صـرآع آلجشـع

البارت ( ٦)

تبارك: ضلام محاوطني بكل مكان اصوات مرتفعه حيل ضجه محاوطه المكان بشكل مريب من بين كل هل الاصوات كدرت اميز صوت مثل صوت شهكات بجي قريبه مني حيل قريبه خفت حيل دكات كلبي مسموعه من الخوف والضلام الي محاوطني كمت اتلفت و امشي سريع وانا اتبع صدى صوت البجي الي داسمعا شفت من بعيد شخص ماكدرت اعرفه من الضلام كلما اريد اقترب يبتعد اكثر بس اريد اعرف منو
لحد ماوصلت يمه وسمعته يكلي

باقر: بابا رجعي بعد وقت مو هسه تجيني مو هسه وراج حياة لازم تعيشيها بعدج ابدايه طريقج رجعي بابا لاتلحكيني رجعي

تبارك: هذا بابا عرفته من صوتا بابا الي حاجاتي
كمل طريقه وعافني وحدي وراح
نبتت اضافري حيل على شي مثل الجلد وانا اتنفس سريع

مها: واكفه على شباك غرفه العمليات الي موجوده بيها تبارك وانا اتذكر كلام الدكتور من طلع منها امس والحزن واضح عل عيونه
الدكتور : بابا مها لازم تحضرين نفسج لكل شي محتمل. اذا خلص هذا الاسبوع و المريضة ماصحت احتمال جبير نخسر المريضة لين الاصابات الي تعرضت الها نتيجه الحادث كلش خطره وفوك كل هذا جانت اكثر اصابه باصعب جزء يحتاجله الانسان الي هوه الدماغ. وحتى تصحى يراد معجزه
ف كوني جاهزه لكلشي متوقع

مها: صارت المغربية وسمعت المومن بلش بالاذان رحت صحت على ممرضه خليتها توكف بمكاني. نفسها الي يوميه تدخل لغرفة العمليات تطمىن على وضعها
عفتها يمها ورحت للحمامات غسلت ونتبهت على وجهي بالمرايه جان عبالك وجه ميت. وجهي جان شاحب حيل من التعب وعيوني ورمانات من كثر البجي بس اثار الضرب شويه مختفيه

توضيت وكملت طلعت من الحمامات متوجها لنفس المكان الي صارلي اسبوع منتضره بي تبارك على امل تفتح اعيونها بيوم من ايام هذا الاسبوع

الممرضه : اتاخرتي. اجاني نداء مستعجل لازم اروح بعد ساعه ارجع اجيك على وضع المريضة اذا تردين اصلين ادخلي على ذيج الغرفه وصلي مابيها مرضا فارغه
مها: تمام
شكرا تعبتج وياي

الممرضه : الشكر لله حبيبتي واجبي هذا

مها: رحت للغرفه الي كلتلي عليها هم زين لكيت بيها مصلايه فرشتها وصليت كملت صلاة.و رفعت اديناتي ودعيت من كل كلبي يارب شافي تبارك وخلي تصحى والله تعبت يارب ماريد انفجع بموت صديقتي يارب دخيلك شافيها اقسمت عليك ب 12 امام معصوم

يارب اعرف بنفسي مقصره هواي بعبادتك وغافله عن الصلاة الي هيه حلقه وصل بين العبد وربه. واعرف زين احنا البشر اكثرنا مانرفع ادينا وندعيك الا اذا وكعنا بشده وبمجرد زوال الشده ننسى نشكرك او نسجد نتوسل تمحي ذنوبنا لين نحسبهن بسيطات وهنا عضيمات عندك .شهكت بصوت ونزلت دمعتي ياااااارب سامحني عن كل يوم سمعت بي الاذان وتعاجزت اكوم اسجدلك اغفرلي عن كل يوم اتغافلت بي عن اداء ابسط واجب فرضتا علينا سامحني يارب ولابعدني من رحمتك وتنساني