"سلام عليكم ورحمة الله وبركاته
الكاتبه (( نور الشمس ))
سهى......الصبح ساعه 10 دك مبايل امي والمتصله خالتي اتوفت خالتي بلخارج امي كلبت الدنيا بلعيط شكو نريد نفهم بس شكو ابويه اخذ مبايل امي وحجه ويه خالتي وافتهمنه خالتي توفت اهنا المصيبه انو الفاتحه بيت جدي لمن يسون اجرئات الدفن لمن يجيبوهه للعراق اطول كلش واهنا تاجل زواجي وصارت الفاتحه وجابو خالتي دفناهه ابويه اعتذر من عادل ناجل العرس وعادل تفهم الموقف
ابو سهى.....بويه عادل نعتذر منك انته تعرف الضروف وميصير تاخذ بتنه وخالته هسه دفناهه
عادل.....لا عمي شنو سالفه مترهم اصلا ناجله فتره والله كريم احنه اهل. مصابكم مصابنه
ابو سهى.....ونعم منك ابني الله يحفظكم
عادل.....الله يسلمك عمي تاجل عرسنه واني تعودت ع سهى وصرت كل كم يوم اخذه ونروح لبيتنه وره ساعتين او 3 ارجعه لبيتهم مرت نضل ليل نطلع ونتعشه وارجعه لبيت اهلهه صار 6 اشهر من توفت خالت سهى واني اكوله سهى احجي ويه اهلج مو وضعيه كافي 6 اشهر
سهى.....ميخالف اليوم من ارجع اكول الامي اشوف شدكول رجعت سلمت وكتله ماما عادل يكول طولنه صار 9 اشهر مخطوبين وخالتي الله يرحمه صار 6 اشهر متوفيه
ام سهى.....كوليله عاجبه وره سنه مال خالتج معاجبه خلي يفصخ زين
سهى....ماما شنو يفصخ عليج الله الناس شدكول
ام سهى....لعد مفكرتو شدكول لناس من تزوجين وعرس وهوسه وخالتج صار 6 اشهر متوفيه
سهى.....ماما لو حته بدون كلشي منسوي شي اهنا بيت عادل يسون
ام سهى....شبيج هااا موته نفسج ع الزواج شكوو
سهى....ماكو شي وماريد ازوج عفت ورحت واتصلت بعادل بلغته وعادل صار عصبي
عادل......سهى اني اجي اكول الابوج زين هاي امج رح تجلطني موتي ع ايده
سهى....فدوه عادل انتظر فد سبوعين وفاتح بابا
عادل.....زين لخاطرج تره مشتاقلج باجر اجي اخذج
سهى....اني اكثر مشتاقتلك حبيبي اي انتظرك اجه عادل ثاني يوم ورحت ويه للبيت ساعتين وبعدين رحنه لبيت اهل عادل كعدنه شويه وبعدين عادل صعد وصاحني رحت فوك يمه وره نص ساعه عادل دخل للحمام واني ستحيت كتله اروح لبيتنه اسبح استحي كدام اهلك نزلت يم لبنات نزل عادل ورحنه لبيتنه التفت ع عادل بلطريق كتله عادل تدري شي
عادل.....شنو كلب عادل
سهى.....عادل الشهريه صار سبوعين متاخره واخاف حامل اني
