"سلام عليكم ورحمة الله وبركاته
الكاتبه (( نور الشمس ))
الشيخ علي ......هلا بيكم تفضلو
محمود .....بيك اكثر شيخ دخلنه كعدنه وشفنه السيد واخو الشيخ كاعدين
الشيخ علي .....عادل ضيافه
عادل....اي شيخ ادلل
محمود.....تعال ابني كلشي منريد واصل كلشي
الشيخ علي..... شون يصير ابو مصطفى ادوس ابساطنه ومنضيفك التفت ع السيد يله سيدنه شوف شغلك
محمود....بده السيد يتلو ايات واحاديث لمن كمل عقد لبتي والشيخ علي واني وكيله وتمت الموافقه والشهوده الشيخ مالتنه واحد من اخوت الشيخ كملنه ودنطلع حطيت بتي بيد الشيخ علي وكتله امانه الله ورسوله بتي معليه بكلشي والصار قضاه وقدر وانتو شيوخ ولد اشيوخ وهاي طفله بامنتكم قطعه من كلبي بيدك سلمته والشيخ مالتنه واخويه حسام هم اجوي واصوهه للشيخ ع زوزو طلعنه واني كلبي معصور ماكدر اتنفس
شيخ علي.....لاتخاف ابو مصطفى بتك بعينه بلحفظ والصون احطه بعيوني ودعتهم وبدت تبجي صدك باعوت عليه صغير بس شسوي بعد غروري ماخلاني ارجع بكلمتي من كلت اله فصليه بس ضلت تبجي وتصرخ اخذته من ايده ودفعته جوه يم امي واخوتي وعطت بيه اش اش ولا حرف ماسمع صوتج زين بعياط سكتت وبس تشهك امي كامت تحجي
ام علي..... علي شبيك صدك جذب طفله فوك ما اخذته من اهلهه انوب هيج تعامله والله هسه اندعي عليك وما ارضه عليك ليوم الدين بس تحجي وياهه افعالك كله غلط صرت انسان متسلط كومي يمه تعالي شسمج شون بنوته حلوه فدوه الله
زهراء....من راحو اهلي حيل خفت ونقهرت كمت ابجي واريد بابا اخذني الشيخ من ايدي ودفعني وكعت بلكاع ومن عاط بيه من الخوف كمت بس اشهك من اجتي ام الشيخ وحجت عليه واجتي عليه شالتني وحظنتني سالتني ع اسمي كتله واني اشهك اسمي زهراء
الشيخ علي..... يله تحظري دنروح
ام علي....التفت ع علي شوف علي اذا اخذت البنيه وياك للبصره بعد متشوفني ومن اموت متحظر فاتحتي ومتمشي بجنازتي ولا تحظر دفنتي
الشيخ علي.....شنو يمه شبيج تره اخذته فصليه صدك جذب كله هاي علمود شنو
ام علي..... علمود الرحمه والانسانيه الي نعدمت من عدك ونشالت الرحمه من كلبك يا ابن بطني من يوم صرت شيخ وانته كمت تظلم وتشيخ علينه وتعلي صوتك
الشيخ علي .....لا يمه معاش الي العلي صوته عليج وخلص خليه يمج نزلت بست ايده وراسه ودعتهم وطلعت والطريق كله روحي بخشمي امي ليش هيج سوت وسقت سريع كلش وصلت للبصره بيتنه دكيت هورن اجه الحرس فتحو الباب دخلت وعفت السياره ودخلت انافخ الي يحجي ويايه كلمه اذبحه
