صـرآع آلجشـع

البارت ( ٣)

تبارك: شفتها طلعت من الإدارية وجهه احمر من العصبيه تريد تنفجر اجت تمشي بتجاهي انا كوه لازمه ضحكتي بوقت مقالبي حتى لو اريد اجذب ونكر مو انا حتى يصدكوني ضحكتي لازم تدخل وتفضح الاول وتالي ومتذكر تجيني اله بوقت مقالبي

مها: هاا تبارك كملتي امتحان

تبارك: سويت روحي ضايجه منها حجيت بنتر ششوفين حضرتج

مها: لتنترين بوجهي ماناقصتج هسه انا شفتي جنطتي وكتابي اخوي بالباب ويصيح عليه لكيته متصل ولا 25 مكالمة حارك الجهاز حرك بالمكالمات اذا ماطلعت يعوفني ويروح انا من شفتها هيج تحجي بخوف والتوتر باين عليها ماتحملت ضحكت

تبارك: شويه وطلعت غسق

غسق: هاا بنات كملتن بشرن اشلونجن بلامتحان

تبارك: الحمدلله انا زينه بس اسئلي هاي الي مضيعة غراضها احجي وضحك نتبهت عليه مها اجت هجمت عليه لزمتني من ملابسي
وصاكه على تسنانها حيل وتحجي بعصبيه
مها: احجي لج وين وديتي الكتاب والجنطه اريد اطلع للبيت هسه ماعندي وقت مو فارغه ومرتاحه مثلج وفرحانه بالدنيا وسوي مقالب وسولف وضحك مثلج ترا كلش مافاضيه المقالبج التافها

غسق: كم بنية كملن امتحان وطلعن من باقي القاعات وخذن وضع المتفرج من شافن مها لازمه تبارك من ملابسها وتصيح
لج مها عيفي البنيه البنات دتتباوع علينا يجوز مخليتها بغير مكان تذكري عافتها واجت عليه

مها: باع هاي الثانيه الفطيرة لج نسيتي شكلتلي من كتلها السعلوه شويه وتصل اخويه الشفيه وفصلته بوجهه

تبارك: ههههه تعرفين السعلوه ماتسكت موو لعد ليش تندكين بيها
رادت تحجي وسكتتها غسق
غسق: حبيبتي تبارك تتشاقه وياج مو قصدها حبابه كولي وين خليتيهن خطيه اخوها بالباب وفد حقنه تعرفي انتي اكثر مني

تبارك: هو جي اعرفه ماريد اكللها وينهن منا لمن تعتذرلي

مها: تريد اعتذرلها السعلوه ام حلك الفاهي
غسق: بعدين تعتذرلج واذا تردين انا اعتذرلج بمكانها بس احجي صفنت بوجهي شويه وحجت تخزر ب مها يربي حتى خزرتها جنها خزرت بزونه هلبنيه

تبارك: كتفت اديناتي خليت اصبعي على حنكي افكر امممم فكري يا بىروكه فكري وين خليتيهن وين اهاا تذكرت جانن مركزات نضرهن عليه
هلمره الخاطرج راح اكللها بس والله بعد من تعيد هل كلمه، ياويلها مني
تلكيهن بالطابق الفوك بصف من الصفوف داخل وحده من الرحلات

مها: عفتهن وصعدت فوك ادور عليها مثل الخبله اطلع من صف ادخل بصف ثاني والله موعلمود الاغراض بس راح يسئلوني الف سؤال بس يشوفوني ماجايبه الجنطه حتى بشرفي يتهموني الي اسمهم اهلي اذا ماشوفوا الجنطه والكتاب بيدي

غسق: ليش هيج سويتي هسه اخوها راح يسويلا عركة وياها بس يريدله حجه عليها

تبارك: يعني تقبلينها عليه تكلي سعلوه
غسق: تباوعتلها بنضرت عتب نزلت عيونها وبرطمت زفرت نفس استغفرت وعفتها وصعدت اشوف مها تاخرت. بلكي لكتهن بس وصلت لكيتها توها طالعه من صف
هاا مها بشري لكيتيهن
طكت بايدها على رجلها حيل من العصبيه