متعب : شقاعده تقولين
توها بنتي معي وتسولف
سديم : عمي والله علمي علمك ترانا شفنا
القزاز المتناثر والد*م
خالد : اهدا ي اخوي مو صاير الا كل خير
يمكن نزفت بس لانها مشدوده اعصابها اهدا
خلنا نروح انا ونت نتطمن
ان شاء الله مافيها الا العافيه
عند محمد والجوري
محمد وهو مسرع ومتوتر لايصير لها
شي وبدا يلوم نفسه
الجوري وهي حاضنه كتف غيم من الجنب : خلاص قربنا نوصل ي عيوني
بعد مده وصولوا للمستشفى
تقدم محمد لجهة غيم فتح لها الباب
محمد : انتطروا اجيب عربيه
شال غيم وناضرت عيونه كيف فيها
الخوف وكيف كانت مشاعره واضحه
من عيونه كانت فاضحته عيونه وجلسها على
العربيه تقدم لقسم الطوارئ
محمد : حاله طارئه بسرعه بالله
تجمعوا الدكاتره والنيرس عليها مصدومين من منظرها كيف رجلها محمره وساقها مربوط بشماغ محمد
بدو النيرس يدفوها ودخلوها تقدم الدكتور : انت زوجها؟؟
محمد : لا لا
الدكتور :معليش طيب تقرب لك البنت
محمد : ولد عمها ليه ي دكتور
الدكتور : خلاص دامها ماتحل لك خل اختك تدخل معها
الجوري تقدمت : اي اي انا بدخل
محمد : انا هنا اذا تبين شي
عند متعب اللي كان متوتر وقلقان على بنته
خالد: هد ي متعب مافيها شي ان شاء الله
تقدم متعب بصمت كان يبي يسوق
خالد : انت شايف توترك
متعب : بنتي ي خالد مدري حيه ولا ميته
خالد : اعوذ بالله منك وش هالفال الشين
اركب اركب
انا بسوق...
راح متعب لجه الراكب
حركوا
خالد : دق عل محمد
محمد : هلا ي ابوي
خالد : وش صار ياولدي وشبها غيم
محمد بلع ريقه ومسح عرق جبينه
كانت بالمطبخ تسوي شاهي وطاح بدون ماتنتبه وانحرقت
بس ان شاء الله انها سطحيه او بس احمرار والحين دخلوها يفحصوها ومعها الجوري
خالد : انت بأي نستشغى
علمه محمد بمكانهم
خالد : تمام..... طمنا اذا بلغوك بشي
متعب قبل ماتروح للمشتشفى مر محل ورد باخذ لها
خالد ابشر
وقفوا عند محل ورد
وبدا متعب يختار الورد اللي تحبه بنته غيم
متعب لبياع الورد : عطني لاهنت من الورد الجوري الصغار
كان لونهم بيبي بينك ومزج بينهم ورد برتقالي طلع شكله يجننن بمعنى الكلمه
اخذ الكرت وكتب لها الحمدلله على سلامتك جعل عيني ماتبكيك خرجوا من المحل وركبوا السياره
وتوجهوا للمستشفى
وصلوا متعب وخالد للمستشفى
نزل متعب مسرع لقسم الطوارئ
محمد لاحضهم : عمي تعال احلس ان شاء الله انها بخير طلع الدكتور ووقفوا
متعب :ها بشر ي دكتور بنتي جاها شي
الدكتور : لالا الحمدلله كلها سطحيه حتى مايحتاج خياطه تنهدوا بفرح
فرح محمد كثير وارتاح باله وتفكيره تفكيره بمحبوبته اللي اول لقاء لهم من بعد هالمده يكون هالموقف السيئ
الدكتور والحين هيا داخل تقدرون تشوفوها حطينا
لها مرهم جروح وشاش لمده اسبوع بس
وامورها في السليم لاتشيلون هم
خالد : الله يبشرك بالخير يادكتور ماقصرت
الدكتور : ولوو واجبي قدامها العافيه
أنت تقرأ
"يا الهفوف انتبهي لخلي اللي لامنه ضحك مال كل ثقيل متزن"
General Fictionروايه تجمع بين محبوبين من الرياض والجنوب يلتقون وباول لقاء لهم......❤️🔥 -اعتذر لقد تم توقيفها- #حُب#جراءه #حزن #ضحك #صدف#عائليه
