"يا الهفوف انتبهي لخلي اللي لامنه ضحك مال كل ثقيل متزن"

Part 21

بدت الجوري تحط القهوه بالمطحنه حطت الفلتر ورطبته حطت القهوه بدت تصب المويه الحاره على القهوه اللي كانت ريحتها فايحه بالمكان
غيم : اخ روقت بس من ريحتها
قمر : اخ ي بنات ماني مستوعبه هالأجواء الحلوه
الجوري خلصت من التقطير وكان يكفي تقريبا ل ٣ اشخاص
الجوري : يلا خذو قهوه بطعم المطر هههه
سلطان : يالبيييه صدق
عمر تقدم : ونا وين حقتيييي
الجوري :ضحكت هاك هاك
سلطان : حامضه ي بنت
الجوري : انا احبها كذا بعدين لاتتشرط احمد ربك واسكت
ضحك عمر : كاني ماني شايف جبهتك
سلطان : اسكت لادبجك الحين (ههه اضربك)
سديم خذت الكوب من عند الجوري وذاقته : الله عليكك ي الجوري والطعم الخورافي .... بنات قسم بالله ي قهوه على محمد تجنن وتهبل عجزت اوصل لنفس لذت قهوته
غيم : حمستيني ي بنت اجل انا ونتي قهوتنا على محمد وناظرت محمد محمد من ناظرته توتر وفزت مشاعره رجع محمد بعد ماكان ساهي
وناظرها محمد : ابشروبي والله
غيم بدت تناظره وتتامل شكله وهوا مركز ويسوي القهوه بكل حماس وتركيز وروقان
لوهله تذكرت اللي صار بينهم وكيف كان خايفه عليها ونظراته لها بالمستشفى كانت تقول ابدا ماهي نظرات عاديه ذي مستحيل تكون مشاعر عاديه ولا ليه هالخوف والورد مدري مدري ارجعي ي غيم
خلص محمد والتفت لهم قدم الكوب لسديم تقدم يعطي غيم كوبها ناظرت عيونه شلون تلمع كانت هيا اللي تفضح مشاعره ولا يقدر يخبي حبه لها نزل اناظره وعاطاها الكوب ابتسمت غيم بابتسامه خفيفه ولفت على القروب يكملون سوالف كان هاليوم مميز عند الكل من ضحكاتهم المتعاليه ولا سوالف الاخوان ولا عند عبير وسحر اللي نسوا خوله اهلها القاسين كان يوم اشبه بالحضن الدافئ بدى يحل اليل والظلام يستحل كل الحديقه قرروا انهم يرجعوا لبيوتهم بعد هالطلعه الجميله
تقدموا العيال يلموا الاغراض وعند البنات كانوا يلمون وينظفون أدوات القهوه ويرجعوها بالشنطه حقتها وسحر وخوله وعبير يرتبوا الاكل في السلال الكل توجه لنفس التقسيمه العيال بسياره والبنات مع عمهم عبدالله والاخوات مع خالد وزوجته
رجعوا البيت ووالكل كان تعبان من هالطلعه اللي راح ياخذ له شور واللي ناموا واللي كملوا سوالف
عند البنات اللي مابقى منهم الا غيم وسديم
غيم : سديم
سديم: لبى
غيم لبى روحك اسمعيييي... ابي اسوي مقلب بهيام بليييز
سديم : ايش هوا
غيم اسمعي مو يوم ميلادها بكره
سديم : ايه
غيم : تكفين تكفييين نبي نجيب لها كيكه عاديه جدا جدا وصغيره ونحط شمعه وحده ولا نسويها الا اخر اليوم
سديم بضحك : ي بنت حرام عليك وشفيك
غيم : بليز حلاه الحفله تكون بعد خيبه الامل
سديم : يقلع بليسك ي بنت بديت اقتنع بالفكرة
غيم بحماس: امانه والله بتصير الفرحه فرحتين
سديم : خلاص قدااام
غيم : يس يس لاني جبت لها ي بنت هديه مره فخمه ف يبيلها رده فعل قويه
سديم : طيب واذا كشخت
غيم : بنحاول فيها ماتكشخ نكون عندها اربع وعشرين ساعه
سديم :اخ ي بنت احس قلبي عورني عليها
غيم : ماعليك بترجع تفرح صدقيني وفرحتين
سديم : ايه ماقلتي لي وش جبتي لها
غيم : تخيلي هالشي كانت تبيه من زمان بس ماقدرت تاخذه لانه سولد اوت عرفتي ف انا حفرت ليين جبته
سديم : وشووو
غيم : بوكس مشهور مره مكياج فيه بالت وفيه ماسكرا وفيه هايلايت بس فخم فخم بشكل تخيلي كل المشاهير مسوين له دعايه وحاضرين له ايفنتات المهم اني جبته لها
سديم : الله ي بنت وش هالدلع ماشاءالله اخ بس والله الفكره مره خيال بشكل
غيم وخرت شعرها بغرور : شفتي كيف ما اهدي اي كلام بس تستاهل هيامي
سديم : انا الحين متحمسه ي بنت اكثر منها
غيم : الحين انا بروح انام اذا صحوا البناات بلغناهم تمام
سديم : تمامم حتى انا الساعه صارت ٢ ونا لسى مانمت
نام الكل
اما عند محمد اللي ماقدر ينام كان بس يفكر ويهوجس بمحبوبته بمحبوبته اللي يتمنى يعترف لها اليوم قبل بكره لانه كانت ملفته له من وهي صغير بس لمن كبرت عرف انها مو مشاعر وبس كان وده انه يتكلم لاحد ويقوله بس حس انه مره بدري ولازم يعرف كان باقي يكذب شعوره
ويحاول مايصدقه....
اما عند سلطان وغيث اللي ماناموا كانوا بنفس الغرفه كان كل اثنين بغرفه سلطان بغرفه غيث محمد بغرفه خالد
بعد مده سيطر على الكل النوم وصار البيت هادي.....
قاموا الفجر وقومهم متعب كالعاده للصلاه صلو بمسجد الحي
رجعوا من المسجد وكان فجر الجمعه
متعب ربت على كتف خالد : ها يبو محمد غدا الجمعة عليك جيبته
خالد : ابشروبي.... بس وش تبون سمك ولا لحم
متعب ناظر باللي حوله ها ي شباب سمك ولا لحم
خالد : ابوي خلنا على اللحم لان يمكن البنات ماياكلوا سمك
متعب :صح صدقت
خالد : اي والله انك صدقت توني اتذكر بناتي مايحبون السمك.. خلاص على الظهريه كذا بجيبه
متعب : قواك ربي
متعب : بعد شوي صلاه الجمعه ي شباب لحد ينام
سلطان : ابشر محد بينام
رجعوا للبيت توجهوا لغرفهم
سلطان : ولد غيث
غيث : شتبي
سلطان : ابي اقولك شي بس مدري شلون افتح الموضوع
غيث : هات العلم ي ولد
سلطان : ورب العزه لو يطلع الكلام لاقطعها معلك
تعدل غيث بجلسته : لا اله الا الله واضح السالفه قويه
سلطان : مو عن قويه بس مره حساسه ومابي احد يعرف وفي نفس الوقت ابي افضفض سلطان : بقولها لك على بلاطه انا احب هيام
غيث : طيب شوي شوي مو تفجعني كذا
سلطان : يولد ماقدرت ابعدها من بالي من بين كل اللي موجودين
غيث ضحك : اجل ماني راعي حب ها
سلطان : لاتندمني اني قلت لك
غيث : ياولد لاتشدها طيب اصبر يمكن بس مشاعر اعجاب
سلطان : والله ولاني جنب الاعجاب
غيث : أجل شد حيلك واعترف لها لاتقعد تعذب نفسك يمكن تطلع ماتحبك ولا ماتبادلك ولا تكون تبادلك هالشعور بس ماقد قلتوا لبعض
سلطان : خايف ومستحي
غيث : خايف من وش
سلطان : من رده فعلها او رفضها لي
غيث : لا ان شاء الله يولد انها تحبك وتبادلك نفس المشاعر بس انت تشجع وتكلم
سلطان : ان شاء الله
عند هيام اللي كانت صدق تميل لشخصيه سلطان كان يجذبها وتحسه انجذاب عادي كان هوا الوحيد القادر يضحكها ويغير جوها حست انه نفس جوها
متعب : يله ي ولد لانتاخر على الصلاه
محمد : يله يله جايين
العيال وهما يعدلون شماغهم عند المغاسل
خالد : يورع ي عمر شماغي حسبي الله
عمر : تخسى والله مو لك
خالد : عمر بلا خبال وعطني شماغي
عمر : والله ماتشمه لي ساعه اوزنها
خالد : والله لو ما.. قاطعهم متعب خير وشفيه وش هالصراخ انت وياه
خالد : ابوي الزفت ذا خذا شماغي
متعب : خلاص ي خالد اقطع الشر ورح خذ شماغي الثاني من الغرفه
عمر : ايوه احترم
متعب ولددد امس لا امسي عليك
عمر : ابشر
متعب : يله قدامي لانتاخر
طلعوا متوجهين للمسجد
بس سلطان ماقد مشى كان باقي يتعطر بغرفته
وعند البنات اللي كانوا صاحين ماعدا غيم وسديم اللي ناموا من شده التعب وسهرتهم امس
تقدمت خوله تبخر خالد بالعوده سلم على راسها عشتي يلا تبي شي
خوله : سلامتك
هيام : يالله ي بنات كان يوم يجنن امس
قمر : اي والله
راحت هيام عند مغاسل الرجال تبي تتصور بحكم ان مافيه احد
وكلهم يصلون كانت لابسه تيشرت قصير وبنطلون واسع
لمحت جواله على المغاسل وي جوال مين ذا مايهم كانت تتصور وتدلع قدام المرايه
سلطان كان بيطلع يووه جوالي نسيته على المغاسل
تقدم سلطان وهوا بكامل كشخته وزينته كان هيبه بمعنى الكلمه
تقدم سلطان مسرع يبي يلحق عليهم قبل يوصلون جا لعند المغاسل مانتبهت له هيام كانت تتمايل بخصرها والتيشيرت ينرفع وهيا تصور كان سلطان متجمد مكانه من جمالها وكياتتها وحركاتها لفت هيام وهيا ترقص لمحت سلطان اللي كان مصنم مكانه صرخت يما وش جابك هنا مو بتروح تصلي الجمعه
سلطان بتلعثم : لا لا بس جوالي نسيته وجيت باخذه
هيام يتوتر من نظراته : يالحبيب نظراتك لاهنت ماني لابسه مرت من جنبه وشم ريحت عطرها اللي ماتحملها ولاتحمل جمالها ولا شكلها وهيا كانت تدلع قبل شوي قدامه ضاعت علومه وتشتت حرفيا
سلطان فتح زرار يستوعب اللي صار مسك على جبهته
ياويل حالي صدق...
هيام : يمااا وش هالموقف يع يفشل بس كان هيبه وكشخه اخ بس