صـرآع آلجشـع

آلبآرت (٧)

مها : فتحت عيوني على وسعهن من الصدمه شال ايدا عن زندي بتسم بوجهي مجامله وعافني بصدمتي ومشا مكمل طريقا
هذا شيحجي اهلي شلهم غرض
صح ابوي يضرب من يفقد اعصابه بس معقوله توصل ويا للاجرام وليش

كل هذي الاسئله تجمعت براسي ومالها جواب كعدت بالارض رفعت ردن القميص وشفت مكان اللزمه احمر صاير
طبطبت على زندي من الالم.
بسيطه يتذل يل همجي اردها الك حيوان. يكلي انا المحقق سراج عشتو
جنت ادردم بصوت عالي كمت مدنكه راسي انكث بملابسي وضحكت بستهزاء محقق هو ولك انت جلب حراسه ماخليك مو يلا محقق

رفعت راسي وجان اشووف،، واحد ثاني هم نفس الهيبه وقوه الشخصيه

ضل صافن بوجهي ثواني وحجا.

حاتم: السلام عليكم خويه
اعرفج بنفسي المحقق حاتم زميل المحقق سراج

مها: نترت بوجها بصياح انتم اليوم شتردون كلساعه جايني واحد اعرفج بنفسي وتعرفيني بنفسج قبل لتحجي انا اعرف المن جاي تريد تحقق وي صديقتي لين بمنتهى البساطه شاكين انو عائلتي هيه القاتله مو صح ؟

حاتم: لا مو صح هذي القضيه انا مامسؤؤل عنها. المحقق سراج لازمها.
جاي علمود ابلغج مرفوعه دعوة عليج بالمركز واجيت ابلغج

مها: فتحت عيوني مصدومه بكلامه
ليش شمسويه انا يي صح همه اجو تعشو ابيتنا بس والله والله مالي غرض وماجنت اعرف همه اصلا جايين عدنا لاتبارك ولا اهلها

حاتم: لا خويه مو موضوع المغدور باقر وعائلته ماعليج شبهات بخصوص هذا الموضوع

مها: لعد ليش مرفوعه دعوه عليه
جان شايل ويا فايل ازرق وبي كم ورقة
فتحه وحجا

حاتم: الدعوة المرفوعه عليج من قبل ازاد عماد. ابن عمج
متهجمة عليه وضاربته بشي كزاز ونتيجه الضربه المبرحه خيطوا 9 خياطات براسه وهسه هو رافع دعوة عليج واكو شهود هم اثبتوا صحت كلامه
تعرفين تقرين مو

مها: هزيت راسي بيي
حاتم: تفضلي اقري

مها: لزمت الملف اقرا بي كلمة كلمة وجان انصدم صدمت عمري اقوى صدمه جانت بحياتي الي اسما ابوي هو الشاهد الاول عليه ومئيد كلام الحيوان ازاد والشاهد الثاني جان عمو عماد الشفية
ماتحملت نزلت دموعي صميت كف ايدي حيل وقربت الملف على وجهي حتى ماتنشاف دموعي
ماتحملت الموقف. صارت غصه بداخلي تمنيت اصرخ وكله انت غلطان
ابوي هذا ابوي شلون هيج يوكف ضدي بدال مايحميني ششللون

حاتم : خلال 3ايام حاولي تجين للمركز وتسلمين نفسج في حال تغافلتي عن الموضوع راح نضطر تطلع مفرزه يلقون القبض عليج
ونتي خويه هم حاولي تتصالحين وياهم. او تتفاوضون حتى يتنزلون عن الشكوة عذرا عن الكلام الي راح احجي
خويه زحمه بحقهم يدخلون عرضهم للسجون على شي مايسوا واكيد ضربج اله ما جان من دون سبب