"سلام عليكم ورحمة الله وبركاته
الكاتبه (( نور الشمس ))
زهراء.......رحت للدكتوره دزتني تحاليل وقياس ضغط طلع نازل وسكري تمام وتحاليل تمام وحته ماطلع عدي حمل بس الدكتور كالت نام اخذلج سونار نمت ع سديه وبدت الدكتوره تشوف بجهاز السونار ورجعت سالتني ع شهري والعراض العدي
دكتوره.....ماما انتي حامل شهرين و3 اسابيع
زهراء.....دكتوره بس ماطلعلي بلتحليل
دكتوره .....عادي اصير اهوايه ميبين بلتحليل يبين بلسونار او مرات العكس ميبيبن بلسونار يبين بلتحليل علعموم مباروك وان شاء الله تمامت الخلقه ودكومين بسلامه بس يحتاجلج فيتامينات وعدج فقر دم اريد تغذيه زينه
ام علي.....يا تغذيه فدوه لعينج دكتوره بس نايمه لا اكل ولا شرب
دكتوره.....لازم تغذيه والنوم موزين اهوايه للحامل رح اكتبلج علاج اخذي بنتظام
زهراء.....ان شاءالله دكتوره اخذنه العلاج ورجعنه للبيت خالتي بلغت اسماء وعمو عادل
اسماء......عمري مبروك حياتي يارب يتمملج ع خير
زهراء.....اشكرج حبي تسلمين
عادل.....مبروك ان شاء الله دكومين بسلامه شون ام حلو رح اصيرين
زهراء.....خجلت من عمو عادل الله يسلمك عمو يوم عرسك ان شاء الله
ام علي.....تعالي زهراء يمه انتي تبلغين علي وتفرحي
زهراء.....لا خاله ماتصل ولا ابلغه ماعتقد يهتم امري لو يفرح حامل لو لا
ام علي......ليش هيج تحجين يمه علي يموت عليج
زهراء ......خاله منو يموت عليه منو مهتملي اصلا خاله صار شكد اني يمكم بلجذب ماتصل ولا يسال عليه
ام علي......لا يمه يوميه يتصل بيه ويسال عليج ويريد يرجعج اني كتله خلي تستعد وترتاح من ترضه يله ترجعلك
زهراء.....مارجع خاله اني صرت مكفخه مال علي واهل ابوه تعبت ماريد ارجع صار شهرين متت يمهم
ام علي..... حبيبتي لازم المره تتحمل زوجه وعياله يمه وداعت ولدي علي مافديوم مد ايده ع مره بس ماعرف ليش هيج سوه وياج الي اعرفه متخبل من كتيله طلكني وهو روحه بيج وهسه حامل من علي شوف شون يدللج موضوع الدراسه اتركي هلسنه والسنه القادمه الف حل نلكه
زهراء.....بس خاله اذاني اهوايه ماريد ارجع جان قبل يوكف بوجهم هسه ديلعبون بيه طوبه وعلي عادي عده مداتحمل صدكين خاله ام حسين حته تضرب فرح وتشمره كم مره برجله تدفعه خاله اموت قهر ماعدي احد اشكيله من اجينه شفتي ايد فرح شون معضوضه هاي رشا عظته وضربته ع ايده دك ليش تاخذ لعبت بته تعلمي تادبي وتضرب بيه واني اشتغل مثل خدامه مالحك وفرح طفله تريد تلعب ويه اطفال انقهر عليه من اخذه اكعده بلكرسي يمي واحبسه كل هذه وعلي ميدري لان معلي بينه ولا يسال ليش زركه شبيه ليش من اروح ارجع حابسته يمج حته اصعد بلسطح انشر ملابس اخذه بلحر بلشمس اخاف منهم ياذوه وكله كايمين كاعدين يكولوله فكر فكر كرطتي راس امج حيل اضوج اخذه وادخل للغرفه شسوي خاله علي ممينصفني تعبت منهم
