رجع لواقعه خذا جواله وهوا مسرع يبي يلحق عليهم
صلوا وخلصوا طلعوا من المسجد
خالد : يبه انا رايح اجيب الغدا
متعب : تمام
وصلوا البيت على ريحه البخور والبنات اللي كانوا يساعدوا عماتهم بتجهيز سوو الشاهي والقهوه وسوو كنافه كانت لذيذه بشكل حطوا قمر وهيام الأغراض على الطاوله بالصالة جا عمهم متعب : ما شاء الله وش هالزين وهالترتيب وهالريحه الزينه الله يسعدكم ي حبايب قلبي
ابتسموا البنات ورجعوا للمطبخ
سحر : خلاص ي بنات يله خلونا نتقهوى على بال مايجيب خالد الغدا
خوله : يله
اجتمع الكل بالصالة
خوله : صبي ي الجوري لعماتك وعمك
قمر : ونا بقطع ووزع الحلا
تقدمت الجوري وخذت الفناجيل
بدت عمها متعب وصبت له
متعب : سملتي ي بنتي
الجوري : الله يسلمك
صبت لعماتها وامها
سلطان : يعني احنا شفافين هنا
الجوري : والله عندك رجول قم وصب لك وللعيال
ضحك الكل عليهم
عمر : المره المليون لنتف الجبهه الله يعينك
سلطان : سد حلقك
عمر ضحك
قام سلطان توجه يصب له ولأولاد عمه
قمر بعد ماوزعت الحلا : اخ ي ربي من اللي سوا الحلا
سحر : انا ي روحي
قمر : اشكرك على الذاذه ذي
خالد : اي والله ي عمه لذيذ
بنص سوالفهم دخل عليهم عبدالله
عبدالله صوت بصوت مسموع : السلام عليكم
متعب : وين ذلفت بعد الصلاه
عبدالله : رحت اجيب لكم لقيمات بنت لذين
بدا يوزع عليهم
متعب : والله اسطوريه ي ولد
كان يوزع عليهم وصل عند قمر
قمر : مابي معدتي امتلت من الكنافه
خذا عبدالله حبه بيده افتحي فمك
قمر بضحك : نو مابي
عبدالله : والله لاتذوقيهها عشاني
قمر : فتحت فمها عشانك بس
عبدالله : بالعافيه
كان غيث يتامل فيها وبعفويتها الحلوه اللي يحبها
كانت انظار غيث بس ل قمر من بين الموجودين كلهم
ونفس الحال عند سلطان
جا خالد وبيده الصحن يله ي ولد جا الغدا
خولة : ي عمري شف السفره جهزناها بالمجلس
نزل خالد الصحون بالسفر كانت ثلاث سفر
متعب : يله ي بنات قوموا يله ي ام غيث وام هيام
جلس الكل على السفره
سحر : يما وين غيم
خوله : صح ويينها هيا وسديم لايكونوا نايمين
قمر : للاسف ايه
خوله : ي روحي ي قموري فزي ناديهم يتغدوا
قمر : طيب
راحت قمر لعند غرفهم قومتهم ولمن قاموا وغسلوا وبدلوا نزلوا تحت وكان النوم بعيونهم
خوله ضحكت عليهم : ي ويلي يالوجيه المفقعه اكيد مانمتوا وسهرتوا
سديم بضحك : للاسف
بعد مده الكل تغدا سلطان اللي فتح ازارير ثوبه وتمدد على الارض: يبي لها نومه بنت لذين
غيث : صدقت
عند سفره البنات كانوا سديم وغيم سرحانين بالاكل لانهم توهم قايمين قمر والجوري وهيام كانوا يضحكوا على اشكالهم
معد بقى الا البنات ياكلون
كانت قمر تضحك وتاكل الا وهيا تاكل تغص باللقمه
تقدمت الجوري بضحك ودقت على ضهرها كانوا يضحكون يحسبونها تمزح لين بدا وجه قمر يميل للازرق وتمسك على حلقها
فزوا البنات وهما يصرخون على اي احد يجي
الجوري بصراخ ونبره بكي : بابا تعال قمر غصت بالاكل
فزوا من الصاله الكل وتوجهوا للمجلس
توجه خالد وخوله وهوا مسرع عند قمر اللي ماكانت تكح حتى
خالد كان يدق ظهر قمر : بسم الله عليك ي بنتي
قمر كحي كحي ي قمرر
كانوا البنات يبكون وخوله
كانوا العيال يغسلون يدينهم وهما يغسلون
سمعوا الصوت توجهوا للمجلس
شافها غيث وبغت روحه تطلع لمن شاف منظرها وشلون شفايفها زرقوا ووجها بدا ينحبس فيه الدم تجمد الدم في عروقه قبض على يده كان يبي يفز عندها وينقذها بس ماقدر
سلطان دف العيال : وخر ي ابوي غلط
بدا سلطان يحط ايده على معدتها ويضغط لين استفرغت(الله يكرمكم) تنهد سلطان بكت قمر وارتمت بحضن خالد
خالد : بسم الله عليك خلاص ماصار شي
قمر : كنت راح اموت
خوله تقدمت تحضنها بخوف :بسم الله عليك لا مافيك الا العافيه لاتقولي كذا سمي بالرحمن واشربي مويه
بدت تشرب
الجوري حطت ايدها على جبهتها : اخ يربي انا اللي بغيت اموت من منظرك
سديم : اخ يقمر مدري وشفيك من امس
خالد : وش فيها امس
الجوري بتوتر : لالا مافيها شي بس طاحت وحنا نازلين
غيم :خلاص اذكروا الله وانتي ي قمر الحين بسوي لك قهوه عشان تروقين
قمر ابتسمت : تمام
غيم : تعالي نسوي مع بعض
قمر : يله
حضنتها من الجنب غيم وتوجهوا لكورنر القهوه
تقدمت غيم لعند الكورنر اللي بالصاله قاست كمية البن ورطبته وحطته بالمطحنه اليدويه
غيم : انتي عليك الطحن
قمر : تمام
خلصت من الطحن ورطبت غيم الفلتر حطت قمر البن وبدت غيم تصب المويه وتستناها تخلص
غيم : خوفتينا عليك
قمر بضحك : شسوي انتم ضحكتوني
خلصت منها وصبتها بالاكواب مدت لقمر الكوب حقها بالعافيه
يله خلينا نجلس مع البنات توجهوا غيم وقمر عند البنات
قمر : باااك
سديم : هلا تخطيتي هههه
ناظرت قمر غيم بابتسامه : عشان غيم سوت لي قهوه
غيم عطتها قبله بالهوا
سديم بدت تغمز لغيم بدون محد من البنات ينتبه
لاحضتها غيم حاولت تفهمها انها ماتقدر تتكلم عشان هيام موجوده
خذت غيم جوالها من جنبها وكتبت لسديم رساله... انا باخذ هيام ونتي كلمي البنات بالموضوع
سديم شافت الاشعار وقرته بدون ماتفتح الرساله
قامت غيم : هيوم تعالي معاي غرفتي ابي اسولف معك شوي
هيام باستغراب : تمامم
اخذتها غيم لمن ابتعدوا شوي فزت سديم
الجوري : بسم الله شفيك يالملذوعه
سديم : اسكتي وخذي العلم الاسطوري
الجوري : هات
بدت سديم تعلمهم كلامها هيا وغيم امس
الجوري فتحت عيونها بذهول : يالله والله فكره اسطوريه مره حلوه وقدام انا معكم اصلا باقي ماخذيت لها هديه
قمر : يعمري بحزن على هيومي بس يلا بالاخير بتفرح
سديم : اجل خلاص ثنتين منكم بتطلعون لان لو طلعنا كلنا بتمشي معنا ف ثنتين بيطلعون ياخذون هدايا لبكره وياخذون الكيك الفيك حق اليله
قمر : والله قدام... من يطلع طيب
سديم : بكيفكم اي احد
الجوري : خلاص انا بطلع انا وغيم
سديم : تم
قمر : خلاص برسل لك شكل هديتي لها عشان تاخذوها
الجوري بحماس: دن
قمر صرخت : يالله مره متحمسه
سديم : اسكتي فضحتينا
قمر غطت على فمها : سوري
عند غيم اللي مادرت كيف تفتح موضوع مع هيام
هيام : ايه وش عندك هات
غيم قالت بينها وبين نفسها يله بما اننا وحدنا يلا فرصه احكيها عن محمد
غيم : تذكري قبل امس لمن انحرقت رجلي
هيام باستغراب : ايه
غيم : تريه بسبت محمد
هيام عقدت حواجبها : اييششش
غيم : والله بس بيني وبينك انتي الوحيده اللي فضفضت لها
هيام : كيف هوا كيف طاوعه قلبه يحرقك!!
غيم ضحكت : وييين ييبنت وين رحتي انتي حرقني مره وحده
هيام بضحك : انتي قلتي كذا طيب
غيم : والله لو اني عدوته لا لا رحتي بعيد ههه
هيام : طيب هات الصح
غيم : بيجيك العلم تتذكري لمن قالت الجوري بسوي ليا شاهي اخضر عشان اهضم ونا رحت معها
هيام : ايه اذكر
غيم : كلنا رحنا المطبخ وجلست تغلي المويه ونا اسوي الصحن واحط الشاهي بالاكواب
هيام : طيب
غيم : المهم الجوري نست جوالها فوق فقالت خلاص كمليه وجيبيه الصاله نشرب ونسولف
هيام : طيب
غيم : لمن طلعت انا كنت معطيه اصلا ظهري للباب ما اعرف مين وراي فجاه الا يجي محمد بدون ما احس كان متكي على الباب مدري شفيه تخيلي بس فااهي وساهي ويهوجس واجد
هيام بحماس : ايييه وبعدين
غيم : الا والتفت واصرخ لك ذيك الصرخه اللي فز هوا ونسى ليش جاي اصلا واطيح الصحن على رجولي والقزازز تنثر بكل مكان الا ويجي ويشيلني وبعدني عن القزاز وهوا شوي ويبكي ويسمي علي جاب لي مويه بارده وصب على رجلي
هيام بصدمه : كملييي
الا واقعد ابكي ومستنده على الدولاب واقوله رجلي رجلي تحرقني ومدري ايش تخيلي وش قالي
هيام : ايييش
غيم : قال ابوي انتي اسف والله ماكان قصدي ااذيك
هيام : احس بفراشات ببطني
غيم بضحك: انا رجلي محروقه واحس بفراشات ببطني وفي نفس الوقت انزف اخ كلها تجمعت علي
هيام : والله موقف شين بس حلووو
غيم : المهم ربط شماغه على ساقي وقلت له روح روح ناد لي اي احد راح والولد ي بنت خايف خوف مو طبيعي
عاد جت الجوري وخذوني للمستشفى وكذا
هيام : يالله ي غيم واضح محمد مره كان خايف عليك
غيم : انتي تحسبين الموضوع وقف لهنا
هيام عقدت حواجبها : وي وش سوا بعد
غيم : تخيلي قسم بالله توها تجيني المشاعر احس ببكي ي هيام
هيام : قولي يبنت وترتيني
غيم : تخيلي جاب ليا بوكيه ورد ازرق على اسمي
هيام صرخت : منجدك وليه ي اللي ماني بقايله تقولين لنا
غيم : كنت ملخبطه ذاك اليوم اقولك حتى ماحسيت بمشاعر الا الحين من الخرشه
هيام : ي بنت والله الولد شكله يموت فيك ويحبك وانه مو مجرد اعتذار عادي
غيم : مدري مدري ي هيام احس بانجذاب له وفي نفس للوقت اتجاهل هالمشاعر
هيام : اقول بس لين متى ما تعرفين اذا هوا يحبك او لا اعترفي له وشوفي اذا بادلك تمام مابادلك وكانت مشاعره عاديه خلاص كان شي لم يكن
غيم : انتي صاحيه والله ما اكلمه لو ايش اذ هوا يكلمني اوكيه انا لا
هيام : بكيفك
جت الرساله لغيم من سديم
سديم : بنت انتي والجوري بتطلعون تجيبون هدايا بكره وكيكه اليوم يلا
قفلت غيم جوالها : كاننا طولنا عليهم
هيام قامت : يلا نرجع لهم
رجعوا وجلسوا...
أنت تقرأ
"يا الهفوف انتبهي لخلي اللي لامنه ضحك مال كل ثقيل متزن"
General Fictionروايه تجمع بين محبوبين من الرياض والجنوب يلتقون وباول لقاء لهم......❤️🔥 -اعتذر لقد تم توقيفها- #حُب#جراءه #حزن #ضحك #صدف#عائليه
