"يا الهفوف انتبهي لخلي اللي لامنه ضحك مال كل ثقيل متزن"

Part 26

ابتسم عبدالله تذكر انه عمها  : بنت احترمي
هيام وهيا حاطه ايدها على جبينها تحاول تحجب الشمس عن وجهها : خيير ان شاء الله شوي وتجيني ضربت شمس يلا
ضحكت الجوري : يله يله
ركبوا السياره.. هيام : شغل التكييف بموت
شغل عبدالله المكيف وتحركوا بالسياره
اخذت الجوري جوالها ارسلت بقروب حفله هيام : بناااتتت خرجت انا وهيام يلا جهزوا وضبطوا الامور
شافتها غيم : اذا جيتوا ادخلوا من الباب الثاني مو الرئيسي  صوتت على البنات.. بناااات
التفتوا لها البنات : الحمدلله خرجت هيام
قمر : يله حلو اخلصي خلينا نروح الساعه ٤ نبي نرجع بدري نتجهز بس قبل مانخرج نبي نتناقش بهديتها قوليلي وش كان بخاطرها من زمان ومحد جابه لها او خذته
غيم : حتى لو غالي
قمر : حتى لو غالي اخلصي
غيم : اوك... هيا مره يمكن لها ٤ شهور وهيا تتكلم لي عن هالشي وتحبه مررره وتبيه بس عبير كانت مانعته
عقدت حواجبها قمر  : وشو طيييب
غيم : قطوه
التفتت قمر بصدمه للبنات  : الله والله كيوت ذي لي مو لها هههه
غيم : اقولك قد ابثرتني ابيها وابيها ابيها وابيها تحب نوع السكوتش عرفتيه
قمر : يب يب اخ وربي كيوته ذويقه
غيم : امانه يعني جد بتجيبيها؟!
قمر : الغالي يرخص لهيومي
غيم : كفو والله
قمر : تمم.. بس دقيقه من يودينا
غيم : محمد كلمته يودينا ويصرف العيال لين اخر اليل
قمر : حلوو.. طيب يلا لانتاخر ابي ارجع اتجهز
غيم : خلاص بروح البس عباتي واجيك روحي كلمي محمد
قمر : تمام توجهت قمر للمجلس نادت عليه... محمممد محمممد
عقد محمد حواجبه : وشفيك
قمر : بنروح نشتري هديه لهيوم
محمد بصدمه : كيف ومتى
قمر : محمد لاتستهبل عليا غيم تقول مكلمتك
ضرب جبينه بكفه :اووووه توني استوعب قد كلمتني غيم عشان تساعدك بهديه هيام يله يله شوي بس ابدل ملابسي واجيكم
صوتت قمر لغيم باستعجال: غيوميي يلا اجهزي هذا هو محمد رايح يبدل 
غيم بنبره مرتفعه : تماااام تمامم
صعدوا غيم وقمر يبدلوا ملابسهم ويلبسوا عباياتهم
قمر وهيا تعدل شعرها : بنت ابيي ورد بليز احس مشتاقه للورد...
صعد محمد يبي يستعجلهم لايتاخر على موعد الحجز
غيم : ي بنت لاتجلطيني الحفله رح تكون مليااانه ورد
قمر : اووف منك ابيه ليا مو لهيام
غيم طي.. قاطعهم محمد دق الباب : قمر ... يله تاخرتوا
غيم بتنرفز : جاك الثاني الغثيث فتحت الباب : نعم خلاص نازلين 
محمد : اخلصوا قد حجزت انا والعيال وبيروح الحجز علينا
غيم بتنرفز: لاتجلطي خل واحد من العيال يروح يمسك المكان
محمد : واو ذكائك يُدرس والحجز باسمي طيب
غيم : خلاص ي غثيث نازله لمت غيم عبايتها بغضب يله ي قمر
محمد بضحك : اوله يالمعصبه ارفقي علينا
غيم : نينيننييي امش اسبقنا للسياره كل شي على راسي من امس انا اللي احجز واسوي واحط
محمد : خلاص لاتديورين علي يله هذاني بالسياره
خرجت قمر وابتسمت خلصت وش موقفك هنا ي محمد للحين اسبقنا للسياره
غيم وهيا نازله مع الدرج : الحين بوريك صورت اللي قد ابثرتني تبيها بتضحكين ترا لان حجمها بحجم الكف ماتنشاف
قمر : اقولك هيام ذي شكلي مابهنيها بهديتها ههه
ضحكت غيم اتجهوا بالبدايه للصاله عند عماتهم
غيم : هاايي
عبير : هلابكم يروحي تعالوا كلو بسبوسه قبل تروحوا
غيم : مع اننا مستعجلين بس شكلها مايتقاوم
قمر : اقول مستعجلين مب مستعجلين بكيفك ذي بسبوسه ي حبيبتي خليت حتى غيث يتوصالي بالنوع اللي احبه
غيم بعد ماكلت كم لقمه : بالله اخلصي كلي ويلا انا انتضرك باقي ارجع اجهز انا
خوله : غيوم ماعليك ورانا وقت حتى لو مافيه رح اكلم عمكم عبدالله يطول بهيام بس لاتوترين نفسك
غيم : انا كذا احس ما ارتاح الا لمن اخلص من الشي او اسلمه لمن اخلص هالحفله احس اني ارتحت وكمان ماقد قصرت هيومي بميلادنا كانت تخليه يهبل ويجنن
سحر بابتسامه : انك بنت متعب يعني بتطلعين على من
عبير : صدقتي متعب الله يحفظه يحب يشرف على ادق التفاصيل مع ان بعضها ماتخصه سبحان الله ورثتيها منه
ابتسمت غيم : يله قمر بلييز يلا تاخرنا قرب ياذن المغرب
عبير : ماعليك هدي اصلا حفلتها مابتبدا الا بعد العشاء
غيم :طيب عمه عبير كيف تسوين عشان هيام تتجهز
عبير : مدري صراحه وش اقولها اشيروا علي التفت لسحر وخوله
خوله : عندي حل
عبير : هاه وشوو
خوله : قولي لها ان اخوات خوله بيجون والبنات كلهم توزعوا وراحوا الصالون يسوو لهم شيي خفيف
عبير بضحك: صاحيه انتي يعني عشان بس خواتك بيجون بيروحون الصالون زواج هو
خوله : سمله عليهم هما اصلا كل شوي وهما متربعين بالصالون اقول والله مارح تشك حولي لها الحين وقولي لها ابيهم يشوفون بنتي الوحيده باحلى طله وقولي بيجون بعد العشاء عشان يتمشون بعدين حتى الجوري بتجهز معها يصير بس تلبس الفستان وبس
فكرت عبير بكلامها : صدقتي اصلا بنتي من فتره لفتره تروح ف مارح تحس بشي
سحر طيب خلاص خليهم يتمشون شوي وبعد صلاه المغرب كلمي الجوري وقولي لها وبعدها لهيام
عبير : يصير خير
عند خوله اللي سرحت بجوالها فجاه تنتبه لستوري اختها تهاني  اللي بقاله كم ساعه ويروح
فتحته ولقت الصوره اللي كانت تهاني متعمدتها ولاحذفتها عشان تتاكد انها تشوفها وتقراها خوله توجعت كثير  من كيد اختها لها وكيف انها سرقت خطيب بنتها منها وللان تبي بس سبب مقنع لافعالها وكرهها لها تنهدت خوله بضيق
لاحضت سديم انقلاب حال امها التفتت لها همست  : ماما شفيك
تنهدت خوله بضيق وورتها ستوري تهاني بصمت .. .. خذت سديم الجوال وشافت الصوره بصدمه ووجع : ماما لاتزعلي أسألك بالله ماقد جلستي مع نفسك وسألتيها سؤال انه ليه جاء عند الجوري بعدين صار هالفلم وكشفلك نواياهم طيب تخيلي انه ماصار هالشي كان كنتي باقي على عماكي معاهم وهما خباث معاك ماما تكفين انسيهم وسلمي امرك لربي وشوفي كيف ينصرك ماما ربي وش قال قال "والله لانصرنكم ولو بعد حين" يعني احس مافي اقوى من كلام ربنا ماما ربي اختبر صبرك بفراق اهلك وببنتك وإذا شافك قويه رح ينصرك ويريك نصرك بليز ماما لاتتكدري
ابتسمت خوله بضيق مسحت سديم على كفها رجعت خوله لسحر وعبير تحاول تتناسى هالالم اللي كل مانسته رجعت تهاني ونوره  وكادوا لها من جديد