صحت هيام على صوت منبهها قامت من سريرها لبست السليبر وتوجهت لسراير البنات وقومتهم توجهت بعد لغرفه غيم وقومتهم صحوا ونزلوا تحت لقوا الاخوان بالصالة يسولفون واصوات
ضحكاتهم ملت المكان والعيال بالمجلس نصهم نايمين ونصهم يلعبون جكارو اما الاخوات وخوله كانوا بالمطبخ يجهزوا غداهم كانوا يلعبون وتين حطو لها كرسي وطلعت عليه وخلوها تقلب بالاكل كانوا يصفقون لها ووتين تتحمس وتبي تسوي معاهم كل شي
دخلوا البنات للمطبخ..
سحر : ماشاءالله ماشاءالله شرفتوا كيف الخدمات حلوه ولا تبون بكج ثاني ونتي ي الست ورد اختك الصغيره صحت ونتي لسا!!
ورد : ماما شنسوي نوم مانقدر نقاوم!!
سحر : اخ اخ منكم تعالو تعالو قطعوا السلطه والباقي يفرشون السفر
خوله : شتقولين عن الي عندي الله يعيني بس
سديم بتنرفز : ماما خلااص خذتونا تسفيل كان انفداكم
خوله : ذا الصدق عطتها صحن التقطيع.. كملي كملي ونتي ساكته
ضحكوا البنات
غيم : عطتك اقوى ميوت
سديم : نييينييينيي اسكتي لادخل السكين بعينك
غيم : لا ذي منجد نفست
الجوري : ترا مهبوله تسويها وخري عنها
هيام : والله ملامحها توحي انها صادقه وماعندها مانع فا بروح بكل احترام واحظر السفره قبل ما الاقي لي طعنه
هربت هيام خذت سفرتين وركضت للصاله
هيام ناظرت لعمامها : صباح الخير
رد الكل : صباح النور
متعب : ياهلا ببنت اختي ها كيفك
هيام : الحمدلله تمام
خالد : قواكم ربي جعلني مانحرم
عبدالله يحاول يستفزها : ها كيفك بعد حفلت امس ترا كنا ناوين مانسوي لك
هيام بغضب : يعني شتبي توصل له
عبدالله : ابد سلامتك
هيام قلدت طريقه كلامه :ابد سلامتك.. ياشينك
ضحك متعب عليها : شفيك ي بنتي يمزح معك
هيام بنبره بكي : لا شكرا لايمزح يعني زياده اني جهزت من شهور اغراض حفلتي اخر شي ماحد يسوي لي حفله زيي الاوادم كانت منزله راسها ونزلت دموعها وتوجهت ركض للمطبخ
متعب : ليتك هجد ي عبدالله
عبدالله : شدراني انها حساسه كذا
متعب : تراها بنت مو واحد من الشباب
خالد : الله يصلحك انتبه فرق بين انك تمزح مع بنت ومع اخوياك ولا اولاد عمامك
عبدالله : شفيكم كليتوني حبيت بس انكد عليها شوي عشان حفلتها ابيها تفقد الامل شوي اننا نسويلها
خالد : يراسي منك
متعب : يلا خلاص ماعليها دام العوض جايها
خالد : تستاهل دلوعتنا خلها تدلع دامها وحيده امها
متعب : صدقت ما الوم عبير يوم انها ماترفض لها طلب وتخاف عليها من ادنى شي
عند البنات..
دخلت هيام عليهم وعيونها مليانه دمووع
غيم : يماا شفيك
توجهوا البنات كلهم عندها
سديم : مين زعلك اروح افقع وجهه وادخل السكين بعينه.. واحد من العيال ولا من
هيام ضحكت بوسط دموعها : عمي عبدالله
سديم بضحك : اييه هاذا مطفوق ماعليك منه بس وش قالك؟
هيام : يقول احمدي ربك اننا سوينا لك حفله امس على السريع كنا ناوين مانسوي.. اخخخ قهرنيييي... واصلا ماتتسمى حفله اللي امس كيكه واغنيه وحنا واقفين بنص الشارع سلامات
لفت وجهها سديم وضحكت وضحكوا الباقي بدون ماتنتبه هيام
هيام : وش يضحك ي سديم!!
سديم : لا بس اضحك على مزح هالمطفوق
الجوري تحاول تخفي ضحكتها : ماعليك ماعليك منه نعوضك الميلاد الجاي
هيام : بعد ايش عافها الخاطر قعدت تقلب بالسلطه وكانت تهوجس
لفت الجوري لغيم اجل لو تدري وش مسوين ليها اخاف تستخف علينا
غيم : وربي ههههه متحمسه لردة فعلها
سديم : خلااص اسكتي لاننفضح
دخلت عبير : يماا خلاص الاكل خلص اخ منكم بغى يحترق الاكل وخروا.. فتحت القدر... الحمد لله لحقنا عليه حضرتوا
هيام : ايه انا حضرت وحضرت لعماني باقي للعيال خلي عمي عبدالله يجي يفرش عندهم
عبير : تمام
صوتت عبير لعبدالله فز عبدالله وتوجه للمطبخ
عبدالله : سمي
عبير : سم الله عدوك.. هاك ود السفره والتحضيرات للعيال ورح لاخوانك بعدها تغدا
عبدالله : ابشري
توجهوا متعب وخالد وعبدالله يغسلون يديهم ويتغدوا جلس الكل كانوا يضحكون واصوات الكل المتعاليه....
أنت تقرأ
"يا الهفوف انتبهي لخلي اللي لامنه ضحك مال كل ثقيل متزن"
General Fictionروايه تجمع بين محبوبين من الرياض والجنوب يلتقون وباول لقاء لهم......❤️🔥 -اعتذر لقد تم توقيفها- #حُب#جراءه #حزن #ضحك #صدف#عائليه
