حطيته بلهول يمهم رحت حطيته الريوك بلصينيه كله كعدت اني هم اطعم فرح وخالتي ام حسين كل دقيقه تسال شبيكم شكو بارحه واني اكوله نفس الكلام ماكو شي علي ضاج
شيخ علي.......شبيج خاله الخاطر الله من الصبح دكولج وكعت وكعت تعورت عجيبه امركم وانتي الخ كومي حظريلي ملابسي اريد اولي لشغلي عساني لا رجعت
ابو علي.....اكعد اتريك بويه شبيك هيج عصبي اكعد استهدي برحمانك
شيخ علي.....ماريد بويه انسدت نفسي اروح لشغلي احسن اخلص من هذه لبيت سبحت وغيرت ملابسي وطلعت للمغرب رجعت سبحت وبدلت ورحت للمضيف رجعت بليل متاخر جانو كله نايمين اني هم نمت الصبح كعدت نفس الشي اطلع ارجع لمغرب اروح للمضيف ارجع بليل نايمه انام ضلينه شهر ع هاي الحاله راسه يابس وعنيده ماتنازلت ابد واني ماتعوتدت اعتذر لمره كدام الكل عادي حياتنه بس بلغرفه كل واحد بمكان نايم حته متطلب مبايل تتصال بامي بااهلهه ابد امي تتصل تسال عليه امد ايدي انطيه تاخذ تحجي وياهه ابوه يتصل اجاوبه يسال ويسلم واكوله اني بلشغل مره صادف بلبيت انطيته اله سلم عليه وسالت عليهم وتحط المبايل ع الميز وتروح ام حسين استغلت فرصه انو ما دافع عنه او اني ما جنت اتواجد بلبيت اصلا حته اكل ما اكل بلبيت طلباته تكتبهن بورقه تحطه يم غراضي الصبح اخذه من ارجع اجيبهن اله احطهن ع الميز وماحجي ولا هيه تحجي حته الحمام جانت تحظره وتحظرلي ملابسي من اطلع من ضربته شالته ايده من كلشي تغسلهن تكويهن وترجعهن مكانهن بس متهمتلي مثل قبل
زهراء....يوم الضربني بعد ابتعد عن علي ماكو كلام ولا اهتمام هو هم يروح الصبح يرجع بليل واحنه نايمين شهر نفس حاله. ماحجيت شي اول وتالي اني فصليه ام حسين موتتني غلط وفشار وتضرب فرح ماعرف شسوي فديوم رجع بليل واني انتظره قررت احجي ويه علي رجع شافني كاعد وفرح نايمه هو ويغير ملابسه كتله علي عدي كلام وياك
