"سلام عليكم ورحمة الله وبركاته
الكاتبه (( نور الشمس ))
شيخ علي....زهوره كومي نفتر بس كاعدين نطيني ايدج
لزمت ايده واخذته ورحت
عادل....يارب دشوف يغور بيه
شيخ علي.....تعالي حبيبتي تعالي غير ناس خليهم ينتظرون
عادل.....النه الله ياناس النه الله
الكل ....كام يضحك
زهراء......من لزم ايدي كدام الكل خجلت وماكدر ما امد ايدي لشيخ وانوب يشاقه ويه عمو عادل ويضحكون واني متت من خجل تمشينه شويه بعدين كعدنه
شيخ علي......زوزوز اني اريد اكولج شي تره رح نعيش بيت ابويه بلبصره مرت ابويه انسانه متسلطه مو مثل امي اصلا ماكو مقارنه بينهم ليل نهار تحجي واصيح وتغلط واخواتي من ابويه نفس الحاله. صح هنه مزوجات بس دائمن بيت ابويه لان قريبات كلش ومرت ابويه مسوي شغل بلبيت لان كبير بلعمر وهنه يجن يشتغل بلبيت الي اريده منج تبتعدين عنهم ع كد شغلج اختلطي بيهم لا تحجين اي شي لا زين ولا شين ابد اي شي يصير بينه ميطلع بره الغرفه كوني حذره اهناك
زهراء........ تره كمت اخاف قبل ما روح
شيخ علي ....... ماخوفج ابد بس اريد تعرفين ويه منو رح تعيشين وشون تتعاملين واي شي يكولو الج تجين دكولي الي زهراء افهميني اي شي يسوه وياج دكوليلي تره ياكلوج ويشربوج اذا محد وكفهم عد حدهم تروحين بيه
زهراء......ان شاء الله ميصير شي
شيخ علي....ان شاء الله بس ماضن ههههههه
زهراء.....رجعنه للبيت واتصلت بامي من مبايل خالتي بلغته بلصار عقده وشترينه ذهب واني فرحانه وطلع حباب شيخ علي واكيد وصايه امي صيري هيج وسوي هيج وزوجج وراعي وداري وختمت المكالمه بسلامي للجميع. ضل 3 ايام شيخ وانطه مبلغ لخالتي تجهزني رحنه للسوك اشتريت ملابس كلشي احتاج يومين خالتي تاخذني نجهز ونرجع من رجعنه كالت شنو رئيج تحفين وتغيرين لون شعرج رحنه للصالون حلاقه نسائي تعرف خالتي وكعدت تشتغل بيه كن عروس اول مره اروح صالون او اخف بس خصلت شعري ثلجي لان شعري اشقر طلع كلش حلو وتغيرت ملامح وجهي ميه وثمانين درجه اني طولي 160 مو سمينه ولا معصعصه وزني 67عدي خدود بيض. شعري اشقر طويل اهوايه كله اضفره شفايفي بارزه ومليانه حلو بس من رحت للصالون صرت كلش حلو عيوني كبار لونهن عسكري يعني اخظر طوخ بي لمعه فعلا فعلا تغيرت رجعنه للبيت ميته تعب رحت ع خالتي لمغرب كتله خاله اذا ممكن اروح بيت اهلي اشوفهم قبل ماروح للبصره
ام علي.....اي يمه شكو بيه بس الاحسن تروحين تاخذين الاذن من علي علمود تبينين احترامج وتقديرج اله بعد كلشي تروحين ع علي زين يمه
زهراء......حاظر خاله رحت ع شيخ علي دكيت لباب
شيخ علي .....تعالي اسماء من فتحت الباب ودخلت زهراء ابتسمت بوجه كتله صدكين ماتوقعتج تجين للغرفه تعالي فوتي
