صـرآع آلجشـع

آلبآرت ( ٢٥)

               ‏‏"إنَّ الجراحَ وإنْ تزايدَ نَزْفُها
                    ‏للهِ فيها حِكمةٌ وشِفاءُ
             ‏لا يأْسَ في دارِ الزَّوالِ، فمِحنةٌ
               ‏تأتيكَ داءٌ، ثُمَّ بعدُها دواءُ
             --------------------------------

          
غسق  :  چنا  بالمطبخ   انا و خاله   كاعدين نجهز بالغدا   نتبهت على  خاله خلت ايدها على  كلبها ستندت  على  الطاوله  رحت  يمها  خاله  بيچ شي 
ام سراج  :  ماعرف  يمه كلبي نغزني مامرتاحه

غسق  : قاطع.كلامها. صوت  كسر الكزاز  اجا من بيتنا  بقينا وحده تباوع عل ثانيه 
ام سراج  :  يا ستار  شكو  منين هذا الصوت 
غسق  :  حاولت اميز الصوت من بيتنا
بس كلت  الخاله. لبست عبايتها   وراحت لبيتنا  نتضرتها  تجي ماكو  ضليت بقلق  اخر شي مليت   لبست ازار الصلاة  وطلعت  وراها  اشوف  ليش  مارجعت لسه    اول ما طلعت للشارع  لكيت باب الكراج مفتوح  دخلت  للبيت  صار كبالي  ولد لابس قاط اسود  امددد بالكاع  دمه صاير  بطوله والشباك مكسور   رجف كلبي  من الخوف   بسرعه  دخلت الصاله  اركض  وياريت مادخلت  لكيت علي  نايم  عل كاع  تشيرتا مترس دم  وخاله  فاتحه  عيونها  على  وسعهن بصدمه   وواكفه مثل الصنم   لو تبارك  اخخخخ شحچي  عل تبارك  منضرها  ورجفت جسمها  ووضعها  يصعب عل كافر  
احتاريت  المن اروح  الها لو لعلي  لو لعمتي الماعرف  شصار بيها  من المنضر  دخل  ضرغام  چان توا.راجع من الدوام   بس. شاف علي سابح بدمه  بقا فاتح  صافن بي لثواني  يريد يستوعب    ركض  عليه  اردف بفززززع 

ضرغام  :  علللللي   وووو ع ل ي خويه  علاوي  علاوي  كوووم  خويه كووم  كوووم. ولك عضيدي كووم. شبيك  ياهو ياهوو السو بيك هيج 

غسق  :  خلا بحضنه  كام  علي يغمض بعيونه ملامح وجهه كامت تتغير من شافه  ضرغام هيج  كاممم يصررررخ

ضرغام  :  لا تغمض  لاااااا  لااااااا  لا تغمض خويه  لاتسدهن  بعدك خويه بعدك  الطريق  كدددامك  دخيلك لاتسدددددهن  لاااااااااااااااااا. ياناااااس اسعااااف  جيبوووو الاسعاف

غسق  :  على صراخه  اجووو الجيران التمووا  واحد  من الجيران  خلا ايدا على ركبتا يشوف المبض 
_  نبضه ضعيف  لازم نلحكه للمستشفى

غسق :  رادوا يوخرون ضرغام  حتى يشيلووو ماقبل  ضرغام  هو شاله  وركض  بي للسياره  ماكدرت اروح وياهم   بقيت  يم. تبارك  اجيت اريد اكومها تغير ملابسها كامت  تصررخ  بخوف   لحد ماجت ماما  تركض  خايفه من شافت  الكزاز مكسورز حجيتلها. الي صار صارت  عينها على  خاله   الي  كعدت بالكاع   على  ركبها  وبس صافنه.  بالمكان  مال علي   راحت  ماما  جابت ماي تذب عليها ماكو  مانطت اي ردت فعل بس فاتحه عيونها  اخذتها  ماما  وراحت بيها للمستشفى  شكد حاولت. وي تبارك  كلما اتقرب منها  اضل تصيح  ماكو  كلمه على اللسانها  غير  عوفيني لا جيسني   اتصلت  على ضرغام  مايرد
مناا لليل  رجعت ماما  من المستشفى
عيونها.مصبوغه دم   كوه  تمشي اول مادخلت كعدت بالكراج مهدود  حيلها   اردفت بخووف  هااا  ماما بشري  شلون صاروا خاله  وعلاوي