عند سعود : الحمدلله شبعت... يلا ي يمه بروح اجهز اغراضي والله يا اني متحمس بنجدول جدوله بنت لذين بالجنوب
العنود :ماشاءالله اهم شي وثق لنا لاتنسانا
سعود : ابشري والله ابثرك بالفلوقات ههه
صعد لغرفته سعود فتح دولابه حط ايده على جبينه
ومسك دقنه وش اخذ... اي ابها برد لازم اكثر جاكيتات وبلوفرات بدا سعود يرتب أغراضه بالشنطه كانت غرفته مقلوبه فوق تحت لاجل ماينسى شي خذا كل شي يحتاجه بعد ما لم أغراضه وخذت شنطتين سفر ووحده للنادي
ناظر سعود غرفته كيف مقلوبه فوق تحت
سعود : ياوك يالمنظر الشنيع كيف مانتبهت بس خليها تولي والله ما اسوي شي تعبان من الشغل والكرف
سبحان الله قدر سعود على ترتيبه وتنسيقه للملابس بدقه
بس ماقدر على غرفته ههههه..... المهم
ارتمى سعود على السرير ومسك على ضهره توه يستوعب الم ضهره
سعود : شفيني من الحماس نسيت عمري وجسمي
احس برتاح لي شوي
___
ماكان عارف الاخ سعود وش كان رح ينتظره بهالمدينه
اللي بتقلب موازينه وتقلب قراراته وتخليه يتنازل عن اغلب قراراته ويرجعه لديرته وهوا مب سعود الاولي
نام سعود وكان وقت الظهر....
عند العنود وود
ود وهيا تقلب بالرز :مامي
العنود: وهيا تغرف لها: عيوني وش تبين
ود:مامي بما اننا الحين بإجازه وش رايك نسافر
العنود : اممم مدري والله
ود : بليز ي مامي خلاص اجازه وش نبي بالرياض
العنود : والله ماعندي ايت مانع نشوف لابوك وخلاص اذا وافق توكلنا على ربي
ود : جد ماما
العنود بابتسامه : اكيد جد ي روحي ونا اقدر ارفض لك
ود : ماما انتي مالك شبيه ابد انتي اجمل ام بالدنيا كلها
قاطعهم دخول فيصل للبيت كان حاط شماغه على كتفه والطاقيه على راسه
ود تقدمت تحضن ابوها : هلا وغلا ببابي
فيصل : هلابك ي كلي
تقدم وقبل خد العنود :كيفك ي عيوني
العنود : بخير ي روحي دامك بخير
فيصل : جعلها دايمه
العنود: اي ابي اقولك عن موضوع
فيصل : سمي
العنود ناضرت بابتسامه لود اللي تنتظرها تتكلم نبي نسافر
فيصل : طيب بس قاطعته العنود ي عيوني انت اجازه والكل اجز ونبي نفلها ونغير جو من الرياض كملنا بالرياض
فيصل : ابشروا
العنود : امانه صادق
فيصل : اكيد ي عيوني بخليكم تسافروا وتنبسطوا
ود اللي كانت تصرخ وتنطط اخ توقعت مستحيل ترفض لنا طلب شكرا بابي احبك
العنود مسكت يدينه : مره شكرا ي عيوني انت
الله لايحرمنا منك
فيصل وهوا يناظر عيونها : ولامنك
ود :يسلاااام بروح اجهز اغراضي... حتى قبل اعرف وش الدوله
العنود وفيصل ضحكوا على حماسها
العنود : مستعجله الله يصلحك حتى ماقلت لك اذا بنروح دوله كلها ثلوج ولا صيفية
ود بغصب :ماما من جدك متنا من حر وعج الرياض حتى بالسفره حر نو مابي
عند سديم اللي كانت تشرب قهوتها مع البنات وتقلب بجوالها كانت تشوف ستوريات الا تشوف ستوري ل خالتها تهاني تم بحمد الله عقد قرآن ابنتي حلا اللهم اجعله عقدا تنعقد بهم سعادتهما
حلا&تركي
قامت سديم مصدومه تقدمت تبي تروح لخوله عشان توريها
غيم : شفييها
ورد : شعرفني بهالملذوعه هههههههه
سديم :ماما مامااااا
خوله : بسم الله وشفيك ي بنت
سديم : شوفييي
خذت خوله جوال سديم وشافت ستوري اختها تهاني اللي صدمها وغير حالها
سديم : ماماا قاهرتني كيف تسوي كذا
خوله ضلت ساكته جت عليهم الجوري
الجوري : وشفيك ي سديم فزيتي كذا فجأة خير شصاير
سديم :مدري شقولك مدت لها اللجوال ناظرت الجوري للستوري
ضحكت ضحكت استهزاء شفيها ذي ي ماما يعني هاذا كان مرادها وجهي اذا ماتطلقوا على هالزواج الغريب تسحبهم من عند اختهاا وتوديهم لبنتها
عند تهاني
: اخخخ مبرووووك ي بنتي صدق صدق انتي اللي تستاهلينه
حلا : الحمدلله ي ماما
تهاني : شافت ان سديم شافت الاستوري انبسطت يلا الحين وش شعوركم لمن شفتوا الاستوري ضحكت يالله حتى ماباركوا يعني الواحد اذا قال الحق يزعلوا
سيف : مبروك ي حلا الف مبروك
حلا: الله يبارك فيك
سيف : الحمدلله انتي ورحتي وباخذ غرفتك الوسيعه واطلع من غرفتي تقول حق فار
حلا ضحكت
خوله : بالطقاق ربي صرف عنا شرين شر الخطاب ذولي وشر اختي
سديم : اصلا قلبي ما ارتاح لهم من لمن جو
خوله : خليهم يولون وارجعوا سولفوا عند البناتت
عند قمر وغيم وورد كانوا مشغلين لهم
شيرين عبد الوهاب
انا لاجايه اقولك ارجع اسمع عشان
انا صبري قليل كل مره تهرب قرب
على ايه انت مسهرني اليل
قاطع روقانهم عمر : من يروق الظهر هههه
غيم :شعليك وش يعني تبينا اذا جا الظهر نبكي وننفس زيك
ورد وقمر : منجد وربي هههههههه
عمر : المهم سوو لي قهوه معاكم
قمر : تخسى يااللي مانيي بقايله
ورد هههههههه
غيم : مابقى الا انت اسوي لك دز بس ههه
جوا سديم والجوري
سديم :اخيرا طلعت من الكهف حقكك
الجوري : منجد وش وضعك اربع وعشرين ساعه مختفي
سديم : بناات احس نفست
قامت قمر ومسكت خصرها
قمر : اهااااا جتها الحاله انا مقدر اسيطر اذا نفست ذي يلا سلام
ضحكوا غيم وورد
ورد : مسكينه شكلها تعاني حسبي الله على بليسك
عند سلطان وعبدالله كانوا يتراششوا بالمويه بالحوش
سلطان : وللله ما اخليك تعاللل ربط ثوبه على خصره
بدا يركض وراه ووراه رشاش المويه بدا يرش عليه هج عبدالله ودخل البيت
الجوري :بسم الله يالمطفوق وش فيك
كان يهلث عبدالله من التعب
سلطان : اوريك ي حيوان مصيرك ترجع تطلع
ضحكوا البنات على شكل سلطان وهوا ينشف نفسه من المويه
ضحك عبدالله : الللقممم
سلطان : ماعليه ماعليه ترقب
ورد : قسم بالله وتين اعقل منكم اهجدوا
خذا عبدالله الكوب من ورد وهيا تهزئ فيهم
شرب قهوتها كلها كانها مويه
ورد :وجع خييير
الجوري : يالطيب ترا مو مويه قهوه هههه
عبدالله رجع الكوب لورد بعد ماخلصه وارتوى
عبدالله : الحمدالله
ورد : وجع يالمشفوح حتى الثلج ماوفره
غص عبدالله اشر عليها تذكر الله
ورد : احسن
عبدالله : ياوك بغيت اموت شهالعين عليك اعوذ بالله يغيت اودع الملاعب هههه
أنت تقرأ
"يا الهفوف انتبهي لخلي اللي لامنه ضحك مال كل ثقيل متزن"
General Fictionروايه تجمع بين محبوبين من الرياض والجنوب يلتقون وباول لقاء لهم......❤️🔥 -اعتذر لقد تم توقيفها- #حُب#جراءه #حزن #ضحك #صدف#عائليه
