صـرآع آلجشـع

آلبآرت (١٣)

المُهم رَديت بسْ مغورگة عيوني
رجعت أحضن حياطيني
رجعت و روحي توجعني
وأحس بسْ غرفتي الـ تگدر تواسيني
بچيت من المخدة لآخر أحلامي
لحد مـا غوشت عيني
.
------------------------------------------------ 
     
تبارك  :  اول  ماوكفت السياره  يم بابنا حسيت كلبي نقبض وتسارعت دكاته
نزلتني فاطمه من السياره  ونطتني عكازات حتى من امشي اتاجا عليهن. حيل نقهرت على نفسي من شفتهن بس ماعلقت على الموضوع  التزمت بالسكوت وانطتني كيس بي ملابسي مال يوم الحادث

فاطمه  :  بروكه حبيبتي   هذا  الكيس  بي كل اغراضج  وبي ملابس  والدج  ومستمسكاته محد اجا  استلمهن.،
فكلت  انطيجياهن   والموبايل  تلكي  وياهن
أي شي  يصير  اتصلي عليه  واذا  ماحصلتيني اتصلي   على  سراج.  لاتترددين  تمام

تبارك  :  هزيت  براسي  بمعنى  يي
لزمتني  العكازات  وساعدتني  امشي  وصلنا  يم باب البيت  ودكت فاطمه  الجرس  اول  مانفتح الباب  انصدمت  بوجوده. مروان  هذا

  ضليت واكفه مانطقت بحرف  لثواني  ستوعبت  يي هو  مروان  هذا  الي  التقيت بي بيوم  الحادث   ،،

فاطمه  :  السلام  عليكم
تبارك  : بتسم بوجهي ورد

مروان  :  وعليكم  السلام 
الحمدلله  على  السلامة تبارك.

فاطمه :  اقاربها حضرتك  ؟
تبارك  :  رد بارتباك
مروان  :  هاا يي نعم

تبارك  :  رادت تدخلني للبيت  ودك  هورن
ابو التكسي
تسالمنا  وراحت  رجعت  بنفس  التكسي الي اجينا بيها  ،
مروان  :  تفضلي فوتي  ،

تبارك  :  ضليت  صافنه  بوجها لثواني
اجا لزم  عكس أيدي   وو أيدا الثانيه  خلاها على  خصري  قشعر بدني
ودخلني   للكراج عافني وراح  سد الباب ورجع  لزمني  همس باذني
مروان  :  هسه نور البيت  جان ضلمه،

تبارك  :  باوعتله  بخزره  رسم شبه  ابتسامه  مستفزه  على  وجها

مروان  :  يلا  تعالي  سلمي على  عمج

تبارك  :  بالبداية  مافهمت شيقصد  ومنو هذا عمي  ؟
دخلني للصاله.  اول  مادخلت شفت   زوجت  بابا  كاعده  هيه  وبناتها
وجها  بي كم جرح خفيف  بس  أيدها  اليسرا مجبسيها   واخواتي  مامتئذيات  هواي  بس كم جرح  خفيف على  وجوهن   ،
من  شافني  بقن  كاعدات  ماحركن ساكن
ابو مروان  كام على حيلا  وتحمدلي  بالسلامة  ،

ابو مروان  :  اهلا عمو
الحمدلله عل السلامه 

تبارك  :  مارديت  عليه كتفيت بابتسامة  مزيفه مرسومه على  وجهي
عفتهم  ورحت  وحدي امشي  متوجها  لغرفتي اجا مروان  وراي   سرعت  خطواتي  ودخلت اول مادخلت  طبكت الباب  بوجها  بكل قوتي
وقفلتا  ، حسيت  الدنيا  كامت  تفتر بيه
اختل  توازني  بالكوة  كدرت  اوصل  للسرير  كعدت
و شمرت  العكازات  جوا السرير  والعلاكه هم وياهن شمرتها  ،
  جنت كلش تعبانه  سيطر النعاس  على عيوني غطيت  بالنوم  ماحاسه  على  شي.،