"سلام عليكم ورحمة الله وبركاته
الكاتبه (( نور الشمس ))
شيخ علي .....اني حبيت بت ابن عم ابويه ابنيه حلوه بس مو فائقه الجمال عاديه بس حبيته بجنون كم مره كتله اجي اخطبج كالت لا اهلي ميوافقون كتله ليش لان انته ابن البغداديه كتله شنو كالت مو بنات كله تضحك عليه لو اخذتك اني تخبلت كتله الج اني شيخ علي ومدير شركه انتي منو اصلا كالتلي اي ابن لبغداديه صاير بي خير غير بفلوسنه وصدمتني اكثر من كالتلي اني جنت متراهنه ويه بنات العشيره اله اجيب راسك واكسر خشمك واعوفك وهسه الكل عرف انته تحبني وخطبتني واني رفضتك عفته ومشت الايام بس ضلت كلامه يحفر بعقلي كرهت البنات ولزواج وكرهت شي اسمه بنيه احسبهن كلهن نفس الشي بعد الي يكولي ازوج جنت اتعصب واكلب الدنيا ع راسهم بيبيتي توفت وابويه سائة حالته بس ابويه جان يلح ع موضوع الزواج ازوج اني رح اموت ماشفت احفادي لمن طكت روحي من موال الزواج وكتله لبويه اختار وحده انته ونروح نخطبه بس يا ريت مكصوص لساني ولا كلت هيج ولا فكرت ازوج ثاني يوم بنص لمضيف وكلنه كاعدين وعمي كاعد ابويه راد يكسر حاحز الزعل بينهم وطلب ايد بت عم كدام الشيوخ والحاظرين وعمي بنفس الدقيقه وافق وتمت الخطبه والزواج بشهر واجتي العروسه ومشاكل ليل نهار ويه زوجت ابويه هاي وحد وزوجتي موتت نفسه ع الخلفه وجنه نراجع ما خليت دكتوره بلعراق ماراحتله وكله دكوله مابيج شي واني رحت للدكتور وكالو ماكو شي بيد الله بس هذه الحجي ميفيد عد مرت الشيخ علي شون وشون افلان خلفت وعلانه خلفت وهيه بعدهي وصارت حياتي كابوس حياتي عباره عن مشاكل وعراك وصياح ماكو شي بلدنيا انسوي غير نروح للدكاتره ونحلل وتاخذ علاجات صارت فدمره مهوسه بشي اسمه حمل فديوم حسين اخويه ماعرف وين رايح ومسوي حادث رحت للمستشفى متوفي حيل نكسرركلبي شفت مرت ابويه كلبت الدنيا ع ابنه وحيده تحلفت باهل الولد شكد حجو ويايه انو مناخذ فصليه بس اني اصريت وصممت اخذه واعذبه والعب بيه طوبه من اخذته طلعت طفله وامي اخذته يمهه حيل تندمت وانبني ضميره ماعرف شسوي وارجعه اهلهه بس ماكدر لان ماكدر ارجع بكلمتي كدام الشيوخ اني هم اخذته وعفته يم امي وعفت امي تصرف وياهه تخليه تدرس وتخليه تشوف اهلهه خطيه طفله شكد جنت حاقد ع البنات بس من شفته تبجي وره ابوهه وتشهك نقهرت ونكسر كلبي عليه امي رجعتهه للمدرسه وتدرس يمهم اني ضليت بلبصره وما اروح لبغداد كل فتره طويله منا ابويه مريض ومنا موتت حسين كسرتنه وخلفت اثر كبير بداخلنه كلنه لبيت صار حزين كئيب جان حسين رغم طايش بس سوالفه حلوه جان مسوي جو فرح بلبيت ع هوسه وشقه بس من راح زوجت ابويه بس تبجي ليل نهار واني اكول حقه روحه من الدنيا جان حسين الله يرحمه ويغفرله وره ست اشهر اخذت ابويه وزوجته ورحت لبغداد ابويه عده موعد يم دكتور جاي من الخارج وكله مدحت بيه واخذت زوجت ابويه شويه تطلع من جو الحزن ماوافق تجي بس اني وابويه حجينه وياهه واصرينه تجي وصلنه بيت امي واهنا اشوف طفله تركض وتفتح لباب وتستقبلنه وصيلحنه عمو كله عده عمو هههه زوجتي تغار منه ومن اخذت فصليه عزلت فراشه وكامت متحجي ويايه ع كد سوال الصراحه حيل راتاحيت من النكد والمشاكل والنكد وفلان حبلت واني بعدني وامشي نروح للدكتوره وصفوه الي هذه كله راح بس قبل منطلع نجي لبغداد كبت عركه وسوت مشكله ويايه من لا شي واخير شي دكول رايحت للفصليه حبيبت الكلب صدك بوقته ضحكت من كل كلبي تالي راضيته وكتله لفصليه صف رابع عمره 9 سنوات والج شنو اباوع عليه سكتت بس ما قنعت عفت ورحت لبغداد وضليت 4 ايام بين دكتور وتحاليل ومستشفى وجنت ماشوف زهراء مرات بلصدفه اشوفه لبسه حجاب وحلوه ياربي اضحك ع نفسي من عقدت عليه وره 4 ايام رجعنه اني وزوجت ابويه بس ابويه ضل بغداد علمود الدكتور وعادل اخويه اصغر مني وياه اني مارجعت لبغداد بعد اله يوم العمليه مال ابويه وره 3 اشهر واجتي زوجتي وزوجت ابويه ويايه رحنه جان العطله الصيفيه وامي ماخذ زهراء موديته اهلهه تبقه يمهم بلعطله كله اني كلت بكلبي فدوه اروح لعقلج يمه وتفكيرج وره يومين ابويه سوه عمليه ونجحت الحمدلله وسبوع بلمستشفى واني وعادل نتتاوب يوم اني ويوم عادل واهنا مرتي تمرضت بس تتقياء ونامت بلفراش وتحس كلبه يريد يوكف دكول وصداع متكدر توكف اخذته اني وامي ورحنه للدكتوره طلعت حامل والحمدلله بس لفرحه ما تمت طلع مرتي عده فتحه بلقلب ولاديه والحمل والولاده يقتله واصلا الحمل ضعيف ومهدد بلسقاط وكالت الدكتوره اذا ربج راد هذه طفل يعيش واذا مراد يموت لان نبض ضعيف جدا شبه معدوم وره لازم تكونين حذره متحبلين لان تموتين بس زوجتي وين يمشي عده هذه الحجي هذه الكلام الدكتوره كله كذب مو خوش دكتوره عفته ترتاح وبس نايمه طلع ابويه من المستشفى للبيت بس حالته متسمح يسافر للبصره وعده مراجعت وعلاجات اني وره 3 ايام اخذت زوجتي وزوجت ابويه ورجعت للبصره وزوجتي جانت حامل وماكو شي وصلنه للبصره ثاني يوم ضلت تنزف وركض للمستشفى سقطت بس كلبت الدنيا صح اني انقهر بس اكول الحمدلله ع كل حال بس شنو بيدي اسوي زوجتي حالته نفسي زفت راحت بيت اهلهه سبوع ورحت رجعته واسيته وحجيت وياه واكوله مو مهم عدي اطفال اني المهم انتي بس متقنع وره سبوعين رحت لبغداد ع ابويه اشوفه واطمان عليه بعد كل ما اروح لبغداد زوجتي تجي ويايه تخاف من الفصليه صدك اضحك ع عقله مشت ايام وابويه الحمدلله صحته صارت احسن ورجع للبصره نور بيته ومضيفه مشت الايام والسنين واني من اروح لبغداد ماشوف زهراء بلعطله بيت اهلهه وبلدوام بلغرفه تدرسه حته صدفه ماشفته واني ما مهتمله اصلا كل فكره طفله بعدهي مثل ما اخذته من اهلهه نسيت كبرت وصار 4 سنوات واني ماشفته ولا اسال عليه اصلا حبلت مرتي وكله دخلت انذار وكتله لا تحبلين وماريد وجانت تاخذ مانع حمل بس طلعت كاطعته ودكولي اخذه مشت ايام وهيه نايمه بيت اهلهه لان كله مريضه صار 3 اشهر وهم سقطت الطفل وهلمره موتت نفسه نحجي نسولف ميفيد تالي ضلت شهر ورجعت للبيت كمت اني اخليه تاخذ حبوب لمنع كدامي يوميه لان حيل تعبت من هاي سالفه وره 3 سنوات ونص حبلت زوجتي كتله ماريد وصارت مشكله بيني وبينه ودخل ابويه وعمي ونحلت لمشكله وسكتنه وصار 4 اشهر حامل وصارت. نزيف دخلناه مستشفى ونامت ع ضهرهه بيت اهلهه وخلصت الحمل كله بيت اهلهه واني كل كم يوم اروح محمل اشكال الوان ازورهه واطمان عليه وارجع بيوم تموز حاره موت ومانيم اني ساعه 2 شفت ابن عمي يصير اخو زوجتي اجه يركض وكالي الحك شيخ اختي تولد وركض اخذ غراضي واروح ناخذه للستشفى وبلطريق هيه وتطلك كامت تون متكدر تحجي سقت بسرعه جنونه وصلت واني فتحت لسياره ولفيته بعبايته واطير بيه وبنفس الدقيقه دخلوه عمليات بس وقعت اني وعمي ع مسوليتنه لان كلبه ميتحمل وره نص ساعه طلعو كالو الطفله زين ورح ناخذه نفحصه بعد ساعه تعالو اخذوه من الخدج بس الام توقف كلبه ماكدرنه نسوي شي وامر الله توفت زوجتي واخذته ودفنته وفاتحه والطفله ماشفته ولا ادري بيه عادل اخويه جاب امي واختي اسماء والحمدلله امي اخذت الطفله واعتنت بيه اهل زوجتي ميردون بتي ويكولون هاي فكر من اجتي للدنيا امه ماتت خلصت لفاتحه وامي وره سبوعين اخذت لطفله ورجعت لبغداد ماعترضت لان ماكو احد يعتني بيه بس من اشوفه هاي قطعه من كلبي بلكم يوم اخذت كلبي صرت دائمن اروح اشوفه وتكبر وتناغي وتلعب حلوه متشبه امه تشبه اختي اسماء شعره اسود سرح عيونه سود وحنطاويه عيونه ناعسه كمت بكثره اروح لبغداد اشوف بتي وكله دكول ازوج كتلهم ابد هاي مره سويته ثانيه ماعيده وشكد شيوخ يهدون بناتهم الي بس اني اتعذر بطريقه وبسلوب حلو يرضي كل اطراف شنو ازوج اني شنو شفت بزواجي اول يمعودين الله يرحمه لزوجتي ويغفرله ويحسن مثواهه فديوم جنت بغداد وكاعد ويه عادل بلحديقه الجو حار كلش وبتي عمره سنه تلعب بلطوبه صغيره تركض ورهه نسولف اني عادل دخلت ابنيه للبيت سبحان الله خالق جمال ورشاقه لبياض لعيون لبسه ملابس مدرسه ابوع منو هاي سلمت ردينه سلام وعادل ساله ع الامتحان وبتي راحت تركض عليه وكعدت لمستوه بتي واخذته ودخلت جوه واني ضليت بحيره شون اسال هاي منو لو اسكت شنو هاي سكتت ماحجيت كلت اخاف صديقت اسماء بس اسماء متخرجه ومتعينه منو هاي صدكون ولا مره فكرت زهراء كبرت ولا بالي كل عقلي اكول بعدهي الطفله لخذته من اهلهه وهيه تبجي وتشهك تريد ابوهه رجعت للبصره وره شهر تقريبا امي دزت عليه رحت لبغداد وابويه ويايه عده موعد يم دكتور
