"يا الهفوف انتبهي لخلي اللي لامنه ضحك مال كل ثقيل متزن"

Part 17

جو العيال
سلطان :انا في وجه الرحمن وش هالذاذه والزين حتى لو مو جوعان ابي اكل
محمد : اف منجد بدعوا الله يسعدهم
خالد : ماشاءالله يا لبيه صدق
عبدالله اللي اكل نص السفره ولقد احد جاء
بدا يصوت بسرعه بنموت جوع
كانوا كلهم جالسين على الكنب بالصالة والسفره على الارض
سلطان: الى متى ننتظر سرعه اف منكم
سديم :ي عم متعب بسرعه سلطان بينصرع هههه
ضحكوا على بعض وكيف كل واحد يتامل السفره وهو جوعان
متعب وخالد جو
عبدالله :حلفت طولوا اكثر مره جيتوا بدري
متعب يضحك  : يلا يلا سمو بسم الله
تقدموا الكل يجلس وجلسوا يفطرون
سحر : صبي لي ي خوخه من الكرك
خوله : من عيوني
سحر : تسلم عيونك ذاقت الشاهي اه يالذاذه ماشاءالله من سوا الكرك
عبير اشرت بغرور : انا بالله جد حلو
سحر : منجدك انتي الحين تعطيني الطريقه وش هالذاذه
عبير بإبتسامه : من عيوني ابشري
بدت الصاله الا الجوري ووتين
خوله : تصدقين وش صار امس
الجوري باستغراب : وش
خوله :دقت علي خالتك تهاني
الجوري :ماما فكيني عليها وش تبي ذي وجع
خوله : تخيلي انها جلست تدق بالكلام وتقول انا ماقلت الا الحق عشان مايلحقني ذنب ومدري ايش وان هالعايله ماينفع يناسبوكم وياخذوا منكم
الجوري :شتبي توصله ذيك المريضه هيا وبنتها اللي تعرضها للبيع
خوله : اخ ي الجوري نرفزتني مره امس حسبتها داقه تسألني عن اخباري لاكنها دقت بس تجرح بالكلام
الجوري مسكت يدين امها : ماما بليز لا كل شي الا انك تعطي هالتافهه ولو ربع من مشاعرك ماما مشاعرك ماتستاهلهم ولا يستحقون انك تكنين لهم مشاعر  هما مايستاهلونك انتي غير عنهم بكل شي ماما احنا معك وشوفي احنا وين الحين احنا بالمكان الصح اللي كان المفروض نكون فيه من اول شوفي بابا كيف مبسوط وانتي واحنا واخواني ماما احنا نصير لك خواتك قبل بناتك ف بليز لاتكدري خاطرك بسبتها هالتافهه ونا ابدا مو زعلانه لانها طلعت كلام ولا تقدموا لي اللي كاتبه ربي بيصير لو وقفوا بوجههي سكان الارض كلهم
وبالعكس فرحانه لان ربي كشفهم على حقيقتهم وبين نواياهم اللي ينونها لنا
حضنت خوله الجوري: الله لايحرمني منكم انتم اصلا عوضي الجميل بهالدنيا واجمل عطايا رب ربي لايحرمني منكم

جو ورد وقمر ابتعدت الجوري عن حضن امها
الجوري : يلا روحي انبسطي ونا بساعد البنات
خوله بابتسامه: تمام
شالوا  السفره ونظفوا البيت
وبخروه من ريحه الاكل
الجوري : يووه تعبت ونا اكرف
سديم : منجد بس لازم نكون يد وحده ونساعد بعض
قمر : بنوتات
الكل ناظرها
قمر :شرايكم نسوي لنا قهوه
سديم : من زمان ي قمر اخ يلا يلا مره مشتهيتها
قمر : من يبي
كلهم البنات قالوا يبون
وتين :  انا انا ابي قهوه
ضحكوا البنات
سديم : وه يناسو اللي يبون قهوه مايصلح لك ي حلوه ولا معد تطولي وتصيري كبيره ولا ماتبين تكبرين تكتفت وتين الا بس ابي اجربها
سديم : ان شاء الله ي عيوني اذا كبرتي وصرتي كبير انا اول من يسوي لك قهوه اتفقنا
وتين : صدق
سديم : وعد
وتين : اوك خلاص معد ابي
سديم مسكت خدها وه فدوه انا
غيم :خلاص تمام انتي سوي الدفعه الاولى ونا الثانيه
قمر : دن... غيوم ولا اقولك انتي نسيت انه يتعبها الدرج  ي ورد فزي جيبي شنطت الv60
قامت وجابت الشنطه فتحتها وبدت تعطي قمر الأغراض وترتبها بزاويه الصاله
سديم بدت تصورهم وهما يجهزوا
ادوات القهوه
صرخت قمر هاات الفلتر  الثلج ذاب ونا اتكلم
ضحكت سديم عليهم وعلى هواش قمر وفهاوة ورد
ورد : اووف خلاص هاك بلا صياح
قمر بدت تقيس الكميه وتطحن القهوه وحطته بالقمع  بعد مارطبت الفلتر
قمر وهيا تسوي قهوتهم بكل حب وروقان
خلصت هات الاكواب
حطتها بكوبين وبدت تاخذ كوبها وتذوقه
قمر : امممم لذيذه اخ يربي كنت محتاجتها من زمان قمر وهيا تشرب من القهوه قامت وبدت ترقص بالصالة وتدور وبدت تردد بابتسامه سلو رايقه معي لدرجه انو اذا احد سألني عن عمري بقلوا انت عمري
سديم : يالغاليه انتي سكرتي ابدا مو روقان ذا
قمر : السكره الحلال ههه
بدت غيم تسوي للباقي قهوتهم
التموا حول بعض بدت ورد تبي تصور
بنات قربوا يدينكم من بعض باخذ لنا صوره
ورتهم الصوره البنات واو تجنن
غيم : قسم بالله لو احد باقي يصور ضمادتي لاهفه تاخذوني محتوى ستريك انتم
ضحكوا البنات
دخل عليهم عبدالله
قمر هلا والله تبي توت ههه
فهمها عبدالله انها تقلد الرياكشن
عبدالله:وش توت معاك موظف البلديه هههه
بدت تمثل انها تركض ضحكوا البنات
دخل سلطان
سديم هلا :سلطانو
عبدالله :العب ي سلطانو هههه راحت هيبه الاسم
سلطان : ضحك وناظر بالقهوه هااه افاااا تسحبون علي
ارتمى على كتف عبدالله كانه اغمى عليه
سلطان: عبدالله انطعنت من اقرب الناس لي مثل انه اغمى
عبدالله : لا جاسم جاسم لازم ننقله على المستشفى ههه
ضحكوا البنات عليهم وعلى استهبالهم
هيام : بصوت ناعم تعال تعال اخذ قهوتي انسدت نفسي
سلطان : يعني انطعن من اختي وتداويني بنت عمتي مدري شقول صراحه ههه
خذت هيام قهوتها وحطتها بكوب ثاني وعطت سلطان
بالعافيه عليك
سلطان : الله يعافيك