"سلام عليكم ورحمة الله وبركاته
الكاتبه (( نور الشمس ))
زهراء......وصلنه للبيت بلبصره حيل خفت وختنكت وماعرف شبيه دك هورن شيخ علي فتح الباب الرجال كبير بلعمر دخلنه بلسياره نزل شيخ وراح سلم ع الرجال وبوسه ويسال ع صحته واحواله وكاله جبت مرتي وبتي اريد دير بالك عليهم مثل ما داريتني من اجيت اهنا
الحارس ابو حازم.....هلا بلشيخ هلا بويه توه ما نورت البصره ولبيت هلا بشيخنه
شيخ علي.....هلا هلا عمي ابو حازم البصره منوره باهله لبيت منور بيك هلا بعمي شوف منو جبت ويايه مرتي وبتي عينك عليهم مثل من اجيتك اهنا وحيد البنوات هذني هم داريهن
ابو حازم......بعيوني بنتي وحفيدتي نورتو بويه هلا بيكم هلا
شيخ علي....تسلم يا غالي حبيبي عمي ابو حازم وين الولد اشو ماكو
ابو حازم.....طلعو سفره للصيد
شيخ علي .....بسلامه يردون
ابو حازم.....الله يسلمك شيخنه
شيخ علي......اني اسولف ونزلت الجنط والغراض وزهراء حاظنه فرح وكاعده بلسياره صدك تعجبت ليش ما نزلت كملت الجنط سديت البوب مال سياره رحت فتحت الباب لزهراء يله عيني انزلي نطيني فرحتي شوف عمي هاي فرحتي شون حلوه يعمي دم بغدادي هههههه
ابو حازم......اخذته فرح بت الشيخ وبسته من كال شيخ علي دم بغدادي ضحكت لان اهنا دائمن يكولون للشيخ ابن لبغداديه وهو يفتخر بامه. كتله للشيخ الله يحفظه وشوفه احله مهندسه مثل ابوه
شيخ علي ....... تسلم عمي بوجودك ياطيب مديت ايدي لزهراء لزمته ونزلته عمي مرتي
ابو حازم .....هلا بنيتي نورتي ان شاء الله متعبان من الطريق
زهراء.....ضليت كاعده وحاظنه فرح مانزلت من سياره كمل شيخ علي وابو حازم واكف يمه اجه فتح لباب اخذ فرح ويسولف ويضحك ويه ابو حازم مد ايده الي لزمته ايده ونزلت وكفت بصفه لزكت عرفني ع ابو حازم رجال كبير وكلامه وترحيبه واخلاقه انسان طيب سلمت ع ابو حازم
الله يسلمك عمو شكرا نورك عمو من رخصتك عمو
شيخ علي....من رخصتك ندخل تعبانات البنات
ابو حازم.....غالي اخذو راحتكم بنيتي عود زورينه تفرح بيج ام حازم والبنوات بعمرج اصيرن صديقات
شيخ علي.....بس يرتاحون ع راسي اجيب فرح وامه يسلمو ع عمتي ام حازم والبنات
زهراء.....ان شاء الله عمو ازوركم اني لزمه ايد شيخ علي ودخلنه للبيت سلم شيخ
شيخ علي.....سلام عليكم هلا يابه شونك صحتك احوالك ورحت بست ايد وراس ابويه التفت ع مرت ابويه شونج خالتي شخبارج صحتج احوالج واخواتي ثنين موجودات سلمت عليهن
