"سلام عليكم ورحمة الله وبركاته
الكاتبه (( نور الشمس ))
زهراء....... من تركني بابا وراح نقهرت وبيجت وتاذيت بشكل ليل ما انام بس اسماء جانت تاخذني بحظنه وسكتني وضحكني وتخليني ادرس وخالتي ام علي تسكتني وتحير شون ترضيني وعمو عادل ياخذني يشتريلي ويطلعني اسبوع واني حته اكل ما اكل تجبرني خالتي ام علي اكل لكمه بلكوه من راح بابا ورتبت غراضي تعرفون طفله وشي جديد عده كملنه واجيت فتحت جنطت الحلويات كله ضلت صافنه كالو هاي شنو كتلهم بابا اشتره الي وماما كالت اخاف مينطوج اكل اكلي منه بس انتو حبابين انطيتوني اكل واسماء صارت اختي ضحكو عليه وكالتلي خالتي ام علي
ام علي.....ضميهن يمه الج وشوكت متحبين اكلي براحتج بس لاتاكلين حلويات اهوايه لان اسنانج تسوس ويوكعن
زهراء.....حاظر خاله وكمت فرغت الجنطت الحلويات ورتبته واسماء ساعدني وحطيناهن بلثلاجه العصر عمو عادل اخذني اني واسماء وفرنه بلسياره واشترالنه موطه من مرطبات الفقمه جان مشهوره وشيائهه كلش طيبه رجعنه واسماء كالتلي
اسماء..... يله حبيبتي طلع كتبج وكعدي ادرسي علمود لا تتراكم عليج الدروس واني هسه اجيبلج الواجبات من اخت صديقتي علمود تدرسين بلبيت ويه ماما زين
زهراء.....زين وكعدت طلعت كتبي وكعدت احفظ وادرس اسبوع ويوميه اسماء اجيبلي الواجب واكعد اكتب وادرس والي ماعرفه اروح خالتي ام علي درسني ومرت دكول مصدعه او مالي خلك دزني ع عمو عادل يشرحلي بس عمو عادل هو هم جان يدرس قليل اطلب المساعد من احد اعتمدت ع نفسي وضليت ادرس سبوع وخالتي ام علي هيه وعادل اخذوني بيت اهلي شفتهم وشبعت بجي ماما مريضه وابويه صاير ضعيف وجهه كله ممبين لحيته شكبره من شافوني فرحو وكلهم اخذوني بحظنهم وخالتي كامت تبجي ع بجي امي
ام علي......اني اجيتكم اعتذر منكم ع السوه ابني بس شسوي شيطان شاطر وماخذ طبع اهل ابوه الله يسامحه وهاي بتكم امانه يمي شوكت مجان تجون شوفوهه وتاخذوه يمكم والله اني اعتبره اعز من جهالي وفرحانه بجيته للبيت ملت لبيت بهجه وفرح بشكله وتصرفاته الحلوه وعاشت ايدكم ع هيج تربيه اني اجيت انقله من المدرسه مالته اليمكم الى المدرسه ليمنه امانه ابو مصطفى شوكت مجان تعال لبيت بيتكم واحنه اهل
ان شاء الله
ام مصطفى..... فدوه لعمرج هسه ردت الروح بيه حبيبه شون اجازيج والله انتي ام علي اصيله وبت اصول محد يسويه
ام علي...... يمعود ام مصطفى شنو الدنيا تكاطعت ماسويت شي قليل بحقكم واني خجلانه من سوايت ابني
ابو مصطفى....... احنه خجلانين منج ومن كرمج وكرم اخلاقج ياطيبه ممنون منج الف رحمه ع الحليب الطاهر
ام علي.....رحمه الله والديكم كعدنه تفاهمنه ع المدرسه وشوكت ابوه يجي ياخذه رجعنه للبيت واني شويه مرتاحه طلعو الناس ولد اوادم وخوش ناس
