صـرآع آلجشـع

البارت ( ٢)

واحد خلا اديناتا على عيوني وثنين يمي يضحكون بهمس

مها: احزري منو
غسق: ههه عرفت الثناثي المرح الي يكملني
مادام انتي دتحجين يعني هاي تبارك

تبارك: شلون عرفتي شيطانه

غسق: ههه رفعت اديناتها عن عيوني وتسالمنا وبلاحضان اتلكني اعز ما املك من بعد امي واخويه هذني الصديقات الي حرفيا لو شماحجي اكون مقصره عن وصف طيبه كلوبهن وخوفنا وحنياتنا على بعض من وانا عمري 7 سنوات بالاول ابتدائي وياي

مها: يي شلونج شخبارج بشري كملتي المادة

غسق: يي الحمدلله كملتها وراجعت مرتين
مها: عزززا ولجن مالحكت اراجع امس يادوب كدرت اقرا كم صفحه من ورا هلنذل اخوي وطلايبه كل ساعه جايبلنا مصيبة بكبر راسه المصفح

تبارك: اهوو هم اخوج يععع شنو هذا اخوج مايمل اكلج عيني ست مها فد سؤال يخطر على بالي دائماً
وانسا اسئلج
مها: جواب تفضلي اسئلي ست تبارك

تبارك: اكلج هو شنو امج بيوم الي جابتا جانت متعاركة ويا واحد لو من حبلت بيه جانت تتنسا على مشاكل

مها: صفنت شويه على سؤالها. والله مادري خيه شكلج بس اليوم من ارجع اسئلها الج بس يجوز متعاركه بيومها وي ابوي الططوه

غسق: هههه نعلعل بليسج مها

تبارك: يي احتمال

غسق : مندمجين ودنسولف شويه وصاحت وحده من المراقبات
مها: يلا بنات كومن راح يبلش الامتحان

غسق: لمينا اغراضنا ورحنا وكفنا سطر مايدخلونا اله لمن يفتشونا علمود موضوع الغش بسماعه او براشيم
كملنا ودخلنا للقاعة

المراقبة: الي اصيح باسمها تدخل ماشي

البنات: ماشي ست

غسق: صاحت بلاسماء وصلت لاّسمي واشرتلي على مكان جلوسي ورحت كعدت بي
ونوب صاحت باسم مها. وهم اجت وصار مكان جلوسها مقابيلي اني وياها نفس القاعه اله تبارك ماصحو باسمها
مها: اكلج غسق اشو هاي السعلوه اجوز مو ويانه سمعتها تبارك لين جنا كاعدين قريب على باب القاعه

تبارك: سعلوه بعينج وجه الفارة بس خل انكمل امتحان شوفي شسوي بيج اراويج السعلوه الماعاجبتج شسوي

مها: كملتي؟
ديلا شطحي منا
حطيت ايدي على الاستيج كعدت مثل كعدت الولد والعلج بحلكي ومندمجه وياها بالكلام واجت مراقبة ثانيه عاطت بيه
المراقبة: شهل قله الذوق هاي شني كاعده بكهوا حضرتج؟ شهل كعده وهذا العلج المن ماكله باجه؟ تتعلجين من الصبح

مها: اشرت على الباب

المراقبه: كومي ذبي العلج وتعالي اكعدي عدل باحترام
غسق: كضيت كلبي بين اديا كلت هسه مها راح تتلاسن وي المدرسه ويطلعوها من الامتحان لين اعرفها تموت اذا ماترد الكلام وبذات اذا واحد زمخ بوجهه تتخبل بس مدري شعجب صارت هادئة ومانطقت بكلمه وراحت ذبتا واجت كعدت طبيعي بس ضلت تخزر بالمدرسة وذيح هم بالغت بردة فعلها كملنا الامتحان وهيه عينها على مها وتخزر بيها وحده تخزر بالثانيه: صارن عبالك ضراير مو مدرسه وطالبة

غسق: اجت مره. كبيرة بالسن عرفتها المديرة

المديرة: هاا اعيوني ست رسل صاير شيء شنو هاي الهوسة؟ بلغوني بيها اجيت اركض

رسل: لاست ماكو شيء ليضل بالج موضوع زغير ونحل ماكو شي ان شاء الله

المديرة : تمام يلا حبيباتي المدرسات كل وحدة توكف على سطر ونتبهوا على الطالبات ماما حبيباتي حلو عل كيفكم وبتركيز لتخلون شي يشتت افكااركم
غسق: سلمونا الدفاتر والاسئله قريت الفاتحه لام البنين وايه الكرسي قبل لاخلي عيني بلاسئلة

المراقبة ال 2؛: يلا حبيباتي توزعت الاسئله هسه الكل يركز بورقته لايلتفت الغيرا مفهوم كلمن تصير عينها بورقتها منا لمن تسلم دفتر الاجابة وتطلع من الامتحان.

غسق: بلشت اطلع على الاسئله واحل بيها حليت كم سؤال وصلت لسؤال الرابع تعبت شويه تركت القلم وشلت عيني عن الاسئله وزعولنا كاسات ماي فتحت الكاسه شربت. وخليت الكاسه بالارض جانب الاستيج نتبهت على مها حاطه الاسئلة وصافنه بيها. والله لو اعرف هاي البنيه ليش ماتقرا مامبين عليها مامهتمة بالدراسة وعدها لامبلاة بالعكس كلش تنقهر من تشوفنا ماخذين درجات وهيه درجاتها ضعيفه حيل تضوج وتعتكف بوحدها بس ليش ماتقرا ماعرف وكلما نسألها انا وتبارك تتهرب من السؤال بغير مواضيع. رجعت احل بلاسئله منا لمن كملت راجعت وحسبت درجتي مال نجاح ان شاء الله

تبارك: والله خوش اسئله جايبين سهله لو لين مرت ابوي الحيه جانت عد اهلها هيه وجَلباتها ولحكت اقرا وراجع هم كون تبقى هناك العمر كله، ان شاءالله واني كاعده اراجع تذكرت المقلب الي لازم اسوي بـ,ـ مها ورد الصاع صاعين انا سعلوه مو بسيطه مهاوي الكئيبه المنعزلة الضايجة عمري كله ماشفتها تضحك صدف اشوفها تضحك ويانا مجامله راجعت وكملت سلمت الدفتر للمراقبه وطلعت شلت اغراضي وكفت يم قاعتهن انتضرهن تذكرت انا لازم اسوي بيها مقلب بس شنو ماعندي براسي مقلب بس السادس هليام كاعد براسي اجا براسي مقلب جيد جهزت المقلب وردت ارجع اوكف يم صفهن انتضرهن يطلعن حتى اشوف ردت فعلها شفتها طالعه فلتت للساحه جانت قريبه من القاعة بقيت دقيقتين بالساحه ورجعت وكفت يم صفهن شفتها طالعه من الادارة
وجهه احمر من العصبية تريد تنفجر اجت بتجاهي

----------------------•
ثًـقلَوأّ ميزأّنِکْمً
بذکْر أّلَصّـلَأّةّ
عٌلَى مًحًمًدٍ وٌآلَ مًحًمًدٍ

عمري لاتنسون التصويت والتعليق اريدكم تشعلوها و ان شاء الله ماتقصرون 💎🫶🏻

++ أّعذروني على آلآخـطـآء الاملائية آنِ وجدت