صـرآع آلجشـع

البارت ( ١)

انغام.: ماما غسق حبيبتي جيبيلي المعجانه الي بيها العجين مال بيت ام نوفل هسه ام سراج على جيه تاخذهن الها

غسق: صار ماما صار جايه ثواني بس خلي اصفط كتبي. بالجنطه

انغام : لج يله ماما استعجلي حيئذن نطبعت حرارة التنور بجسمي من. 2 الضهر ليهسه واكفه على التنور

غسق : اجيت اجيت هياتني

غسق: اخذت المعجانه الي بيها العجين ورحت اركض لنبع الحنان والريحان اميمتي الحنونه

انغام : يله يا ماما مو انهد حيلي من التعب تتمشين على بيض

غسق: اسفه ماما والله بس جنت دا ارتب بكتبي

غسق: بلشت امي بتشنيغ العجين وتمدا بالمخبازة حتى اطكه بالتنور ويستوي ونودي الجارتنا ام حسين وتخبز ماما هم الباقي الجيران حتى تحصل مصرف توفر بي ابسط مستلزماتنا بالقدر المستطاع،

انغام : غسوقه ماما ركضي جيبيلي علاكه اخلي بيها الخبزات يلا حبيبتي حيئذن

غسق: ركضت جبت العلاكه الخبز من المطبخ

انغام : يلا وين صرتي

غسق: هاا ماما جيت اجيت تفضلي هذولي العلاكات

انغام: عاشت ايدج بنيتي

غسق: بلشت ماما تصفط بالخبز الي طلعتا من التنور وتخلي بالعلاكه ومن بعدها بلحضات بلش صوت الاذان العذب باسم ( أّلَلَهّ أّکْبًر أّلَلَهّ أّکْبًر أّلَلَهّ أّکْبًر أّشُـهّـدٍ أّنِ لَأّ أّلَهّ أّلَى أّلَلَهّ وٌأّشُـهّـد أّنِ مًحًمًدٍ رسِـوٌلَ أّلَلَهّ وٌ أّشُـهّـد أّنِ عٌلَيِّ وٌلَيِّ أّلَلَهّ ) لثواني صفنه بالسماء ومنضر غروب الشمس الخلاب ودعيت بكلبي. يارب ياقدار يا مقتدر يامن كل شيء بقدرته يالله ياللهي ارزقني النجاح بهل السنه حتى تتبدل دموع امي الحزنانه لدموع الفرح يارب فرحه امي هيه فرحتي يااللهي اكتبلها الخير والسعادة وراحه البال قبلي ياللهي حاشا لك بان ترد عبادك يالله، ﴿ وَتَشْتَكي إِلَى اللَّهِ وَاللَّهُ يَسْمَعُ ويرى﴾

انغام : هاا ماما حبيبتي شبيج اشو عينج ادمع
غسق: لا ماما. شابجي
انغام: لعد هذا الشلال الي على خدج شنو
غسق : انتبهت على نفسي تلمست خدي ايي والله دموعي على خدي صدك

صفنت بوجهي لثواني رادت تحجي وندك الباب

انغام: روحي شوفي الباب

غسق: بتسمت بوجهه هاي خاله ام سراج اميز دكتها عن الكل
رحت افتح الباب وصدك طلعت هيه
ام سراج : السلام عليكم شلونج خاله شلون عافيتج
غسق: هلا خاله هلا و مرحبا الحمدلله بخير ونعمه انتي شلونج شلون عافيتج

ام سراج: الحمدلله يخاله زوينه

غسق: دومج بخير خاله حبيبتي
ام احسين: يابعد بيتي تسلمين
دخلت للطارمه وتسالمت ويا ماما