《Warning:Slight NSFW content》
ကောလိပ်တွင် ရှရိယန်နှင့်ရှန်လော်တို့မှာ ငြင်းခုံရန်ဖြစ်ခြင်း သို့မဟုတ် အချင်းချင်းစိတ်ဆိုးခြင်းတို့ မဖြစ်ခဲ့လုနီးပါးပင်။
ရှန်လော်၏စရိုက်က အကောင်းမွန်ဆုံးတော့ မဟုတ်ပေ။သူ့တွင် ထိုဆယ်ကျော်သက်ကောင်လေးတစ်ယောက်၏ ကျီစယ်အနိုင်ကျင့်ခြင်းညဥ်လေး ရှိနေခဲ့လေသည်။သူကမိန်းကလေးများကြားတွင်ကျော်ကြားပြီး ၎င်းကပင် ပိုင်ဖန်းနှင့်မကြာခဏဆိုသလို သဘောထားကွဲလွဲစေခဲ့၏။
သို့သော် ပိုင်ဖန်းဘယ်လိုပင်ကြိုးစားခဲ့ပါစေ ရှန်လော်တွင် ငြင်းခုံရန်ဖြစ်ရခက်ခဲအောင်လုပ်နေသည့် တည်ငြိမ်အေးဆေးလွန်းသည့် စိတ်သဘောထားမျိုးရှိနေခဲ့ဟန်တူလေသည်။
သူကထိုနေရာတွင်ထိုင်နေခဲ့ကာ တည်ငြိမ်စွာဖြင့်စီးကရက်ကိုသောက်နေပြီး သူ၏စိတ်ခံစားချက်များက ပျံ့ကျဲနေသောပြာမှုန့်များလို တစ်ပိုင်းတစ်စဖြင့် နားလည်ရခက်လှ၏။
ရှရိယန်ကဒေါသမထွက်နိုင်ခြင်းတော့ မဟုတ်ခဲ့ပေ။သူနှင့်ရှန်လော်မှာစတင်တွေ့ဆုံခဲ့ချိန်ကတည်းက အချင်းချင်း မကြာခဏဆိုသလို အနိုင်ကျင့်ကျီစယ်ခဲ့ကြ၏။သို့သော် ထိုအချိန်က
သူတို့၏အရူးအမူးချစ်မိနေခြင်းကြောင့် ဒေါသထွက်ငြင်းခုံရခြင်းကပင် ချိုမြိန်နေခဲ့လေသည်။
ယခုလိုမဟုတ်ဘဲ သူတို့ကအသက်ကြီးလာကြကာ အတူရှိခဲ့ကြပြီးသည့်နောက် စိတ်တိုဒေါသထွက်ရခြင်းက သူတို့၏နှလုံးသားများထဲတွင်
အပင်ပန်းဆုံး၊အနာကျင်ဆုံးအရာ ဖြစ်လာခဲ့တော့သည်။သူတို့ဆက်ဆံရေး၏ ကျန်ရှိနေသောနှစ်များအားလုံးက ချောမွေ့ကာချိုမြိန်နေနိုင်စေရန် ဆုတောင်းမျှော်လင့်နေကြလေသည်။
အမှောင်ထဲတွင် ရှန်လော်ကရှရိယန်၏ပခုံးများကို ပွတ်သပ်နေခဲ့၏။ခဏအကြာတွင် ရှရိယန်ကလှည့်လာခဲ့တော့သည်။ရှန်လော်က ရှရိယန်သက်ပြင်းချလိုက်သည်ကို ကြားလိုက်ရလေသည်။
"မင်းမိဘတွေ...."
ရှရိယန်ကမှန်ကန်သောစကားလုံးများကို ရှာဖွေကာ တီးတိုးဆိုလာ၏။
YOU ARE READING
NianHua ||ဘာသာပြန်
Romance"တကယ်တမ်းတော့ မင်းကိုချစ်မြတ်နိုးနေရတာက ကိုယ့်အတွက် ကမ္ဘာကြီး၊နေအဖွဲ့အစည်း၊နဂါးငွေ့တန်း၊စကြာဝဠာနဲ့ စကြာဝဠာထပ်ကျော်လွန်တဲ့မရေမတွက်နိုင်တဲ့စကြာဝဠာတွေလိုပဲ" "အဲ့ဒါတွေအားလုံးပေါင်းစပ်ထားတာထပ်တောင်မှ ပိုပြီးလေးနက်သေးတယ်" *I don't own any part of this sto...
