"سلام عليكم ورحمة الله وبركاته
الكاتبه (( نور الشمس ))
الشيخ علي.......اعرفكم عن نفسي وعائلتي ابويه من البصره جان يداوم بغداد تعرف ع خالي الكبير ياسر صارو اصدقاء كلش ابويه يزور بيت جدي ابو ياسر ابو امي كم مره شاف امي لان طالبه صف ثالث متوسط كم مره ابويه راح للبصره وكال الامه يمه شفتلج جنه بيبتي جانت.مو بيده كلشي كله جانت بيد جدي الشيخ كم مره ابويه حجه الجدي بس جدي ميقبل اله بنات العم اختار من اهلك متفيدنه البغداديه ابويه حلف الف يمين لو هيه لو ميزوج وره سنتين جدي وافق بس بشرط يزوج امي البغداديه وره كم شهر يزوج وحده من بنات عمه ابويه طار من الفرح وافق ع شرط جدي ع امل انو وره الزواج يكول مازوج بنات عمي واني كونت اسره وماريد المهم راح جدي يخطب لبويه بس اهل امي ماقبلو لان تدرس امي راح ابويه ع خالي وبالف يا علي قنعه يحجي ويه ابو يوافق وابويه موافق تكمل بس سادس وما جابو سيرت انو ياخذ مره عليه لان ابويه مفكره بس كلام مو لازم يتنفذ جدي شيخ عشيره معروفه بلبصره وكبيره وعده 4 ولد و5 بنات يعني بس ولده وبناته واحفاده عشيره كامله ابويه الكبير وافقو اهل امي بمساعده خالي نجحت امي من خامس علمي للسادس وتحظر للسادس لان اهل امي ناس مثقفه وكله شهادات وكله واصله بلدراسه اجه ابويه واهله وعمامه يطلبون ايد امي ابوه وافق وانو تكمل سادس وبعدين هيه وزوجه يقررون تكمل معهد كليه شي خاص بيهم تمت الخطبه وحطوله مهر عالي يليق بجنة الشيخ الاولى جدي ابو امي جان ميعترض ويكول كله الكم اني ما داخل بجيبي شي شنو تحطون حاظر وغايب مرجوعه الكم وحبر ع ورق تمت الخطوبه وحفله بسيطه وتلبيست ذهب وبيبيتي ام ابويه طايره بامي حيل حبته وامي تحبه وتحترمه وره شهر من الخطوبه ابويه اجه ع خالي وكاله اريد اخذ الامانه اليمكم خالي كاله ابلغ ابويه ويصير خير جدي دز ع ابويه وتفق وياه تكمل سادس بيت جدي بطلب من امي يله تزوج ابويه وافق بس بداخله مقابل لان يريد ياخذ امي ويضل بلبصره لان نقل شغله للبصره علمود يزوج ويستقر كام كل شهر او شهرين يجي يوم يشوف امي ويطمان عليه ويزور ويرجع للبصره لمن كملت لسنه وامي نجحت وطلعت معدل يدخله هندسه بس ابويه واهله ما وافقو تكمل ازوجت وراحت للبصره جدي ابو ابويه حيل يضوج من امي ويعامله بستحقاره وجان يحجي ويرزل بيه ع كلشي وكدام الكل بس ابويه وبيبيتي ام ابويه يحبوه وابويه يعشقه وامي ساكته وماشكت ولا حجت كلمه من تعامل جدي اله مرت ايام وحبلت امي بيه جدي حيل اذاه الامي من ولدت واجيت اني للدنيا جدي رغم يضوج من امي وميحبه بس يحبني ويريدني من اجيت للدنيا ذبح وزع لحم وعزم العشيره كله وهو سماني علي واصبحت الولد المدلل مال جده حيل يحبني كملت عمري 6 اشهر وجدي كال الابويه يله ازوج وحده من بنات عمك مثل ما تفقنه ابويه كاله ماريد اني علمود توافق ازوج ام علي وافقت بس علمود تخطبه اني احب مرتي واريده مازوج عليه جدي تعارك ويه ابويه وصارت هوسه جدي طرد ابويه وامي من لبيت وكاله ما ارضه عليك وصارت مشاكل بعدين ابويه ماكدر يعوف ابوه ورجع للبيت يصالح ابوه ويكوله عوف شغلت الزواج بس جدي جان مصر ع زواج ابويه من بنات عمه ابويه راح ع امي وبلغه لازم يزوج من بنات عمه وامي زعلت وبلغت اهلهه اجوي اخذوه وكالتله طلكني راحت لبيت جدي عافو كم شهر وابويه ازوج وحده من بنات عمه امي من راحت زعلانه بيت اهلهه جانت حامل ومتدري وره سبوعين عرفت بس ما بلغت ابويه وابويه ما سال عليه ولاعليه اصلا امي رجعت قدمت للكليه ودرست ولدت ولد سمته عادل ابويه ميدري بينه كملت سنه الاولى نجحت وراحت مرحله ثانيه هندسه صار عمر عادل 4 اشهر اجه ابويه وبيبيتي يرجعون امي بس جدي ابو امي ما وافق واله يطلك ابويه من عرف امي جانت حامل ولدت ذب الوم ع امي شون ما نطيني خبر وشون ما كلتي واصر يرجعه وتعوف الكليه متكمل جدي ابو امي ما وافق لا ترجع ولا تعوف الكليه ابويه كالهم اني مجبور واريد مرتي ولد وماكدر اكسر كلمت ابويه ومن هذه الحجي وتوسل بجدي ابو امي بس ابو امي جان موقفه واحد مترجع ابد وطلكه وتكمل دراسه واذا تريد ولدك اخذهم بس ابويه يعرف امي متعلقه بينه كلش ما اخذنه وعاف ابويه ورجع للبصره وجدي ابو ابويه ميقبل ترجع امي وكل يوم يكول الابويه طلكه وجيب ولدك بت عمك تربيهم بس بيبيتي ام ابويه متقبل ويصير حجي وجدال وابويه رافض انو يطلك امي وكل كم شهر يروح لبغداد يريد يرجع امي بس ابو امي ميوافق كملت امي مرحله ثاني ونجحت وراحت مرحله ثالثه وابويه اصر يرجع امي صار سنتين بيت اهله كال الابوه لو تجي ويايه ارجع مرتي واخذله بيت بغداد يم اهلهه لمن تصفه امور وتكمل كليته اجيبه اهنا واذا متوافق اطلك بت عمي واروح لبغداد اهناك انقل شغلي واخذ بيت وارجع مرتي جدي وافق يروح يرجع امي لان اذا ابويه اذا يطلك بت عمه رح اصير مشاكل وخراب بيوت وزعل بين الاخوه راح جدي وشيوخ وياه وكباريت العشيره لبغداد لبيت جدي ابو ام يرجعون امي جدي ما وافق ابو امي بس الشيوخ والناس لكباريه قنعو لمن وافق بس كالهم بشرط اذا ام علي وافقت خير اذا ماوافقت ما اجبره ترجع كالولي خير ان شاء الله روح اسالهه راح جدي ع امي وكاله هيج يكولون ياخذج بيت اهنا ومن تكملين كليه ياخذج للبصره امي ما وافقت وكالت ما اريده لان زوج عليه واعافني وعاف ولده صار سنتين ميعرف عنه شي مزوج وملتهي بحياتي ماريده جدي كاله اخر كلام امي كامت تبجي بيبيتي ام امي كالتله اني اكول خلي تكعد تتفاهم هيه وزوجه احسن علمود نطلع من خطيتهم بيناتهم جهال ميصير تطلك جدي كال زين من راح جدي بيبيتي كعدت تفهم امي انتي صغير ويحبج وزوجي خوش رجال وشاريج وعدج ولد متكدرين تربيهم لازم اب فوك راسهم وانتي عاقله فكري بنفسج كله تحجي عليج مطلكه ومطلكه خلي ياخذلج بيت اهنا قريب علينه وداومي ودرسي وخلي زوجج ع راسكم وكسبي زوجج خوش اناس يمه مافديوم عاملج موحلو كله يتمنالج الرضه ترضين بس هاي قسمته عده هيج اب شسوي اجه جدي وياه ابويه دخلو الغرفه كامت بيبتي طلعت وعافتهم وحدهم ابويه بس شاف امي تبجي تخبل يمسح دموعه يكوله شدكولين اني حاظر امري وفعلا تم الصلح وابويه فتره وشتره بيت بغداد قريب ع بيت جدي امي اثاثته ع ذوقه ابويه ميرفض طلب الامي بلعكس جان فرحان كلش انو رجعت امي ابويه صار لسبوع كله بلبصره والخميس من الدوام يجي لبغداد والجمعه بليل يرجع للبصره وامي كملت كليه ابويه صار عده اطفال من زوحته الثانيه 4 اطفال 3 بنات ولد وامي حبلت وجابت بنيه
هسه عائله الشيخ علي
الشيخ علي
عادل
اسماء
عائله الزوجه الثانيه
رسل
رشا
ريم
حسين
امي من كملت كليه ابويه حاول بكل الطرق ترجع للبصره بس ماوافقت ابد كبرنه وصرت مدرسه وصلت ثالث متوسط كملت ورحت رابع علمي اهنا جدي توفه وابويه صار الشيخ ابويه اجه اخذني للبصره وخصصلي غرفه خاصه بلطابق لثاني احنه ما فديوم رحنه للبصره ولا شفنه اخوانه ولا نعرفهم ابد اول مره رحنه بلفاتحه مال جدي و7 ايام ورجعنه وابويه جان محتاجني اوكف وياه بلمضيف وبلكعدات والعراس علمود يعلمني وفعلا صرت ملازم ابويه بلصغير وكبيره وابويه جان يعتمد عليه بكلشي وصرت الكل بلكل وماعفت دراسي لان احبه وامي توصيني بيه اهمشي دراستك كملت سادس وطلعت هندسه معماريه حبيت ادرس بغداد ورحت ع ابويه وكتله ادرس كليه بغداد بس وابويه ما وافق كالي ماكدر بدونك انته ايدي يمين وفعلا ضليت ادرس وماعفت ابويه ابد زوجت ابويه جانت معاملته الي موحلوه ابد بس اني ما اهتمله او ما اتواجد بلبيت قليل جدا لو بس وقت النوم جنت ادرس مكان خاص بيه ودائمن بلمضيف يم ابويه وضيوفه خواتي من ابويه الكبير متحبني ولا تباوع وبجهي وكلامهه سم كله الثانيه متحجي ويايه لا خير ولا شر معليه بيه بس الصغير جانت حنونه وتحبني واني هم جنت حيل احبه ومن ادخل للبيت لازم شي بيدي اله كملت كليه ابويه تمرض صحته صارت بلنازل اهوايه راجع بس ماكو فايده اخير شي طلع عده مرض خبيث ابويه بعد ميكدر يدير امور العشيره وحطني الشيخ بداله بس صارت مشاكله بين ابويه وعمامي كله ما وافقت بس ابويه اصر اصير شيخ وفعلا صرت شيخ وابويه موجود واستشيره بهوايه امور سويت مشروع خاص بيه مكتب هندسه واني كم ولد من دفعتي ونعرفنه بلسوك بشغلنه وصار اسمنه معروف وكبر المكتب وصارت شركه اني مارجعت لبغداد ضليت بيت ابويه بلبصره اخواتي ازوجن واخويه يدرس بس السنه ياخذ 4 سنوات يله يطلع منه وزوجت ابويه متقبل احد يحجي ويه المدلل مالته
