صـرآع آلجشـع

آلبآرت ( ٢٢)

                 لاتنسون التصويت والتعليق
                     بين البارتات لطفاً
                  

انغام  :  وصلت يم الباب اريد افتحه وكل جسمي يرجف من الخوف  فتحت الباب  بكل  هدوء  باوعت ماكو  واحد واكف يم الباب  تسألت بعقلي. لعدد منو دك الباب. باوعت على الشارع  يمنا يسرى چان. ولا واحد موجود بلشارع.هندس   بس مطر وضلام  توني اريد اسد الباب  وطخت رجلي بشي  باوعت  عل حافت الباب و چان  اشوف  ضرف ابيض لزمته بايدي  الي مابطلت من الرجف  شلتا وطبكت الباب. چان عندي لاله كزاز موجوده بالبيت  چنت  مشغلتها اقرا عليها قرأن   فتحت ضرف. ولكيت بداخله رسالة مكتوب بيها 

الرسالة -- 
الى ام ليث 
اكو ناس  ناويلج على شر  ومثل ماكتلوا زوجج عامر راح يجون ويكتلونج انتي  واطفالچ  اخذي اطفالج وشردي احسلج
المرسل.-

انغام  :  عدت الرساله اكثر من مره احاول استوعب الي مكتوب بيها  وفاتحه عيوني بصدمه رجف كلبي من الخوف 
بقيت صافنه بالرساله وكاعده  افكر  ليش  ومنو   وشوكت  وليش زوجي انكتل  ولا مره سمعت  عمي أو عامر عدهم عداوه.وي احد  بالعكس جانت المنطقه  تحلف باساميهم   بس  سمعت المومن صاح الله  اكبر  تعوذت  من الشيطان  ونفضت الافكار من عقلي وكمت اصلي. بس كملت صلا   اجت فكره  الهزيمة  ابالي كلت لازم  اشرد باطفالي مثل  ماكتلوا  زوجي اكيد راح يكتلوني ويكتلون الجهال   فكرت اروح اكول  لعماد لو جهااد بس بأخر لحضه  تراجعت  لميت الاغراض الا احتاجهن  وكعدت غسق  وليث  چانت غسق  عمرها  4 سنوات  وليث  عمره بس
سنه  ونص   لفلفت غسق  بالبطانيه  الچانت متغطايه بيها  لين المطر بذيچ الليله كان فضيع   وخليت ليث جوا عباتي وطلعت من البيت  اول ماطلعت من الباب  طلعت غسق  ايدها من البطانيه  وخلتها تحت المطر تباوع للسما

غسق  :  بصوت نعسان ماما  الدنيا مطل وين لايحين (  مطر  وين رايحين ) 

انغام  :  رفعت راسي للسماء وحجيت بكلب محروك  يارب  دليني الطريق الأمن بي على نفسي  واولادي  يارب دخيلك لاتفجعني  بيهم  جريت نفس بقهر  ايد شلت بيها ليث  والأيد الثانيه  لزمت ايد غسق بيها  ومشينا ماعرف وين رجليا ماخذاتني

ردت اخذ امي وياي  خفت عليها يصيرلها شي  چان بيت اهلي قريب على البيت الكاعده بي  رحتلهم  دكيت الباب. طولوا  يلا فتحوا   تفاجئت باختي انسام  الجبيرة  چانت راجعة من بريطانيا  جايه زياره تشوفنا وتروح   ماچنت اعرف  بيها   جايه  لين چنت  كاعده  ابيتي  لازمه عده  من شافت حالتي شهكت بخوف  ودخلتني  چانت امي وحدها عايشه بالبيت  ابوي  مات قبل عمي بسنه  حچيتلها الي صار 
وكتلها  راح اخذ امي  وياي وهيه عترصت  وكالت
اردفت بعصبيه

انسام.:  شبيج انغام تخبلتي  وين ماخذه امي  ورايحه بهل الليل ؟ 

انغام  :   اشلون تريدين اعوفها وحدها انتي بعد يومين رايحه  منو راح يبقى يمها  وهذيج اختج من هد مازوجت مانعرف شي عنها. بعد منو الي يدير باله عليها  ؟؟