"سلام عليكم ورحمة الله وبركاته
الكاتبه (( نور الشمس ))
اسماء......بلمختبر ومحمد اجه عليه
محمد........بدون زحمه اسماء دقيقه عدي تحاليل اريد اكولج عليهن كملي وتعالي حجيت هيج لان لبنيه موجوده
اسماء......حاظر دكتور بس اخلص هاي لبيدي واجي كملت ورحت دكيت الباب
محمد.....تفضل تعالي اسماء عدي كلام وياج
اسماء......تره اكو مراجعين وداشتغل
محمد.....هسه شغل والمراجعين اهم مني
اسماء......طبعا لا بس اخاف احد يجي
محمد.....تعالي كعدي اريد احجي وياج اكولج عادل كال عرسي تاجل لان خالت خطيبته توفت واقل شي 6 اشهر
اسماء.....اي صح
محمد..... شنو موضوعنه قابل اجله 6 اشهر. اليوم اروح العادل وافاتحه بلموضوعنه شدكولين
اسماء.....لا عفيه استحي لا دكول
محمد......هههههه شنو تستحين اريدج بحلال
اسماء......مادري بكيفك
محمد ......خلص خليه عليه حبيت انطيج خبر رح افاتح عادل بلموضوع واشوف شيكول وادز امي
اسماء.....ان شاء الله رح اروح اكمل باي رحت للمختبر اشتغل شفت محمد دخل لغرفه عادل كمت ارجف ماعرف شبيه خوف ع توتر مستحه نص ساعه وطلع محمد يضحك باوعت عليه دزلي بوسه بلهوى خزرته كام يضحك درت وجهي ورحت اول مره هيج يسوي محمد كله يحجي ويايه بحترام بس هسه شبيه كملنه شغل طلعنه عادل ابد ما حجه كلمه وصلنه للبيت تعشينه عزلت لمطبخ امي صاحتني
ام علي....... اسماء يمه تعالي دقيقه
اسماء...... نعم امي
ام علي.....كعدي يمه عدي موضوع احجي وياج واخذ رئيج بي دكتور محمد طلب ايدج شنو رئيج انتي تعرفي وشايفته.
اسماء....مادري يمه بكيفكم اني ماعرفه زين اكيد عادل يعرفه اسالي عليه
ام علي....يمه عادل يكول ولد دره واهله ناس ماكو منه ثقافه واخلاق وامه مره كلش. حبابه وخوش ناس شدكولين انتي
اسماء....بكيفكم اذا هيج زينين
ام علي.....ماطول دكولين بكيفكم يعني موافقه ابلغ علي ونردلهم الخبر
اسماء.....اي زين امي بلغت علي واجه سالني وسال ع محمد تمت الخطوبه وصارت مشيه وعقد سوه كملو العقد والزلم راحت واهوايه نسوان تحولنه من الهول الى الصاله اكبر من الهول كعدت شويه وكالت عمتي ام محمد لبسو حجابت العريس رح يدخل التوتر والخجل يقره مليون عدي دخل محمد لبس قاط رسمي نيلي لونه كلش حلو يمشي بثكل وهيبه اوصاف محمد طويل وكتافه عريضه عبالك لعب كمال اجسام عيونه سود بشرته بيضه شعره اسود كالبه ليوره لحيه وشوارب انيق جدا ملابسه عطره يهتم بادق التفاصيل حته بلعياده دخل من باب الصاله عمتي ام محمد بوسته وخواته وخالته وعماته وراح ع امي باس راسه وشكر منه والتفت عليه باوع بوجهي عيونه اجتي بعيني نزلت راسي بسرعه اجه لزم ايدي وكفني وباس راسي
