صـرآع آلجشـع

آلبآرت (٢٠ )

غسق : كعدنا. الصبح على يوم جديد
وبهذا. اليوم راح تصير خطوبتي بشكل رسمي. ، نهضت من الفراش. كمت لميت شعري. وطلعت من الغرفه متوجها. للحمام غسلت وطلعت شفت ماما بالمطبخ تحضر بالريوك.
و ليث نايم بالصالة. نتبهت على شي ابيض مخليته ماما يم المكينة رحت اشوف شنو هذا طلع فستان الخطوبه مالتي. مخيطتا. اليه. ماهتميت عفتا بمكانه ورحت صبحت عليها
صباح الخير جانت دايره وجهه على الطباخ تكشر بالبيض

انغام : صباح النور غسوقه. اخذي الصينيه وروحي تريكي يلا علسريع

غسق : رفعت حاجبي بتسأل ورديت
ليششش ؟
انغام : راح تجي البنيه مرام تحف وجهج وتجهزج.
غسق : يا مرام ؟
انغام : بنت ام طيبه الحافوفه ،
غسق : اخذت الصينيه ورحت للصاله وهيه جابت الجاي واجت
ماما ججا انا ليش مادري. ماردت عليه عافتني وراحت. جابت. تبارك واجت. راحت تبارك تغسل. وهيه اجت. كعدت
كبالي اردفت مكمله كلامها

انغام : امس خابرتني. ام سراج بال 10 بالليل وكالت. حاجيت. ام طيبه وكالت. باجر الصبح اخلي بنتي مرام تجي اجهزها. بس نهيت الاتصال وياها اجيت للغرفه علمود اكلج بالموضوع ولكيتج نايمه ماكعدتج

غسق : اجت تبارك كعدت بصفي وهم بعدهي.ماما هيه الي توكل تبارك
بعد ماكملنا. ريوك اجت.البنيه. بلشت.بوجهي. بس خليتها.تحف.وجهي راحت ماما كنست. البيت. ورتبتا وتبارك بسكته. عن ماما. كامت. ركبت الغدا. مستندة عل العكازات. وتشتغل. بس هم سريعه بسرعه جهزت. الاكل بحيث ماما من دخلت للمطبخ. خلتها مصدومه. وسوت نوعين. من المقبلات. والبنيه بقت عدنا للغدا بس كملنا غدا. رحت لبست الفستان. واجت البنيه خلتلي ميكب. خفيف بس خلصت شغلها تشكرت من عدها وراحت زتتها ماما
بقيت بالغرفه كاعده كبال المراية
ماعرف كلبي مامطمئن.من هاي الخطوه.الراح اخطيها.بحياتي خوف على حزن افكاري مشوشه. خايفه من.المستقبل المجهول.!! ،

_ قاطع افكاري صوت تبارك من دخلت للغرفه لابسه فستان نيلي ،

تبارك : من كعدت خاله بالليل تسوي بفستان غسق طلبت مني اروح للغرفه اجيبلها. كيس ابيض مال ملابس رحت جبت الكيس ورجعتلها.
خاله هذا الكيس الردتي
انغام : بابتسامة بشوشه يي هذا افتحي

تبارك : سويت مثل ماطلبت. فتحت الكيس تفاجئت. من شفت.محطوط بي فستان نيلي. كلش حلو ومرتب. اردفت مكمله كلامها.

انغام : هذا الفستان الج اشتريتا. عجبج؟

تبارك : بتسمت. بفرح. ييي هو حلو بس
انغام : لا بس ولاشي. هذا الفستان باجر تلبسي. بخطبة غسق .

تبارك : غرغرت. الدموع بعيوني. شكراً خاله بس كلت هيج حضنتني. بكل حنيه. ماعرف شنو احجي واوصف. الشعور الي عشت. عمري محرومه منا. لكن رب العالمين رزقني. بانسانه. حنونه وطيبه. عتبرتني. مثل بتها خاله ام ليث الكلام كلش قليل بحقها .