"سلام عليكم ورحمة الله وبركاته
الكاتبه (( نور الشمس ))
شيخ علي.....من سمعت حجيه وكامت تبجي لزمت وحظنته كدام ريم خلص التريدي يجرالج لا تبجين دموعج غاليه حبيبتي واخذته الصدري لازم ابين كدام الكل زهراء مرتي بلحقيقه مو بس ورق اعرف ريم رح تنزل ودكولهم هيج سوه وهيج عمل واني فعلا نكسر خاطري ع زهراء نزلت جوه وهيه بيدي وريم ورانه تنزل وشايله فرح كتلهم اريد غرفت البنات لان زهراء متتقبل الغرف الفوك لبيت بي غرفتين جوه وحولي كبير وصاله كبيره ومطبخ حار وبارد والغرفتين وحده مال ابويه ومرته وحده مال بنات من يجن يباتن او عدنه خطار يباتون بيه الحق ينكال مرت ابويه وخواتي نضيفات كلش لبيت ليمع من فوك الجوه ومرت الحارس ابو حازم تجي تساعد مرت ابويه بس خواتي ممخليات لبيت بي شي يلمع لو حته محد يدخلهن الغرف ينظفوهن ويرتبون بيهن حته غرفت حسين الله يرحمه يوميه تتنظف حاله حال البيت كله من سمعت مرت ابويه اريد غرفت لبنات كلبت الدنيا
ام حسين.....مصار ساعه من دخلت لبيت لخاتونه تريد تكوش ع كلشي تريد غرفت البنات ليش عود متنكبر بغرفتك شنو ناقصه
شيخ علي......اول احترميه الي يغلط ع زهراء بعتبار يغلط عليه وثاني شي غرفت لبنات فارغه البنات ميباتن اهنا نادرما واذا يريدن يباتن غرفتي وغرفت حسين موجودات ينامن بيهن
ريم.....يمه مابيه شي لو اخذوه ومثل مكال علي انام بلغرف الفوك احنه منخاف وعدنه عادي
ام حسين .....سكتي الج عوبه شنو اول ما اجتي تشرط تكعد اهنا وتنام اهنا بس الصوج مو بيه الصوج بلشيخ الي اهل الشوارب يخافون منه ويهابونه مره تمشي
شيخ علي.....حجت هيج مرت ابويه عطت بيهم اش هاي ويه منو تحجين شفتي غلطت فشرت رفعت صوته اشو تحترم ومحترمه اكثر وحده ديري بالج خالتي وعرفي ويه منو تحجين يله زهراء نزلي الجنط والغراض اهنا وعدلين وكلشي بهاي الغرفه جمعي طلعي انطي للبنات ريم اخيتي اخذي زهراء لغرفتكم
ريم.....حاظر اخويه تعالي زهراء هاي غرفتكم رح اصير تره نضيفه بس تعالي نعدله نطبك السراير سوه ونسويه واحد
زهراء.....صارت هوسه وسوت خالتي ام حسين علمود لغرفه اني ولا فتحت حلكي بس مصدومه من التعامل مال كل علي ومرت ابوه واخته فعلا ماكو مقارنه بين خالتي ام علي وخالتي ام حسين فرق شاسع من السماء للكاع رحت ويه ريم للغرفه كبيره كلش وبيه 3 سراير و3 كنتو وكل كنتو بي بابين رحنه دفعنه الكناتير سويناهن مكان واحد كلهن عبالك كنتو ابو 6 بوب وسوينه السراير 3 سوه صارن جربايه كبيره وحطيته بصف الحايط علمود فرح تنام من جه الحايط ومتوكع طلعنه شكو غرض البوفيات الصغار سويتهن كلنه الغرفه كمنه اني وريم نصعد نزل الجنط والغراض لمن كملنه وبيديت افتح الجنط وارتب بيهن وحده وره الثانيه كملت راحت ريم تنزلي غراض شيخ من فوك واني ارتبهن كملنه بس نقسم ضهري تعبت اخذت ملابس ودخلت للحمام اسبح طلعت صار شيخ علي بوجهي
