"سلام عليكم ورحمة الله وبركاته
الكاتبه (( نور الشمس ))
زهراء........ صرت متوسطه ومدرستي صارت ابعد ولازم خط سجلت بخط واروح وارجع واهم كلشي عدي دراستي لان جنت فاهمه انو اذا طلعت اكمال او عدت السنه شيخ علي رح ياخذني للبصره واهناك مرته وهو يعذبوني واني اهنا مدلله عمري ما شفت هيج حنيه ومعامله طيبه من الكل واحترام صدك احب خالتي ام علي مثل امي واسماء اختي وصديقتي. كم مره رحت ويه اسماء للكليه
اسماء.....صباح الخير جميعا
اكروب الكليه .......صباح النور
اسماء......اعرفكم مرت اخويه الشيخ علي
الكروب ......يا خطيه شنو مرت اخوج صغير يااا
اسماء......شبيكم تره خطوبه ينتظره لمن تكمل دراسه
الكروب.......الف مبروك
زهراء.....شكرا الله يبارك بيكم جنت ناجحه من صف الثاني رايحه للثالث متوسط
بيدت ادرس من العطله علمود اضبط الماده
ام علي......يابنات تعالو شويه عدي شغل وياكم
زهراء......نعم خاله
اسماء......هاا ماما خير
ام علي.....نضفو الغرفه وعدلوهه رح ابوج ومرت ابوج وعلي ومرته يجون سوه غرفه الابوج لان مريض
اسماء.....حاظر هسه نبدي بيه
زهراء...... اي اني هم اروح اساعد اسماء
ام علي.....حبيبتي كملي وحظري غراضج وملابسج واتصلي بابوج علمود ترحين لبيت اهلج ماريد احد يغثج بكلمه لو تسمعين حجايه
زهراء......حاظر خاله
رحت اساعد اسماء ونسولف ونضحك كملنه الغرفه ورحت ع عمو عادل عمو ممكن طلب
عادل......اي تفضلي
زهراء......عمو فدوه اتصل باهلي خلي بابا يجي ياخذني
عادل.....تعالي انتي احجي وياه اتصل سلام عليكم شونك ابو مصطفى صحتك احوالك الاهل شونهم عساكم بخير هاي زهراء تحجي وياك
ابو مصطفى.....عليكم السلام هلا دكتور عادل شونكم الله يسلمك اي خير ان شاء الله
زهراء.....مرحبا بابا شونك شخبارك. تجي تاخذني ماطول بدت العطله
ابو مصطفى ......هلا بنيتي شونج اي نص ساعه واني يمج
زهراء.....انتظرك بابا مع سلامه
ابو مصطفى.....الله وياج سلميلي ع الكل
زهراء......الله يسلمك بابا .مديت ايدي لعمو عادل انطي مبايل واشكرا عمو صدك عمو ابويه دزلكم سلام
عادل......العفو ادللي الله يسلمج ويسلم ابوج
زهراء.....بابتسامه شكرا عمو .رحت ع خالتي ام علي خاله ابويه يسلم عليكم وع اسماء
