"سلام عليكم ورحمة الله وبركاته
الكاتبه (( نور الشمس ))
شيخ علي.....اسماء انتي وزهراء وامي ويه عادل يله السياره فارغه اخذو فرح من امي وتعالن اصعدن زهراء شويه غطي وجهج اسماء انتي هم
زهراء.....اني مستحيه من علي اصلا ومنزله راسي كتله اي ورحت. ع خالتي اخذت فرح والجنطه مالت فرح ومشيت ويه علي واسماء. صعدنه بلسياره فد ولد كاعد يم عادل عرفنه عليه ماحجينه كلمه الطريق كله بس خالتي وعادل الولد اسمه محمد اجتماعي ويسولف ويسال اسماء اذا تحبين تتوضيف بعد الضهر تعالي يمي فتحنه مختبر بس ابنيه موجود وعادل كاله فكره زينه بين ميطلع تعينج واتفقو انو اسماء تروح بعد الضهر للمختبر تشتغل وياهم اني ولا كلمه حجيت وصلنه دانزل شفت علي واكف باب لسياره نزلنه ودخلنه جوه ودخل النسوان كلهن يله دخل يم الزلم سلمنه ونزعنه العبايه ولزمت فرح وكعدت ريم كعدت يمي وخالتي ام حسين يم ريم واني ساكته بس ابوع وكل شويه ريم تسالني منو هاي وشسمه واني اكوله ماعرف مادري لان فعلا ماعرفهم اني كعدو وره شويه صاحو العروس تعقد عقتدت وبدت الهلاهل واغاني واجتي العروس كعدت بمكانه شويه وصاحو لبسو حجابات رح يدخل العريس لبسنه وكعدت ااباوع عليهم شكد حلو يلبسه. الذهب ويشاوره وشون حلو لفستان والخطوبه شعور حلو للبنيه ماعرف ليش حيل نقهرت ع نفسي اني كلشي ماشفت ولا سويت ولا ختاريت شي لزمه فرح وضليت كاعده كله واكفه وتباوع ويضحكون كامو يركصون فرح صفك واني فقط مبتسمه كملو الزلم طلعو اجتي خالتي عليه
ام علي.....يمه زهوره هاي علي يحجي وياج
زهراء.....اي خاله اخذت لمبايل وكمت مكان هدوء الوو هلا عيني الحمدلله
شيخ علي.....هلا بويه شونج تريدين تبقين لو ترجعين ويايه للبيت
زهراء..... قصدك للبصره نرجع ويه الجماعه لان خالتي ام حسين وريم وعمي وكلهم اهل البصره رجعو علمود الطريق
شيخ علي......لا لبيت امي تعبانه واريدج ويايه ترجعين اذا حابه تجين واذا محابه ابقي وتعالي وياهم
زهراء.....لا انتظرني اجي وياك. هسه اطلع
شيخ علي.....تعالي بس انتي لاجيبين فرح انطيه الاسماء
زهراء.....هسه انطي فرح واطلع
شيخ علي ......انتظرج بلباب
زهراء.....رحت ع خاله تفضلي خاله مبايل واني رح اروح ويه علي للبيت
ام علي..... تعالي يمه دقيقه احجي وياج تعالي اسماء اخذي فرح وغراضه خليه يمج تعالي زهراء اخذته وكفت بلمرمر وتاكدت ماكو احد يمه زهراء اسالج ولو مو وقته وهذه شي خاص بس اريد اعرف لمصلحتج واعلمج الصح الله شاهد احبج مثل اسماء
زهراء....اعرف خاله تفضلي شنو تريدين اسالي واني اجاوبج بصدق
ام علي.....يمه انتي وعلي مزوجين يعني
