"يا الهفوف انتبهي لخلي اللي لامنه ضحك مال كل ثقيل متزن"

Part 24

طلع الفجر قام خالد من صوت المنبه
خالد : خوخه حبيبتي خوخ...
تمتمت خوله : خالد ابي انام تعبانه
خالد : ياروحي صلي وارجعي كملي نومك يلا قومي وقومي البنات
خوله : طيب...
لبست السليبر حقها ولمت شعرها فوق توجهت لغرفة هيام : هيام ياعمري انتي قومي والله مالي خلق اجلس اقومكم  قوموا الجوري سديم صلاه
سديم : ماماا طفي النور ابي اكمل نوم بليز
خوله : بنت صلاه عشان تتركي السهر عنك
سديم بتأفف : يالله هاه هذاني قمت
خوله صوتت على الباقين جوجو هيوم بالله قوموا تعبت ونا واقفه.. تاكدت انهم قاموا رجعت لغرفتها
عند خالد بعد ماقوم متعب توجهوا لغرف العيال يصحوهم
متعب : ياوك باقي خالد والله انه مايقوم الا اذا طلع روحي الله يصلحه
توجه خالد لغرفة غيث ومحمد :ولد انت وياه صلاه قوموا
محمد.. خالد قوموا
متعب : قسم انك مدري وش اقول يعني رح يصحون لك كذا وخر بالله بعده متعب وتوجه ياخذ علبتين مويه توجه لسرير غيث وخر البطانيه وصب كل المويه عليه وعلى محمد
شهقوا محمد وغيث جلسوا وناظروا لهم  يستوعبون المفاجعه اللي صارت لهم
متعب : لا اعيد كلمتي قم انت وياه قدامي للمسجد باقي خالد وعمر يبي لهم قرن قوموا
ضحك خالد عليهم
محمد: خلاص والله قمنا هاه هاه شوفني وقفت خلاص
غيث : ترا عادي نصحى زي البشر بالصوت
متعب : انتم ماينفع لكم الا كذا هيا تاخرنا على الصلاه
توجه خالد لغرفه عمر وخالد وسلطان : قوموا نور الغرفه قوموا اخلصوا تاخرنا
قام الكل بدلوا ثيابهم وتوجهوا للمسجد صلوا وخلصوا صلاه كانوا راجعين مشي للبيت يلحقون لهم كم ساعه قبل الفطور
سلطان بابتسامه : يا لبييه يا الصباح
متعب : لو انكم كفو قمتوا من الفجر وماصحيناكم
سلطان بغضب: يعني الواحد مايعبر عندكم لازم من الهواش ذا
ضحكوا العيال...
غيث بضحك : كان يدور عليك الزله
سلطان : محد يسولف لكم
دخلوا البيت يكملون نومهم... بعد مده بين الفجر والظهر جا وقت الفطور بدوا الاغلبيه يصحوا
عند سحر خذت جوالها دقت على خوله وعبير يقوموا يساعدوها بالمطبخ
خالد : خوخه خوخه
خوله : هلا ي خالد
خالد : سحر تدق عليك شوفي وش تبغى
خوله : عطني اكيد عشان جا وقت الفطور عاد هيا بسم الله عليها تقوم قبلنا كلنا... قامت خوله غسلت وجهها بدلت البجامه لجلابيه جلست على كرسي التسريحه بدت تحط لها تنت على شفايفها وخدودها  لمت شعرها كعكة توجهت لجهة خالد جلست على طرف السرير
خوله : خالد
لف لها خالد خالد : لبيه
خوله  : بنزل اساعد البنات بالفطور انت نام وبدق عليك لمن يجهز الفطور تمام
خالد ابتسم : تمام ي روحي
عطته خوله قبله بالهوا... نزلت وطلت على بناتها كانوا غرقانين بالنوم ابتسمت وخلتهم يكملوا نومهم توجهت للمطبخ عند سحر اللي سبقتهم ببعض الاكل والتجهيزات دخلت معاها عبير ضحكت خوله على وجهها اللي كله نوم : شفيك وجهك كذا
عبير بضحك : استري ماواجهتي.. اييه سوي لنا بيضك هذاك ي خوخه
خوله : والله انك تبشرين.. طلعت الطاوه وحطت زيت وبصل وطماطم خلتهم لين يتسبكوا مع بعض وياخذو النكهه
... عند العيال
سلطان : ياوك ياعيال الريحه وصلتني بروح اشيك اكيد بيض امي اعرفه زييين
غيث قام : خذني معك
عمر : ياولد انت وياه بلا مبزره خلو اهلنا يعرفون يطبخون كأنكم بزران عندهم
سلطان بضحك: امش امش خل النفسيه ذا من اول ماجيت وهوا منفس علينا
ناضره عمر بنظرات شر : اذلف لاعطيك واحد
هرب سلطان وغيث.. قلد سلطان طريقه كلامه : خلوا أهلنا يعرفوا يطبخوا مسوي فيها كبير وعاقل ياشينه صدق
ضحك غيث :خلك من ذاك ياولد لا إله إلا الله يالريحه دخلوا المطبخ سلطان امه اللي كانت تخفق البيض وتحطه فوق الكشنه حقتها كانت الريحه قادره انها تشبعهم هه
حط سلطان ايده ورا راسه : ياويل حالي منك يا اوميمتي احبك
تقدم سلطان يقبل خد خوله.. ابتسمت خوله الحين يجيكم احلى بيض
سلطان : تدرين اني عرفت انها طبختك من ريحتها
ابتسمت خوله : حبيبي والله
عند غيث اللي كان يذوق من الاكل ويكتشفه
استند سلطان على الدولاب تصدقون ان احسب الفطور الحلو اللي اول يوم مارح ينعاد وانه بس عشانه اول يوم وكذا لاكن صدمتوني جعل يديكم ماتمسها النار
ابتسموا الكل ..
عبير : بالعافيه وابشر بالدلع دامنا موجودات
سلطان : واحنا اصلا نسوى بدونكم الله يحفظكم
غيث وهوا ياكل : اي والله جعلني ما افقدكم بيوم
عبير ضربت كف غيث : بسك انت وهال.. ضربت كتفه لأكيل
تفاءلوا خير واطلعوا خلصتوا الفطور خلونا ناكل سوى احنا اللي مسوينه ولا كلينا
بدت عبير تدفهم : يله يله امش انت وياه برا المطبخ مافي الا انتم من بين العيال حتى البنات ماهم زيكم ياهالاثنين شالتهم مع تيشيرتاتهم برا المطبخ
سلطان بنظرات غرور : حبينا نشيك على الاوضاع
ضحكت خوله
عبير بضحك : الامور تحت السيطره لاتخافوا اطلعوا
غيث : كان كان(يعني خلاص ههه) بنطلع
ضحكوا خوله وسحر على اشكالهم وعبير ماسكه تيشيرتاتهم ومطلعتهم لبرا رجعت عبير تنهدت شوضعهم عيالكم الملاقيف فيهم فضول الارض يجلطون
ضحكت خوله وهيا ترتب الخبر :الله يصلحهم قاطعهم دخول متعب
متعب بابتسامه  وبصوت عالي  : صباح الخير
سحر : صباح النور
متعب : قواكم ربي
سحر : تسلم صح اللي باقي نايم لاننا بنحظر الحين الاكل
متعب : افا عليك اخذ من الخبز ماعليك العيال عندي كلهم قاموا
ضحكوا الكل....
عبير : اجل انا بروح اصحي البنوتات
خوله : اي والله الله يصلحهم من هالسهر اخذ كل وقتهم
سحر : خليهم اهم شي عندي وتين ماينفع لها
خوله : عاد وتين تموت بتقليد
سحر : اخ بس قد شيبت راسي كل شوي تقول لي ليش تشتري لغيم قهوه ونا لا
ضحكت خوله : ماعليه ماعليه هم كذا الاطفال
توجهت عبير لغرف البنات فتحت غرفه هيام
عبير : هيومي عيوني خلاص بسك نوم ي ماما
تمتمت هيام : ماما بليز خليني انام
عبير : اخ منك هيوم بالله قومي
قامت هيام وهيا تتمغط : ماما كم الساعه
عبير : ١٠
هيام : ماما بليز كيف بسي نوم وهيا ١٠
عبير : يا بنت قومي لازم نفطر سوا
هيام بصدمه : مامااا
عبير: شفييك
هيام : لايكون نفس اول يومين العيال معنا
عبير : لا خلاص لا العيال ولا عمامك كنا اول الايام نجتمع مع بعض وكذا الحين خلاص
هيام بنفسها : رح افتك من سلطان وموقفي معه اخ ينرفز وجع ليه يجيي
هيام : الحمدلله ي ماما لاني من زمان مالبست على راحتي
عبير : يعني انزل واثق انك بتنزلي وتصحي البنات
هيام بابتسامه : خلاص ماما انزلي والله صحيت وبقوم البنات بعد
تقدمت عبير تقبل خدها : يلا انتظركم لاتطولون
هيام : من عيوني
قامت هيام لبست السليبر توجهت لسرير الجوري : الجوري قومي نفطر مع عماتي بنت قوميي
الجوري بغضب : ياليل ابي انام شكرا مابي فطور
هيام : هيا بالله قومي عشانيي نو حنا اتفقنا نحلل كل لحضه بالله قومميي
تأففت الجوري توجهت لدوره المياه تغسل وجهها
توجهت لجهةض سديم هيام : اخ الله يعينني عليكم.. سديم قومي ينتظرونا تحت
عند عبير بعد مالفت على غرف البنات وصحتهم نزلت تجلس مع خوله وسحر بالصالة ينتظروا البنات يجون
عبير تنهدت بتعب :يالله من بنتي وبناتكم تعبوني
خوله بضحك : قد تعبوني قبلك بس لازم ينزلون ويجتمعوا معنا مايصلح هما فطور وحنا فطور
سحر : صدقتي... نسيت أسألك ي خوله
خوله باستغراب: ايش
سحر : وش عاد صار على بنت اختك اللي انخطبت تمت ولا لا
خوله بضيق : ايه سوو عقد القرآن والملكه سوا وخلوها بس اهل البنت والولد وباقي الزواج.. قاطع حديثهم نزول البنات كانت اصوات ضحكاتهم عاليه
هيام  بضحك وهيا تمشي مع الدرج : يقلع بليسكم خلااص بطني
الجوري : ونا صادقه هيا وفستانها كانها اغنيه يالبرتقاله
سديم بضحك : اخ ي الجوري  وربي منجد.. اخ ي بنات ودي انفك عليها تقهر
قمر بتنرفز : يالله تنرفز انتي شوفي شكلها وهيا تقاحرنا تحسب اننا ميتين على زوجها اللي كانه فهودي احبكم
غيم بضحك : بنات بليز وقفوا كليتوا البنت وخذيتوا ذنوبها
الجوري : ذا الصدق
عبير : اخيرا شرفتوا
ابتسموا البنات..
خوله التفتت لقمر : قمر شفتي لابوك اذا قام او لا
قمر : يالغاليه الوالد بسابع نومه
ضحكت سديم والجوري على معاناة امهم مع ابوهم
خوله : اخ يربي ونا احسبه مع اخوانه يفطر
صعدت خوله بعصبيه : اخ ب خالد دايم تتعبني اكثر من بناتك...
توجهت لجهة خالد من السرير جلست على السرير :خالد خالد خال...
خالد : هااه
خوله بتنرفز : هيا العيال واخوانك كلهم تحت ينتضروك
خالد قام وجلس يتمغط : خلاص حبي نازل
خوله : يعني انزل افطر
خالد : خلاص يا نبضي والله بنزل
خوله : اكيد
خالد : اكيدين
خوله : اجل يله انا نازله افطر تاخرت عليهم
هز خالد راسه بالموافقه
توجهت خوله وتوجهت للصاله
الجوري : ماما مره جيتي بدري بطني احسه ياكل بعظه من الجوع
خوله : وش اسوي السبب ابوك
الجوري : ونا اقوم سديم النوامه طلعت على مين
سديم باستفزاز: على اساس طالعه منها انتي اللي شفطي جينات نوم ابوي كلها
ضحكت عليهم خوله : بس انتي وياها عيب ابوكم
سديم : ماما هيا اللي ابتدأت
خوله : خلاص ي اطفال ناظرت الجوري مدري مين الكبير
الجوري بغضب:  ماما شقلت افف محد يمزح مع هالحساسه النفسيه
سديم  : ماما سكتيها
مسكت خوله على جبينها
عبير بضحك: خلاص ي بنات افطروا خلوا عنكم الهواش
سحر : حسبي الله على بليسكم الكرك برد بسبب هواشكم اسكتوا وكلوا
ناظرت هيام ب غيم والبنات وضحكوا....
بعد ما افطروا وخلصوا بدأو البنات يشيلوا السفره....
اما عند العيال كان نفس الحال
الجوري : وهيا تغسل الصحون بصوت همس : بنت  غيم تعالي
توجهت غيم لها باستغراب : هااا وشفيك؟
قربت الجوري لها  : لا بس حفله هيوم شصار عليها عاد شكلها من امس موتني ضحك عطيناها احساس الخذلان
غيم بأبتسامه : افا عليك ماعليك ازهلي حجزت كل شي حرفياً وبيجون بعد العصر يركبون الاغراض وقد كلمت عمي عبدالله
الجوري بأستغراب : ميين دفع
غيم : اخ منك اكيد امها عبير قالت انا بتكفل بكل شي محد رح يدفع شي من عنده ف كل مااحتجت مبلغ حولت لي وحجزت لانها وصتني بشي اسطوري
الجوري : وربي انك كفو
غيم بغرور : كفوك الطيب ازهليها
غيم : ايه وترا كلمت محمد بروح انا وقمر معاه عشان تختار لها هديه وتكون منكم كلكم حتى عمه خوله
الجوري : مره تمام وسديم قد قالت لي ان عمي عبدالله بياخذ هيام ووحده معاها عشان ماتقروشنا
غيم : وانتي وسديم جهزوا باقي الاغراض والامور
الجوري : ماعليك كل شي بيكون تمام
عطتها غيم قبله بالهوا...
الجوري : بنت كيف حنا مفهين كذا
غيم : ليه وش
الجوري : ماقد كلمنا عمي متعب ولا قلنا لهم اننا نبي لحالنا وكذا ومايدرون ان يوم  ميلادها اليوم
غيم : لا ي حبي قد علمتني عمه عبير انها علمت الكل
الجوري : اشوا الحمدلله
دقت غيم الجوري  : خلاص اسكتي جو البنات ومعهم هيام
تقدموا البنات وهما يضحكون للمطبخ
قمر : هاي وش باقي تسوون
غيم : شوفت عينك ننظف
هيام : بنات خلاص خلونا نرتاح تعالوا نجلس
ورد : منجد خلاص كملنا نرتب وننظف تعالو نجلس.. قاطع حديثهم دخول عمهم خالد
صوت بصوت مسموع على البنات : سلام عليكم
ردو البنات السلام وقدموا يسلمون على راس عمهم
خالد : سلمتوا سلمتوا
الجوري : بابا
خالد : عيونه
الجوري : فديت عويناتك.. تعال ابي اسألك برا عن شي.. استاذنت من البنات.. بنات عن اذنكم بروح شوي وارجع لكم
مشت وهيا ساحبه يد ابوها : بابا ابي اسالك عن البيت اللي قلت بالحاره ومدري ايش ووش وضعه هل بنسكن فيه ولا معد بنسكن ولا وش السالفه من اول ابي اسالك بس ما امداني انسى
خالد : ي روحي انتي القرار لكم اذا مرتاحين تناموا مع بعض وماعندكم مشكله ليه ننقل
الجوري : الحمدلله مره مرتاحين الحمدلله ريحتني بان كان الموضوع مقلقني وحبيت اتطمن
خالد : ياروحي انتي مستحيل اسوي شي بدون رضاكم
ابتسمت الجوري بضيق ونزلت راسها
خالد رفع راسها : شفيك ي كلي
الجوري متضايقه من خالتي تهاني
خالد : ي بابا قد تكلمنا بالموضوع ذا
الجوري بنبره بكي : بابا حتى لو انا تخطيت الموقف ذا مستحيل ماما تنسى غدرت اختها لها
تقدم خالد وحضن الجوري : ي روحي انتي لاتبكي ولاتزعلين وامك هاه شوفيها كيف مبسوطه ومستانسه وانا حطتها هنا عشان تختلط مع خواتي وتنشغل معهم وتنسى اهلها
الجوري ببكي : بابا تدري انها دقت عليها خالتي تهاني وجلست تستفزها بالكلام وتقول انها سوت الصح
خالد مسح على ضهرها حط وجهها بين كفوفه : ي كلي انتي مفروض تفرحي لان ربي كشف لك اقنعتهم لاتزعلي ولاتتكدري مدامني عايش واذا على موضوع امك بطلعها بين فتره وفتره وانتم كمان لازم تكونوا اقوياء عشان تستمد قوتها منكم ي بناتها اوكيه ي بابا
الجوري : اوك.. حضنت ابوها بقوه.. الله لايحرمنا منك مدري ايش بسوي لو ماكنت موجود
ابتسم خالد : خلاص الحين ارجعي للبنات وصلي على النبي وتقهوي وعيني من الله خير وامك هذاهي صوت ضحكاتها واصل لين الدور الثاني
ابتسمت الجوري وقبلت ابوها : الله يحفظك لنا
خالد بابتسامه : وياكم يله يله اشوف بلا مشاعر حزن حسبي الله على بليسك حزنتيبي
ضحكت الجوري ورجعت للبنات بعد مافضفضت لابوها وحست مثل الجبل انهد من على صدرها تنهدت بفرح ورجعت تسولف مع البنات..
عند مجلس الرجال اللي كان الكل فيه من العيال وعمامهم
بين الازعاج والسوالف واللي يلعب واللي على جواله
خالد : ابوي
متعب : هلا
خالد : تدري من شقيت وجهه امس
متعب : من
خالد ناظر غيث وضحك : واحد مهايطي فاز علي مرتين ولقمته
ثلاث مرات خساره ورا
سلطان : ههه منهو هالهطف والله لقم
عمر : يراسي والله سددله يولد
عبدالله : ي حبيبي ذا بيكون محتوى الجلسه هات منهو
متعب بضحك : منهو ذا خلنا نطقطق عليه
خالد : واحد يسوي نفسه مايسمع جالس جنبك
التفت متعب لغيث : انت
غيث :وش
خالد بضحك : يسوي مجنون خليك خليك عشان تعرف كيف تطقطق علي
متعب : ثلاث مره وحده اول مره تمر علي
غيث : يعني ي عم صرت محتوى الجلسه
متعب بضحك ربت على كتف غيث : يلا يلا ماعليك ي رجال   تعيش وتاكل غيرها
ناظر له خالد وضحك
عند محمد اللي كان متكي وحاط ايده ورا راسه ويسترجع ذكرياته القديمه مع محبوبته وكيف كانوا من وهم صغار يحبوا يقعدوا لحالهم ويلعبوا ويدافعوا عن بعض ويحميها من اي احد يحاول يمد يده عليها وهيا تحتمي به ولمن كبروا بدوا  يحسوا بمشاعر بس ولا احد تجرأ يبادر خوفاً من ردت فعل الطرف الثاني وعند سلطان اللي كل ماتذكر موقفه هوا وهيام ضحك ولا خالد اللي بس ماسك غيث طقطقه لاجل يرد له حركته
وطقطقته عليه
بدا البيت يفضى والاغلبيه يصعد عشان يكملون نوم لين الظهر وتبدا فعالياتهم وتجهيزاتهم لميلاد هيام...