صـرآع آلجشـع

صـرآع آلجشـع ((مشهد من الرواية))

بقلم الكاتِبه: م.،ق ، ديانا
~
يوماً مليئاً بصوت الرعيدّ وصوت زخات المطّر تتناغم في مسمعي وبردّ قارص يُلامس جسدي بيتٌ بسيط تعيشُ فيهُ عائِله بسيطه وهُنالِك فتاتٌ تَجلِس على السرير بين زوجِها واطفالِها هُم نِعمه انعم الله بِه لها

ألتفت اباوعِلهُم بِنضره حتى استقرت عيني الى سقف الغُرفه اذا هو ينزُل منهُ قطراتٌ مِن المطرّ ويا كُـل قطره مِن المُطر تنزل دَمعه مِن عيني چان حاسسني گلبي حيصير شي وانه  حساسي مايوم خابّ

عامُر  :  ها حبيبتّي ليش مانمتي ليهسه الجَهال موعدهُم باجر دوام

دِرت وجهي حته ميشوف دموعي  ومسحتهن بسُرعه حته ميشوفني ويزّعَل

مانعسانه حَبيبي نام انتَ بعد شويه انام
حچيتها وغصيت ايده صارت على متّني

عامُر  :  لدورين وجهچ وتتضاهرين انو انتِ طبيعيه  اعرف چنتي تبچين وسمعت صوت بچيچ

لاحب،،،، ردت اكمل كلامي خله اصبع السبابه على شفتي يقاطِع كلامي

عامُر:  ماله داعي انو تچذبين عليَّ اعرُف چنتي تفڪرين بِالوضع الي عايشين بيه بيت بارِد  يدخله ماي المطر وسقف مكسر  حتى الحيوانات تُرفض تسكُن بيه
صفن بوجهي لِثواني عديده ودار وجهة منطيني ضهرا ويكمل كلامه
عامُر  : لادخلين الچذب بمحيط علاقتنا حتى ماتتعَقد لأن كُل عِلاقه حِلوة بِمُجرد واحد من اطرافِها يچذب بشغله راح ينزاح شي اسمه ثقه من الطرفين

صفنتّ بكلامه هوَ چان قاصِد شي مِن ڪَلامه لمحلي على شي بصورة غير مُباشِره جمدت بمكاني حتى مارمشت ماحچيت شي بعد تحَسُباً اي كلمه تطلع مني يستدرجني بلكلام لأن بمُجرد ماأباوع لعيونه اخاف ينفضِح السر  الي گضيت 12سنّه من عُمري  متكتمه عنه من زواجنا لحد الان وانا بليوم اموت الف موته  لان متكتمه عن لموضوع وماحچي ومن اباوع بعيونه  يوصل الكلام على طرف لساني واتراجع 
وتذكرت موقف اختي وبنتها الي مهدديني بيهن بوسَط هوسه التفكير تذكَرت السلاح الي توجه على رأس اُختي وبنتها بحضنها مافارگ عيوني وعقلي ولموقف يتردد بعقلي
بَعد مُعاناه غمضت عيوني نِمت ويارتني مانمت اباوع نار حواليه واولادي بجهه بعيدين عليَّ اريد اروحلهُم والنار تگُب ومتخليني اعبر عليهُم شمرت البطانيه عليهه بس چبيره هيَ ماطفت كعدت مفزوعه على اثرٍ كابوس مُزعج بس فتحت عيوني ورجفه سرت بكل انحاء جسمي  ردت اقنع نفسي  انو هاذا حلم بس للاسف حقيقه والحقيقه مُرّه بحياتي
عاااااامرر ناارر نارر عامُرررر نارر  راح نموت كعد الجهال راح يحترگون راح نحترگ يبوو وانا داهز بجسمه انتبهت عجسمه مليان دم متصاوب بتلث رصاصات شهگت شهگه طلعت من گلبي اناا نايمه وماحاسه بشي ماكو نَبُض عامر حبيبي اصحى جهالناا نارر راح نموت  بعد وكت تروحح موهسه تموت والله موهسه لاتيتمنيي واناا يتيمه كوم ويايي وياي كوم

شكُثر صارت عزيزه الگعده وياك
مِثُل شهگه هوىٰ عِند اليغرگون

حبيباتي لاتنسون التصويت وتعليق مثل
وجهجن الحلو
+~اعذروني عن الاخطاء الاملائيه ان وجدت 💓.

شكُثر صِارت عَزيزة
الگعدة ويّاك
مثل شَهگة هوىٰ
عند اليغرگون .

-------------------♡------------------